ഉദ്ഘാടനശേഷം ഇതുവരെ കവാടം തുറന്നിട്ടില്ല; തിരുവല്ല നഗരസഭ ഷീ ലോഡ്ജ് അനാഥം

തി​രു​വ​ല്ല: ന​ഗ​ര​ത്തി​ൽ എ​ത്തു​ന്ന സ്ത്രീ​ക​ൾ​ക്ക് സു​ര​ക്ഷി​ത താ​വ​ളം ഒ​രു​ക്കാ​ൻ അ​ര​ക്കോ​ടി ചെ​ല​വ​ഴി​ച്ച് ന​ഗ​ര​സ​ഭ നി​ർ​മി​ച്ച ഷീ ​ലോ​ഡ്ജ് കെ​ട്ടി​ടം അ​നാ​ഥ​മാ​കു​ന്നു.

തി​രു​വ​ല്ല വൈ.​എം.​സി.​എ ജ​ങ്​​ഷ​ന് സ​മീ​പം ന​ഗ​ര​സ​ഭ​യു​ടെ ഉ​ട​മ​സ്ഥ​ത​യി​ലു​ള്ള ല​ക്ഷ​ങ്ങ​ൾ വി​ല​മ​തി​ക്കു​ന്ന ഭൂ​മി​യി​ൽ ര​ണ്ടു വ​ർ​ഷം മു​മ്പ് നി​ർ​മി​ച്ച കെ​ട്ടി​ട​മാ​ണ് നാഥനില്ലാക്കളരിയായി നാ​ശ​ത്തി​ലേ​ക്ക് നീ​ങ്ങു​ന്ന​ത്.

ജ​ന​കീ​യ ആ​സൂ​ത്ര​ണ പ​ദ്ധ​തി പ്ര​കാ​രം നി​ർ​മി​ച്ച കെ​ട്ടി​ട​മാ​ണി​ത്. 2020 ആ​ഗ​സ്റ്റ് 13ന് ​നി​ർ​മാ​ണം ആ​രം​ഭി​ച്ച കെ​ട്ടി​ട​ത്തി​ന്റെ ഉ​ദ്ഘാ​ട​നം 2022 ഏ​പ്രി​ൽ 30ന് ​പ്ര​തി​പ​ക്ഷ നേ​താ​വ് വി.​ഡി. സ​തീ​ശ​നാ​ണ് നി​ർ​വ​ഹി​ച്ച​ത്. ചു​റ്റു​മ​തി​ലോ​ട് കൂ​ടി​യ കെ​ട്ടി​ട​ത്തി​ൽ ആ​റു​മു​റി​യാ​ണു​ള്ള​ത്.

ഉ​ദ്ഘാ​ട​ന ശേ​ഷം അ​ട​ഞ്ഞ പ്ര​ധാ​ന ക​വാ​ടം പി​ന്നീ​ട് തു​റ​ന്നി​ട്ടി​ല്ല. അ​ടി​ത്ത​റ നി​ർ​മാ​ണ​ത്തി​ൽ അ​ട​ക്കം നി​ര​വ​ധി അ​പാ​ക​ത​യു​ണ്ടെ​ന്ന് സാ​ങ്കേ​തി​ക പ​രി​ജ്ഞാ​ന​മു​ള്ള​വ​ർ ചൂ​ണ്ടി​ക്കാ​ട്ടു​ന്നു​ണ്ട്. അ​ടി​ത്ത​റ​യു​ടെ ഉ​യ​രം കു​റ​വാ​യ​തി​നാ​ൽ സെ​പ്റ്റി​ക് ടാ​ങ്കി​ൽ​നി​ന്ന്​ മ​ലി​ന​ജ​ലം പു​റ​ത്തേ​ക്ക് ഒ​ഴു​കു​ന്ന അ​വ​സ്ഥ ഉ​ദ്ഘാ​ട​ന ദി​വ​സം ത​ന്നെ സം​ഭ​വി​ച്ചി​രു​ന്നു. ജ​നു​വ​രി​യി​ലെ ന​വ​കേ​ര​ള സ​ദ​സ്സി​ൽ കെ​ട്ടി​ടം തു​റ​ന്നു പ്ര​വ​ർ​ത്തി​പ്പി​ക്ക​ണ​മെ​ന്ന് ആ​വ​ശ്യ​പ്പെ​ട്ട് തി​രു​വ​ല്ല വി​ജി​ല​ൻ​സ് കൗ​ൺ​സി​ൽ നി​വേ​ദ​നം ന​ൽ​കി​യി​രു​ന്നു.

