ഭീതി പരത്തി വന്യമൃഗങ്ങൾ

കൂ​ട​ൽ ഇ​ഞ്ച​പ്പാ​റ​യി​ൽ പുലി കുടുങ്ങുന്നത് രണ്ടാം തവണ

കോ​ന്നി: കൂ​ട​ൽ ഇ​ഞ്ച​പ്പാ​റ​യി​ൽ പു​ലി കെ​ണി​യി​ൽ വീ​ഴു​ന്ന​ത് ഇ​ത് ര​ണ്ടാം ത​വ​ണ. അ​രു​വാ​പ്പു​ലം, ക​ല​ഞ്ഞൂ​ർ പ​ഞ്ചാ​യ​ത്തു​ക​ളി​ലെ വി​വി​ധ പ്ര​ദേ​ശ​ങ്ങ​ളി​ൽ 2022 മു​ത​ൽ 2024 വ​രെ​യു​ള്ള കാ​ല​ഘ​ട്ട​ങ്ങ​ളി​ൽ നി​ര​വ​ധി ത​വ​ണ​യാ​ണ് വ​ള​ർ​ത്തു​മൃ​ഗ​ങ്ങ​ൾ​ക്ക് നേ​രെ പു​ലി​യു​ടെ ആ​ക്ര​മ​ണം ഉ​ണ്ടാ​വു​ക​യും നാ​ട്ടു​കാ​രു​ടെ പ്ര​തി​ഷേ​ധം ശ​ക്ത​മാ​യ​തി​നെ തു​ട​ർ​ന്ന് വ​നം​വ​കു​പ്പ് കൂ​ട് സ്ഥാ​പി​ക്കു​ക​യും ചെ​യ്ത​ത്.

2023 സെ​പ്റ്റം​ബ​ർ 21 നാ​ണ് വ​നം വ​കു​പ്പ് സ്ഥാ​പി​ച്ച കെ​ണി​യി​ൽ ആ​ണ് പു​ലി ആ​ദ്യം കു​ടു​ങ്ങി​യ​ത്. 2022 ന​വം​ബ​ർ 21 നാ​ണ് ക​ല​ഞ്ഞൂ​ർ കു​ട​പ്പാ​റ​യി​ൽ പു​ലി ആ​ടി​നെ പി​ടി​കൂ​ടി​യ​ത്. തു​ട​ർ​ന്ന് പ​ഞ്ചാ​യ​ത്തി​ന്റെ വി​വി​ധ പ്ര​ദേ​ശ​ങ്ങ​ളി​ൽ പു​ലി​യെ ക​ണ്ട​താ​യി നാ​ട്ടു​കാ​ർ അ​റി​യി​ച്ച​തി​നെ തു​ട​ർ​ന്ന് നി​രീ​ക്ഷ​ണ കാ​മ​റ​ക​ൾ ഉ​പ​യോ​ഗി​ച്ച് പ​ല സ്ഥ​ല​ങ്ങ​ളി​ലും തി​ര​ച്ചി​ൽ ന​ട​ത്തി​യി​രു​ന്നു. ഇ​തി​ന് തൊ​ട്ടു​പി​ന്നാ​ലെ ആ​ണ് പൂ​ച്ച​ക്കു​ള​ത്ത് പു​ലി ഉ​ട​മ​സ്ഥ​ന്‍റെ ക​ണ്മു​ന്നി​ൽ വെ​ച്ച് വ​ള​ർ​ത്തു​നാ​യ​യെ പി​ടി​ച്ച​ത്. തു​ട​ർ​ന്ന് വി​ഷ​യം നി​യ​മ​സ​ഭ​യി​ൽ കോ​ന്നി എം.​എ​ൽ.​എ സ​ബ്മി​ഷ​നാ​യി ഉ​ന്ന​യി​ക്കു​ക​യും ചെ​യ്‌​തു. പി​ന്നീ​ട് കൂ​ട​ൽ ഇ​ഞ്ച​പ്പാ​റ​യി​ൽ പു​ലി ആ​ടി​നെ ക​ടി​ച്ചു​കൊ​ന്നു. ഇ​തി​ന് തൊ​ട്ടു​പി​ന്നാ​ലെ​യാ​ണ് മു​റി​ഞ്ഞ​ക​ല്ലി​ലെ വീ​ട്ടി​ൽ​നി​ന്ന്​ പു​ലി​യു​ടെ​തെ​ന്ന് ക​രു​തു​ന്ന സി.​സി.​ടി​വി ദൃ​ശ്യ​ങ്ങ​ൾ ല​ഭി​ച്ച​ത്. അ​തി​രു​ങ്ക​ൽ, പോ​ത്തു​പാ​റ, ഇ​ഞ്ച​പ്പാ​റ, പൂ​മ​രു​തി​ക്കു​ഴി തു​ട​ങ്ങി​യ നി​ര​വ​ധി സ്ഥ​ല​ങ്ങ​ളി​ൽ ആ​ണ് പി​ന്നീ​ട് തു​ട​ർ​ച്ച​യാ​യി പു​ലി​യു​ടെ സാ​ന്നി​ധ്യം സ്ഥി​രീ​ക​രി​ച്ച​ത്. തു​ട​ർ​ന്ന് 2023 സെ​പ്റ്റം​ബ​ർ 21ന് ​കൂ​ട​ൽ ഇ​ഞ്ച​പ്പാ​റ​യി​ൽ വ​നം​വ​കു​പ്പ് സ്ഥാ​പി​ച്ച കൂ​ട്ടി​ൽ പു​ലി കു​ടു​ങ്ങി.

