പൊടിപിടിച്ച് പൊലീസ് എയ്ഡ് പോസ്റ്റ്; കെ.എസ്.ആർ.ടി.സി സ്റ്റാൻഡിൽ വാഹന മോഷണം പതിവ്

പ​ത്ത​നം​തി​ട്ട: ജി​ല്ല ആ​സ്ഥാ​ന​ത്തെ കെ.​എ​സ്.​ആ​ർ.​ടി.​സി സ്റ്റാ​ൻ​ഡി​ൽ വാ​ഹ​ന മോ​ഷ​ണം പ​തി​വാ​കു​ന്നു. ക​ഴി​ഞ്ഞ ആ​റു​മാ​സ​ത്തി​നി​ടെ പ​ത്തോ​ളം ഇ​രു​ച​ക്ര​വാ​ഹ​ന​ങ്ങ​ളാ​ണ് ഇ​വി​ടെ നി​ന്ന്​ മോ​ഷ​ണം പോ​യ​ത്. ഏ​റ്റ​വും ഒ​ടു​വി​ലാ​യി തി​രു​വ​ല്ല സ്റ്റേ​ഷ​നി​ലെ എ.​എ​സ്.​ഐ അ​ജി​കു​മാ​റി​ന്റെ ബൈ​ക്ക്​ ക​ഴി​ഞ്ഞ ദി​വ​സം മോ​ഷ​ണം പോ​യി.

വ​ല​ഞ്ചു​ഴി സ്വ​ദേ​ശി​യാ​യ ഇ​ദ്ദേ​ഹം രാ​വി​ലെ ജോ​ലി​ക്ക് പോ​കു​ന്ന​തി​നാ​യാ​ണ് ബൈ​ക്ക് സ്റ്റാ​ൻ​ഡി​ലെ പാ​ർ​ക്കി​ങ് ഏ​രി​യി​ൽ​വെ​ച്ച​ത്. ഡ്യൂ​ട്ടി​ക​ഴി​ഞ്ഞ് തി​രി​കെ എ​ത്തി​യ​പ്പോ​ൾ വാ​ഹ​നം കാ​ണാ​നി​ല്ലാ​യി​രു​ന്നു. രാ​ത്രി​യി​ലാ​ണ് ഇ​വി​ടെ അ​ധി​ക മോ​ഷ​ണ​ങ്ങ​ളും ഉ​ണ്ടാ​യി​ട്ടു​ള്ള​ത്. മോ​ഷ​ണം വ​ർ​ധി​ക്കു​മ്പോ​ഴും ഒ​രെ​ണ്ണ​ത്തി​ൽ​പോ​ലും ഇ​തു​വ​രെ പ്ര​തി​യെ പി​ടി​കൂ​ടാ​ൻ പൊ​ലീ​സി​നാ​യി​ട്ടി​ല്ല. ഇ​രു​ച​ക്ര​വാ​ഹ​ന​ങ്ങ​ളാ​ണ് കൂ​ടു​ത​ലും മോ​ഷ​ണം പോ​കു​ന്ന​ത്. ഹാ​ൻ​ഡി​ൽ പൂ​ട്ടാ​തെ​വെ​ക്കു​ന്ന വാ​ഹ​ന​ങ്ങ​ളാ​ണ് മോ​ഷ്ടി​ക്കു​ന്ന​ത്. പൂ​ട്ടി​വെ​ച്ച​ത് ഒ​ടി​ച്ചെ​ടു​ത്ത് കൊ​ണ്ടു​പോ​യ സം​ഭ​വ​ങ്ങ​ളും ഉ​ണ്ടാ​യി​ട്ടു​ണ്ട്.

