അനധികൃത പാർക്കിങ്; ഗതാഗതക്കുരുക്കിൽ വലഞ്ഞ്​ ചുങ്കപ്പാറ - പൊന്തൻപുഴ റോഡ്

ചു​ങ്ക​പ്പാ​റ : റോ​ഡ്​ വ​ശ​ങ്ങ​ളി​ലെ അ​ന​ധി​കൃ​ത പാ​ർ​ക്കി​ങ് കാ​ര​ണം ചു​ങ്ക​പ്പാ​റ - പൊ​ന്ത​ൻ​പു​ഴ റോ​ഡി​ൽ ഗ​താ​ഗ​ത​ക്കു​രു​ക്ക് രൂ​ക്ഷ​മാ​കു​ന്നു. ജ​ങ്ഷ​ൻ മു​ത​ൽ പ​ഴ​യ തീ​യേ​റ്റ​ർ പ​ടി വ​രെ റോ​ഡി​ന്​ ഇ​രു​വ​ശ​ങ്ങ​ളി​ലും വാ​ഹ​ന​ങ്ങ​ൾ അ​ല​ക്ഷ്യ​മാ​യി പാ​ർ​ക്ക് ചെ​യ്യു​ന്ന​താ​ണ് ഗ​താ​ഗ​ത​ക്കു​രു​ക്കി​ന് പ്ര​ധാ​ന കാ​ര​ണം.

യാ​തൊ​രു നി​യ​ന്ത്ര​ണ​വു​മി​ല്ലാ​തെ നൂ​റു​ക​ണ​ക്കി​ന് ടി​പ്പ​ർ ലോ​റി​ക​ൾ ക​ട​ന്നു​പോ​കു​ന്ന​തി​നാ​ൽ എ​പ്പോ​ഴും തി​ര​ക്കേ​റി​യ റോ​ഡു​കൂ​ടി​യാ​ണി​ത്. നി​ര​വ​ധി ബാ​ങ്കു​ക​ൾ, എ.​ടി.​എം, വ​ർ​ക്ക്ഷോ​പ്പ്, ആ​ശു​പ​ത്രി, മ​റ്റു തി​ര​ക്കേ​റി​യ വ്യാ​പാ​ര സ്ഥാ​പ​ന​ങ്ങ​ളും സ്ഥി​തി ചെ​യ്യു​ന്ന റോ​ഡാ​ണി​ത്. വി​വി​ധ ആ​വ​ശ്യ​ങ്ങ​ൾ​ക്ക് എ​ത്തു​ന്ന​വ​ർ, പാ​ർ​ക്ക് ചെ​യ്യാ​ൻ സ്ഥ​ല​മി​ല്ലാ​ത്ത​തി​നാ​ൽ റോ​ഡ്​ വ​ശ​ങ്ങ​ളി​ലാ​ണ് വാ​ഹ​ന​മി​ടു​ന്ന​ത്. ഇ​രു​ദി​ശ​യി​ൽ നി​ന്നും വ​ലി​യ​വാ​ഹ​ന​ങ്ങ​ൾ വ​ന്നാ​ൽ ക​ട​ന്നു​പോ​കാ​ൻ ക​ഴി​യാ​ത്ത സ്ഥി​തി​യാ​ണ് മി​ക്ക​പ്പോ​ഴും.

വാ​ഹ​നം പാ​ർ​ക്ക് ചെ​യ്​​ത​വ​ർ തി​രി​കെ​യെ​ത്തി മാ​റ്റും​വ​രെ കാ​ത്തു​കി​ട​ക്കേ​ണ്ട ഗ​തി​കേ​ടു​മു​ണ്ടാ​കു​ന്നു​ണ്ട്​ മി​ക്ക​പ്പോ​ഴും. ഇ​ത് ജ​ങ്ഷ​നി​ലെ മ​റ്റ് റോ​ഡു​ക​ളി​ലും കു​രു​ക്കു​ണ്ടാ​ക്കു​ന്നു​ണ്ട്. റോ​ഡി​ന്‍റെ വീ​തി കു​റ​വും റോ​ഡി​ലേ​ക്ക് ഇ​റ​ങ്ങി നി​ൽ​ക്കു​ന്ന വൈ​ദ്യു​തി പോ​സ്റ്റും, റോ​ഡ് ക​യ്യേ​റി​യു​ള്ള നി​ർ​മാ​ണ​വു​മാ​ണ് സു​ഗ​മ​മാ​യ വാ​ഹ​ന ഗ​താ​ഗ​ത​ത്തി​ന് ത​ട​സ്സ​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.