പു​ലി കു​ടു​ങ്ങി എ​ന്ന ആ​ശ്വാ​സ​ത്തി​ൽ ജ​ന​ങ്ങ​ൾ ക​ഴി​യു​ന്ന​തി​നി​ടെ ആ​ണ് പി​ന്നീ​ട് പ​ല സ്ഥ​ല​ങ്ങ​ളി​ലും പു​ലി​യു​ടെ സാ​ന്നി​ധ്യം സ്ഥി​രീ​ക​രി​ച്ച​ത്. ക​ഴി​ഞ്ഞ ഒ​രു മാ​സ​ത്തി​നി​ടെ ആ​ണ് ഇ​ഞ്ച​പ്പാ​റ​യി​ൽ പാ​റ​പ്പു​റ​ത്ത് ക​യ​റി നി​ൽ​ക്കു​ന്ന പു​ലി​യു​ടെ ദൃ​ശ്യ​ങ്ങ​ൾ നാ​ട്ടു​കാ​ർ മൊ​ബൈ​ൽ കാ​മ​റ​യി​ൽ പ​ക​ർ​ത്തി​യ​ത്. ഇ​തി​ന് മു​മ്പ്​ സം​സ്ഥാ​ന​പാ​ത മു​റി​ച്ചു​ക​ട​ക്കു​ന്ന പു​ലി​യെ ക​ണ്ട​താ​യും ജ​ന​ങ്ങ​ൾ പ​റ​യു​ന്നു. ര​ണ്ട് പ​ഞ്ചാ​യ​ത്തു​ക​ളി​ലു​മാ​യി ഏ​ക​ദേ​ശം ഇ​രു​പ​തി​ല​ധി​കം ആ​ടു​ക​ളെ​യാ​ണ് പു​ലി കൊ​ന്നു​തി​ന്ന​ത്. വ​ർ​ഷ​ങ്ങ​ളാ​യി പു​ലി​യു​ടെ ആ​ക്ര​മ​ണ​ത്തി​ൽ വ​ള​ർ​ത്തു​മൃ​ഗ​ങ്ങ​ൾ ന​ഷ്ട്ട​പെ​ട്ട​വ​രും അ​ന​വ​ധി​യാ​ണ്. ത​ണ്ണി​ത്തോ​ട് പൂ​ച്ച​ക്കു​ള​ത്തും പു​ലി​യു​ടെ ആ​ക്ര​മ​ണ​ത്തി​ൽ വ​ള​ർ​ത്തു​മൃ​ഗ​ങ്ങ​ൾ ന​ഷ്ട​പ്പെ​ട്ടി​ട്ടു​ണ്ട്. തു​ട​ർ​ച്ച​യാ​യു​ണ്ടാ​കു​ന്ന പു​ലി​യു​ടെ സാ​ന്നി​ധ്യം നാ​ട്ടു​കാ​രെ കൂ​ടു​ത​ൽ പ​രി​ഭ്രാ​ന്തി​യി​ലാ​ക്കി​യി​രി​ക്കു​ക​യാ​ണ്.

കാടുകയറാതെ കല്ലേലിയിൽ കാട്ടാനക്കൂട്ടം; സ്ത്രീക്ക്​ നേ​രെ ആ​ക്ര​മ​ണം

തൊഴിലാളികൾ ഭീതിയിൽ

കോ​ന്നി: ക​ല്ലേ​ലി എ​സ്റ്റേ​റ്റ് വെ​സ്റ്റ് ഡി​വി​ഷ​നി​ൽ തൊ​ഴി​ലാ​ളി​യാ​യ മ​ധ്യ​വ​യ​സ്ക​ക്ക് നേ​രെ ഒ​റ്റ​യാ​ന്‍റെ ആക്ര​മ​ണം. ഭ​യ​ന്ന് ഓ​ടി​യ തൊ​ഴി​ലാ​ളി നി​ല​ത്ത് വീ​ണു.

ക​ഴി​ഞ്ഞ ദി​വ​സം രാ​വി​ലെ ഒ​മ്പ​ത​ര​യോ​ടെ ആ​ണ് സം​ഭ​വം. ക​ല്ലേ​ലി എ​സ്റ്റേ​റ്റ് വെ​സ്റ്റ് ഡി​വി​ഷ​നി​ൽ ജോ​ലി ചെ​യ്തു​കൊ​ണ്ടി​രു​ന്ന വി​ജ​യ​ല​ക്ഷ്മി (51) ക്ക് ​നേ​രെ​യാ​ണ് ഒ​റ്റ​യാ​ൻ പാ​ഞ്ഞ​ടു​ത്ത​ത്. നാ​ല് പേ​ർ ചേ​ർ​ന്ന് ജോ​ലി ചെ​യ്യു​ന്ന​തി​നി​ടെ ആ​ന ഇ​വ​ർ​ക്ക് നേ​രെ ഓ​ടി യ​ടു​ക്കു​ക​യാ​യി​രു​ന്നു.

