അ​ഞ്ച്​ മ​ല​ക​ളി​ലെ ആ​യി​ര​ക്ക​ണ​ക്കി​ന് ആ​ളു​കൾ ആ​ശ​ങ്ക​യി​ൽ

പ​ത്ത​നം​തി​ട്ട: ഉ​രു​ൾ​പൊ​ട്ട​ൽ ഭീ​തി​യി​ൽ ക​ഴി​യു​ന്ന ഗ്രാ​മ​ങ്ങ​ൾ പ്ര​തി​രോ​ധ​ത്തി​നാ​യി ഒ​ത്തു​ചേ​ർ​ന്നു. പ​ത്ത​നം​തി​ട്ട ന​ഗ​ര​സ​ഭ​യു​ടെ​യും ഇ​ല​ന്തൂ​ർ പ​ഞ്ചാ​യ​ത്തി​ന്റെ​യും അ​തി​ർ​ത്തി പ്ര​ദേ​ശ​ങ്ങ​ളി​ലെ അ​ഞ്ച്​ മ​ല​ക​ളി​ലാ​യു​ള്ള ആ​യി​ര​ക്ക​ണ​ക്കി​ന് ആ​ളു​ക​ളാ​ണ് ആ​ശ​ങ്ക​യി​ൽ ക​ഴി​യു​ന്ന​ത്. 2018ലെ ​പ്ര​ള​യ​ശേ​ഷം 2021ലും 2023​ലും ഇ​വി​ടെ ര​ണ്ടി​ട​ത്ത് ഉ​രു​ൾ പൊ​ട്ടി​യി​രു​ന്നു. 45 കു​ടും​ബ​ങ്ങ​ളെ പ്ര​തി​കൂ​ല​മാ​യി ബാ​ധി​ച്ചു. അ​ന്ന് മ​ഴ​വെ​ള്ള​പ്പാ​ച്ചി​ലി​നെ തു​ട​ർ​ന്ന് ത​ക​ർ​ന്ന റോ​ഡു​ക​ളും തോ​ടു​ക​ളും ഇ​ന്നും പു​ന​ർ​നി​ർ​മി​ച്ചി​ട്ടി​ല്ല. 2021ൽ ​തു​ട​ർ​ച്ച​യാ​യ മ​ഴ​യി​ൽ ഇ​ള​മ​ല​ച​രു​വി​ൽ ഉ​രു​ൾ​പൊ​ട്ടി നാ​ലേ​ക്ക​ർ ഭൂ​മി ഒ​ലി​ച്ചു പോ​യി​രു​ന്നു. 28 വീ​ടു​ക​ൾ​ക്ക് കേ​ടു​പാ​ട്​ സം​ഭ​വി​ച്ചു. 17 കു​ടും​ബ​ങ്ങ​ളെ മാ​റ്റി പാ​ർ​പ്പി​ച്ചു.

2023ൽ ​ഉ​പ്പു​ക​ണ്ടം ഭാ​ഗ​ത്ത് വീ​ണ്ടും ഉ​രു​ൾ​പൊ​ട്ടി. അ​ര​ക്കി​ലോ​മീ​റ്റ​ർ ഒ​ലി​ച്ചു​പോ​യി. ആ​റ്​ വീ​ടു​ക​ൾ​ക്ക് കേ​ടു​പാ​ടു​ക​ൾ സം​ഭ​വി​ച്ചു. അ​ന്ന് രൂ​പ​പ്പെ​ട്ട അ​ഗാ​ധ ഗ​ർ​ത്തം ഇ​ന്നും നി​ക​ത്തി​യി​ട്ടി​ല്ല. വ​യ​നാ​ട്​ ദു​ര​ന്ത​പ​ശ്ചാ​ത്ത​ല​ത്തി​ൽ ഇ​ല​ന്തൂ​ർ പ​ഞ്ചാ​യ​ത്ത് വി​ഷ​യ​ത്തി​ൽ ഇ​ട​പെ​ടു​ക​യും ജ​ന​ങ്ങ​ളു​ടെ ആ​ശ​ങ്ക പ​രി​ഹ​രി​ക്കാ​നും ശാ​സ്ത്രീ​യ മു​ന്നൊ​രു​ക്ക​ങ്ങ​ൾ ന​ട​ത്തു​ന്ന​തി​നു​മാ​യി ദു​ര​ന്ത​നി​വാ​ര​ണ പൊ​തു​സ​ഭ വി​ളി​ച്ചു​ചേ​ർ​ക്കു​ക​യാ​യി​രു​ന്നു.

നൂ​റു​ക​ണ​ക്കി​ന് പേ​ർ പ​ങ്കെ​ടു​ത്ത പൊ​തു​സ​ഭ പ​ഞ്ചാ​യ​ത്ത് പ്ര​സി​ഡ​ന്റ് മേ​ഴ്സി മാ​ത്യു ഉ​ദ്ഘാ​ട​നം ചെ​യ്തു. പ​ഞ്ചാ​യ​ത്ത് ക്ഷേ​മ​കാ​ര്യ സ്റ്റാ​ൻ​ഡി​ങ്​ ക​മ്മി​റ്റി ചെ​യ​ർ​മാ​ൻ കെ.​പി. മു​കു​ന്ദ​ൻ അ​ധ്യ​ക്ഷ​ത വ​ഹി​ച്ചു. വാ​ർ​ഡ് അം​ഗം സ​ജി തെ​ക്കും​ക​ര വി​ഷ​യാ​വ​ത​ര​ണം ന​ട​ത്തി. ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് ഇ​ന്ദി​രാ​ദേ​വി, അം​ഗം ആ​തി​ര ജ​യ​ൻ, പ​ത്ത​നം​തി​ട്ട ന​ഗ​ര​സ​ഭ കൗ​ൺ​സി​ല​ർ പി.​കെ. അ​നീ​ഷ്, വി​ല്ലേ​ജ് ഓ​ഫി​സ​ർ അ​ജ​യ​കു​മാ​ർ, എം.​പി​യു​ടെ പ്ര​തി​നി​ധി ജെ​റി സാം ​മാ​ത്യു, മു​ൻ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് എം.​ബി. സ​ത്യ​ൻ എ​ന്നി​വ​ർ സം​സാ​രി​ച്ചു. അ​തേ​സ​മ​യം പൊ​തു​സ​ഭ​യി​ൽ വി​ല്ലേ​ജ് ഓ​ഫി​സ​ർ ഒ​ഴി​കെ വി​വി​ധ വ​കു​പ്പ് മേ​ധാ​വി​ക​ൾ എ​ത്താ​തി​രു​ന്ന​ത് എം.​പി​യു​ടെ പ്ര​തി​നി​ധി ചോ​ദ്യം ചെ​യ്തു. അ​ടു​ത്ത ഗ്രാ​മ​സ​ഭ​യി​ൽ ഇ​വ​രെ വി​ളി​ച്ചു​വ​രു​ത്തു​മെ​ന്നും വി​ശ​ദീ​ക​ര​ണം തേ​ടു​മെ​ന്നും പ​ഞ്ചാ​യ​ത്ത് ഭ​ര​ണ​സ​മി​തി പ​റ​ഞ്ഞു. ജ​ന​ങ്ങ​ളു​ടെ ആ​ശ​ങ്ക​ക​ൾ ജി​ല്ല ഭ​ര​ണ​കൂ​ട​ത്തേ​യും ഭ​ര​ണ​നേ​തൃ​ത്വ​ങ്ങ​ളെ​യും അ​റി​യി​ക്കാ​നും തീ​രു​മാ​നി​ച്ചു.