തിരുവല്ല സ്വദേശി നഴ്സ് ഡൽഹിയിൽ വാഹനാപകടത്തിൽ മരിച്ചു

തിരുവല്ല: ഡൽഹിയിൽ നടന്ന വാഹനാപകടത്തിൽ തിരുവല്ല സ്വദേശി മരിച്ചു. ഡൽഹിയിലെ സ്വകാര്യ ആശുപത്രിയിൽ നഴ്സായ കിഴക്കൻ മുത്തൂർ കൊച്ചമലയിൽ ജോൺസൺ-സുജ ദമ്പതികളുടെ മകൻ ബെൻ ജോൺസൻ (33) ആണ് മരിച്ചത്. ഇന്നലെ രാത്രി എട്ട്​ മണിയോടെ ആയിരുന്നു അപകടം.

നൈറ്റ് ഡ്യൂട്ടിക്കായി ആശുപത്രിയിലേക്ക് പോകുംവഴിയായിരുന്നു അപകടം. ബെൻ സഞ്ചരിച്ച ഇരുചക്ര വാഹനം എതിരെ വന്ന ബി.എസ്.എഫ് ട്രക്കുമായി കൂട്ടിയിടിച്ചാണ് അപകടം സംഭവിച്ചത്.

സൈനികർ ഉടൻ ബെന്നിനെ എയിംസ് മെഡിക്കൽ കോളജ് ആശുപത്രിയിൽ പ്രവേശിപ്പിച്ചുവെങ്കിലും മരണം സംഭവിക്കുകയായിരുന്നു.