ഇ​തി​ന്‍റെ ഭാ​ഗ​മാ​യി ന​ഗ​ര​സ​ഭ​യി​ൽ​നി​ന്ന്​ ല​ഭി​ച്ച മ​റു​പ​ടി​യി​ൽ വൈ​ദ്യു​തി, ശു​ദ്ധ​ജ​ല ക​ണ​ക്ഷ​ൻ ല​ഭി​ച്ച​താ​യും ഉ​ട​ൻ കെ​ട്ടി​ടം പ്ര​വ​ർ​ത്ത​ന ക്ഷ​മ​മാ​കു​മെ​ന്നും പ​റ​ഞ്ഞി​രു​ന്നു. അ​നാ​ഥ​മാ​യി കി​ട​ക്കു​ന്ന കെ​ട്ടി​ടം ഇ​പ്പോ​ൾ ഇ​ഴ​ജ​ന്തു​ക്ക​ളു​ടെ​യും സാ​മൂ​ഹി​ക വി​രു​ദ്ധ​രു​ടെ​യും താ​വ​ള​മാ​യി മാ​റി​യി​രി​ക്കു​ക​യാ​ണെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു.

വ​ർ​ക്കി​ങ്​ വി​മ​ൻ​സ് ഹോ​സ്റ്റ​ലാ​ക്കി മാ​റ്റി​ക്കൊ​ണ്ട് കെ​ട്ടി​ടം ഉ​പ​യോ​ഗ യോ​ഗ്യ​മാ​ക്കാ​നു​ള്ള ന​ട​പ​ടി സ്വീ​ക​രി​ക്കാ​ൻ അ​ധി​കൃ​ത​ർ ത​യാ​റാ​ക​ണ​മെ​ന്ന ആ​വ​ശ്യ​വും ഉ​യ​രു​ന്നു​ണ്ട്.

അ​ക്വാ​ട്ടി​ക് അ​സോ​സി​യേ​ഷ​ന്റെ​യും ന​ഗ​ര​സ​ഭ​യു​ടെ​യും ഫ​ണ്ട് ഉ​പ​യോ​ഗി​ച്ച് 80 ല​ക്ഷ​ത്തോ​ളം രൂ​പ ചെ​ല​വ​ഴി​ച്ച് പു​ഷ്പ​ഗി​രി റോ​ഡി​നോ​ട് ചേ​ർ​ന്ന് 12 വ​ർ​ഷം മു​മ്പ് നി​ർ​മി​ച്ച നീ​ന്ത​ൽ​കു​ളം ഉ​ദ്ഘാ​ട​നം​പോ​ലും നി​ർ​വ​ഹി​ക്കാ​നാ​വാ​തെ അ​നാ​ഥ​മാ​യി കി​ട​ക്കു​ക​യാ​ണ്. സ​മാ​ന​മാ​യ അ​വ​സ്ഥ​യാ​ണ് ഷീ ​ലോ​ഡ്ജ് കെ​ട്ടി​ട​ത്തി​നും ഉ​ണ്ടാ​കാ​ൻ പോ​കു​ന്ന​ത് എ​ന്ന​താ​ണ് നാ​ട്ടു​കാ​രു​ടെ അ​ഭി​പ്രാ​യം.

അ​തേ​സ​മ​യം, നി​ർ​മാ​ണ​ത്തി​ൽ അ​പാ​ക​ത സം​ഭ​വി​ച്ചി​ട്ടു​ണ്ടോ​യെ​ന്ന് അ​റി​യാ​ൻ ന​ഗ​ര​സ​ഭ എ​ൻ​ജി​നീ​യ​റി​ങ് വി​ഭാ​ഗ​ത്തി​ന്റെ പ​രി​ശോ​ധ​ന ആ​വ​ശ്യ​മു​ണ്ടെ​ന്നും അ​തി​നു​ള്ള ന​ട​പ​ടി പു​രോ​ഗ​മി​ക്കു​ക​യാ​ണെ​ന്നും ന​ഗ​ര​സ​ഭ സെ​ക്ര​ട്ട​റി പ​റ​ഞ്ഞു.