മണ്ണ് കയറ്റിവന്ന ടിപ്പർ ലോറി റോഡിലേക്ക് മറിഞ്ഞു

തിരുവല്ല: തിരുവല്ല-കായംകുളം സംസ്ഥാന പാതയിലെ പൊടിയാടിയിൽ മണ്ണ് കയറ്റി വന്ന ടിപ്പർ ലോറി റോഡിലേക്ക് മറിഞ്ഞു. ടിപ്പർ ഡ്രൈവർ പരിക്കേൽക്കാതെ അത്ഭുതകരമായി രക്ഷപെട്ടു. ഇന്ന് രാവിലെ ഏഴു മണിയോടെ പൊടിയാടി തറവാട് റസ്റ്റോറന്‍റിന് സമീപമായിരുന്നു അപകടം.

കടപ്ര സ്വദേശിയുടെ ഉടമസ്ഥതയിലുള്ള ലോറിയാണ് അപകടത്തിൽപ്പെട്ടത്. ഇടവഴിയിൽ നിന്നും പ്രധാന റോഡിലേക്ക് അപ്രതീക്ഷിതമായി എത്തിയ ഇരുചക്ര വാഹനത്തെ ഇടിക്കാതിരിക്കാൻ വെട്ടിച്ച ലോറി നിയന്ത്രണം വിട്ട് മറിയുകയായിരുന്നു.

ജെ.സി.ബി എത്തിച്ച് ലോറി റോഡിൽ നിന്നും മണ്ണ് നീക്കുകയായിരുന്നു. അപകടത്തെ തുടർന്ന് റോഡിൽ അര മണിക്കൂറോളം ഗതാഗതം തടസപ്പെട്ടു.