തി​രു​വ​ല്ല ന​ഗ​ര​സ​ഭ​ റീ​ൽ​സ് വിവാദം; സർഗാത്​മകത പുറത്തെടുത്തു, സമ്മിശ്ര പ്രതികരണം

തി​രു​വ​ല്ല: തി​രു​വ​ല്ല ന​ഗ​ര​സ​ഭ​യി​ലെ ഒ​മ്പ​ത് ജീ​വ​ന​ക്കാ​ർ ത​ങ്ങ​ളു​ടെ സ​ർ​ഗാ​ത്മ​ക​ത​യെ ഒ​ന്നു​പൊ​ലി​പ്പി​ക്കാ​ൻ ശ്ര​മി​ച്ച​ത് സ​മൂ​ഹ​മാ​ധ്യ​മ​ങ്ങ​ൾ ഏ​റ്റെ​ടു​ത്ത് ച​ർ​ച്ച​യാ​ക്കി​യ​പ്പോ​ൾ അ​നു​കൂ​ലി​ച്ചും പ്ര​തി​കൂ​ലി​ച്ചും പ്ര​തി​ക​ര​ണം നി​ര​ന്നു. അ​വ​ധി ദി​ന​ത്തി​ൽ ഓ​ഫി​സി​നു​ള്ളി​ൽ നി​ന്നു​ത​ന്നെ റീ​ൽ​സ് ത​ട്ടി​വി​ട്ട​ത് പു​ലി​വാ​ലാ​കു​മെ​ന്നും ന​ട​പ​ടി ഉ​ണ്ടാ​കു​മെ​ന്നും ജീ​വ​ന​ക്കാ​രും പ്ര​തീ​ക്ഷി​ച്ചി​രി​ക്കു​മ്പോ​ഴാ​ണ് ത​ദ്ദേ​ശ​മ​ന്ത്രി ത​ന്നെ ഇ​വ​രു​ടെ ര​ക്ഷ​ക്കെ​ത്തി​യ​ത്.

സ​ർ​ഗാ​ത്മ​ക പ്ര​വ​ർ​ത്ത​ന​മാ​യി ഇ​തി​നെ ക​ണ്ടാ​ൽ മ​തി​യെ​ന്നാ​ണ് മ​ന്ത്രി എം.​ബി. രാ​ജേ​ഷി​ന്‍റെ പ്ര​തി​ക​ര​ണം ജീ​വ​ന​ക്കാ​ർ​ക്ക്​ ര​ക്ഷ​യാ​യി. സ​മൂ​ഹ​മാ​ധ്യ​മ​ങ്ങ​ളി​ൽ ശ്ര​ദ്ധി​ക്കു​ന്ന റീ​ൽ​സ് ത​ന്നെ​യാ​ണ് ജീ​വ​ന​ക്കാ​രു​ടേ​താ​യി പു​റ​ത്തു​വ​ന്ന​ത്.

പാ​ട്ടി​നൊ​പ്പം താ​ളം​പി​ടി​ച്ച് ചു​വ​ടു​വ​ച്ച് ഓ​ഫീ​സ് ജോ​ലി​ക​ൾ ചെ​യ്യു​ന്ന തി​രു​വ​ല്ല ന​ഗ​ര​സ​ഭ​യി​ലെ ജീ​വ​ന​ക്കാ​ർ പ​ക​ർ​ത്തി​യ റീ​ൽ​സി​ന് സ​മൂ​ഹ​മാ​ധ്യ​മ​ങ്ങ​ളി​ൽ കു​റ​ഞ്ഞ ദി​വ​സ​ങ്ങ കൊ​ണ്ട് വ​ൻ​പ്ര​തി​ക​ര​ണ​മാ​ണ് ല​ഭി​ച്ച​ത്. വ​നി​ത ജീ​വ​ന​ക്കാ​ർ അ​ട​ക്കം പാ​ട്ടി​നൊ​പ്പം ചു​ണ്ട​ന​ക്കി പാ​ടു​ന്ന​താ​യി അ​ഭി​ന​യി​ച്ച് ഫ​യ​ൽ കൈ​മാ​റു​ന്ന ചി​ത്ര​ങ്ങ​ളാ​ണ് റീ​ൽ​സി​ലു​ള്ള​ത്.

റീ​ൽ​സ് വി​വാ​ദ​മാ​യ​തി​നു പി​ന്നാ​ലെ ന​ഗ​ര​സ​ഭ സെ​ക്ര​ട്ട​റി വി​ശ​ദീ​ക​ര​ണം തേ​ടി​യി​രു​ന്നു. ചി​ത്രീ​ക​ര​ണം ന​ട​ത്തി​യ​ത് ജോ​ലി സ​മ​യ​ത്ത​ല്ലെ​ന്ന വി​ശ​ദീ​ക​ര​ണ​മാ​ണ് ജീ​വ​ന​ക്കാ​ർ ന​ൽ​കി​യ​ത്. മ​ഴ​ക്കെ​ടു​തി​യു​മാ​യി ബ​ന്ധ​പ്പെ​ട്ട് ദു​ര​ന്ത​നി​വാ​ര​ണ അ​തോ​റി​റ്റി ചെ​യ​ർ​മാ​നെ​ന്ന നി​ല​യി​ൽ ക​ല​ക്ട​ർ ന​ൽ​കി​യ ഉ​ത്ത​ര​വ്​ പ്ര​കാ​രം ജോ​ലി ചെ​യ്ത ഞാ​യ​റാ​ഴ്ച​യാ​ണ് ചി​ത്രീ​ക​ര​ണം ന​ട​ന്ന​ത്.

അ​തും ഉ​ച്ച​ഭ​ക്ഷ​ണ സ​മ​യ​ത്തെ ഇ​ട​വേ​ള​യി​ലാ​ണെ​ന്നും വി​ശ​ദീ​ക​രി​ക്കു​ന്നു. സെ​ക്ര​ട്ട​റി അ​വ​ധി​യാ​യി​രു​ന്ന​തി​നാ​ൽ സീ​നി​യ​ർ സൂ​പ്ര​ണ്ടി​ന് ഒ​മ്പ​തു പേ​രും​മ​റു​പ​ടി ന​ൽ​കി​യി​രു​ന്നു. വി​ഡി​യോ​യി​ൽ അ​ഭി​ന​യി​ച്ച​വ​രു​ടെ പ്ര​തി​ക​ര​ണം തേ​ടി​യ​പ്പോ​ൾ ത​ങ്ങ​ളെ ഇ​നി ഉ​പ​ദ്ര​വി​ക്ക​രു​തെ​ന്ന അ​ഭ്യ​ർ​ഥ​നാ​യാ​ണ്​ ജീ​വ​ന​ക്കാ​ർ മു​ന്നോ​ട്ട്​ വെ​ച്ച​ത്.