നി​ര​വ​ധി​യാ​ളു​ക​ൾ വ​രു​ന്ന ഇ​ട​മാ​യി​ട്ടും ഒ​രു സെ​ക്യൂ​രി​റ്റി ഗാ​ർ​ഡ് മാ​ത്ര​മാ​ണ്​ പ​ക​ൽ ഡ്യൂ​ട്ടി​യി​ലു​ള്ള​ത്. രാ​ത്രി ഡ്യൂ​ട്ടി​ക്കാ​യി ആ​ളെ നി​യ​മി​ക്ക​ണ​മെ​ന്ന് ജീ​വ​ന​ക്കാ​ര​ട​ക്കം പ​ല​ത​വ​ണ ആ​വ​ശ്യ​പ്പെ​ട്ടെ​ങ്കി​ലും ഇ​തു​വ​രെ ന​ട​പ്പാ​യി​ട്ടി​ല്ല. പു​തി​യ കെ​ട്ടി​ട​മാ​യി​ട്ടും സി.​സി ടി.​വി ഇ​തു​വ​രെ ഇ​ല്ലെ​ന്ന​താ​ണ് മ​റ്റൊ​രു പ്ര​ശ്നം. മൂ​ന്ന് നി​ല​യു​ള്ള കെ​ട്ടി​ട​ത്തി​ൽ രാ​ത്രി​യാ​യാ​ൽ താ​ഴ​ത്തെ നി​ല​യൊ​ഴി​കെ ഒ​രി​ട​ത്തും വെ​ളി​ച്ച​മി​ല്ല. ക​ട​ക​ളൊ​ന്നും പ്ര​വ​ർ​ത്തി​ക്കാ​ത്ത​തി​നാ​ൽ മു​ക​ൾ​ഭാ​ഗം മി​ക്ക​പ്പോ​ഴും സാ​മൂ​ഹി​ക വി​രു​ദ്ധ​രു​ടെ താ​വ​ള​മാ​ണ്. രാ​ത്രി സു​ര​ക്ഷ ഇ​ല്ലാ​താ​യ​തോ​ടെ സ്റ്റാ​ൻ​ഡി​ലെ ഗാ​രേ​ജി​ല​ട​ക്കം അ​തി​ക്ര​മി​ച്ച് ക​യ​റി നാ​ശ​ന​ഷ്ട​ങ്ങ​ളു​ണ്ടാ​ക്കു​ന്ന സം​ഭ​വ​ങ്ങ​ളും പ​തി​വാ​ണ്.

ര​ണ്ടു​മാ​സം മു​മ്പ്​ സ​ർ​വി​സ് അ​വ​സാ​നി​പ്പി​ച്ച് നി​ർ​ത്തി​യി​ട്ടി​രു​ന്ന ഓ​ർ​ഡി​ന​റി ബ​സി​ന്റെ ഹെ​ഡ് ലൈ​റ്റ് മൂ​ന്ന് യു​വാ​ക്ക​ൾ ചേ​ർ​ന്ന് അ​ടി​ച്ചു പൊ​ട്ടി​ക്കു​ക​യും അ​ക്ര​മം അ​ഴി​ച്ചു​വി​ടു​ക​യും ചെ​യ്തി​രു​ന്നു.മ​ദ്യ​ല​ഹ​രി​യി​ൽ ഗാ​രേ​ജി​ന​ക​ത്തെ വി​ശ്ര​മ​മു​റി​യി​ൽ ക​യ​റി ജീ​വ​ന​ക്കാ​രെ അ​സ​ഭ്യം പ​റ​യു​ക​യും മ​ർ​ദി​ക്കാ​ൻ ശ്ര​മി​ച്ച സം​ഭ​വം ഉ​ണ്ടാ​യ​ത്​ ഒ​രു​മാ​സം മു​മ്പാ​ണ്. നാ​ലു​വ​ശ​വും തു​റ​ന്ന് കി​ട​ക്കു​ന്ന പ്ര​ദേ​ശ​മാ​യ​തി​നാ​ൽ അ​റ്റ​കു​റ്റ​പ്പ​ണി​ക്ക് ഇ​ടു​ന്ന വാ​ഹ​ന​ങ്ങ​ളു​ടെ പാ​ർ​ട്സു​ക​ൾ മോ​ഷ​ണം പോ​കു​ന്ന​തും പ​തി​വാ​ണ്.

കെ​ട്ടി​ടം ഉ​ദ്ഘാ​ട​നം ചെ​യ്ത സ​മ​യ​ത്ത് തു​റ​ന്ന പൊ​ലീ​സ് എ​യ്ഡ് പോ​സ്റ്റ് പ്ര​വ​ർ​ത്തി​ക്കാ​തെ പൊ​ടി​പി​ടി​ച്ച്​ കി​ട​ക്കാ​ൻ തു​ട​ങ്ങി​യി​ട്ട്​ നാ​ളു​ക​ളാ​യി. ശ​ബ​രി​മ​ല സീ​സ​ൺ സ​മ​യ​ത്തു​വ​രെ പ്ര​വ​ർ​ത്തി​ച്ചി​രു​ന്ന​താ​ണി​ത്. ഇ​പ്പോ​ൾ പൊ​ലീ​സ് എ​ത്തു​ന്നു​മി​ല്ല. നി​ര​വ​ധി​യാ​ളു​ക​ൾ എ​ത്തു​ന്ന സ്റ്റാ​ൻ​ഡി​ൽ പൊ​ലീ​സ് സു​ര​ക്ഷ ഉ​റ​പ്പാ​ക്ക​ണ​മെ​ന്ന് ജി​ല്ല വി​ക​സ​ന സ​മി​തി യോ​ഗ​ത്തി​ല​ട​ക്കം പ​ല​ത​വ​ണ ആ​വ​ശ്യ​മു​യ​ർ​ന്ന​താ​ണ​ങ്കി​ലും ന​ട​പ്പാ​യി​ട്ടി​ല്ല.