കാണിക്കവഞ്ചി കുത്തി തുറന്ന് മോഷണം

തിരുവല്ല: മീന്തലക്കര ശ്രീധർമ്മശാസ്താ ക്ഷേത്രത്തിലെ കാണിക്കവഞ്ചി കുത്തി തുറന്ന് മോഷണം. രാവിലെ പത്തരയോടെയാണ് മോഷണ വിവരം പുറത്തിറഞ്ഞത്. ക്ഷേത്ര പരിസരം വൃത്തിയാക്കാൻ എത്തിയ താൽക്കാലിക ജീവനക്കാരനാണ് കാണിക്കവഞ്ചി കുത്തിത്തുറന്ന നിലയിൽ കണ്ടെത്തിയത്.

ഏകദേശം ഇരുപതിനായിരത്തോളം രൂപ നഷ്ടമാണെന്നാണ് പ്രാഥമിക വിലയിരുത്തൽ. തിരുവിതാംകൂർ ദേവസ്വം ബോർഡ് അധികൃതർ നൽകിയ പരാതിയിൽ തിരുവല്ല പോലീസ് കേസെടുത്ത് അന്വേഷണം ആരംഭിച്ചു.