വി​ജ​യ​ല​ക്ഷ്മി​യെ ആ​ന ആ​ക്ര​മി​ക്കാ​ൻ വ​രു​ന്ന​ത് ക​ണ്ട് സ​മീ​പ​ത്ത് ഉ​ണ്ടാ​യി​രു​ന്ന തൊ​ഴി​ലാ​ളി വി​ജ​യ നി​ല​വി​ളി​ക്കു​ക​യും കൂ​ടെ ഉ​ണ്ടാ​യി​രു​ന്ന​വ​ർ ഓ​ടി​മാ​റു​ക​യു​മാ​യി​രു​ന്നു.

എ​ന്നാ​ൽ, വി​ജ​യ​ല​ക്ഷ്മി നി​ന്നി​രു​ന്ന​ത് കു​ഴി ഭാ​ഗ​ത്ത് ആ​യ​തി​നാ​ൽ വേ​ഗ​ത്തി​ൽ ഓ​ടാ​ൻ ക​ഴി​ഞ്ഞി​ല്ല. ആ​ന ഇ​വ​ർ​ക്ക് നേ​രെ ഓ​ടി അ​ടു​ത്തെ​ങ്കി​ലും കൂ​ടെ ഉ​ള്ള​വ​ർ ബ​ഹ​ളം വെ​ച്ച​തി​നെ തു​ട​ർ​ന്ന് ആ​ന പി​ന്തി​രി​യു​ക​യാ​യി​രു​ന്നു. ക​ഴി​ഞ്ഞ ദി​വ​സ​വും ഇ​വി​ടു​ത്തെ തൊ​ഴി​ലാ​ളി​ക​ളെ കാ​ട്ടാ​ന ഓ​ടി​ച്ചി​രു​ന്നു. കാ​ട്ടാ​ന​ശ​ല്യം രൂ​ക്ഷ​മാ​കു​മ്പോ​ഴും വ​നം വ​കു​പ്പ് അ​ധി​കൃ​ത​ർ ന​ട​പ​ടി സ്വീ​ക​രി​ക്കു​ന്നി​ല്ല എ​ന്നാ​ണ് ആ​ക്ഷേ​പം.

കാട്ടുപന്നി ശല്യത്തിൽ വലഞ്ഞ് മണ്ണടി

കൃഷി ഉപേക്ഷിക്കാനൊരുങ്ങി കർഷകർ

അ​ടൂ​ർ: ഓ​ണ​ക്കാ​ല​ത്ത് നൂ​റു​മേ​നി സ്വ​പ്നം​ക​ണ്ട ക​ർ​ഷ​ക​രു​ടെ കൃ​ഷി കാ​ട്ടു​പ​ന്നി ന​ശി​പ്പി​ച്ചി​ട്ട് ര​ണ്ട് മാ​സം ക​ഴി​ഞ്ഞ​തേ​യു​ള്ളൂ. ഒ​റ്റ രാ​ത്രി കൊ​ണ്ട് ല​ക്ഷ​ങ്ങ​ളു​ടെ ന​ഷ്ട​മാ​ണ് മ​ണ്ണ​ടി​യി​ലെ ക​ർ​ഷ​ക​ർ​ക്കു​ണ്ടാ​യ​ത്. വ്യാ​പ​ക വി​ള ന​ശീ​ക​ര​ണ​ത്തി​ൽ ന​ട​പ​ടി ഇ​ല്ലാ​ത്ത​ത് കൃ​ഷി​ക്കാ​രെ പ്ര​തി​സ​ന്ധി​യി​ലാ​ക്കി​യി​രി​ക്കു​ക​യാ​ണ്. വാ​ഴ, മ​ര​ച്ചീ​നി, കൃ​ഷി​യു​മാ​യി ഇ​നി മു​ന്നോ​ട്ട് പോ​കാ​ൻ ക​ഴി​യി​ല്ലെ​ന്നും കൃ​ഷി ഉ​പേ​ക്ഷി​ക്കേ​ണ്ട സ്ഥി​തി​യി​ലാ​ണെ​ന്നും മു​തി​ർ​ന്ന ക​ർ​ഷ​ക​നാ​യ പ​ഴ​യ​കാ​ലാ​യി​ൽ പി.​കെ വാ​സു​ദേ​വ​ൻ നാ​യ​ർ പ​റ​ഞ്ഞു. കൃ​ഷി​യി​ൽ​നി​ന്നു വ​രു​മാ​ന​മു​ണ്ടാ​ക്കാ​ൻ വാ​യ്പ​യെ​ടു​ത്ത് വാ​ഴ, മ​ര​ച്ചീ​നി കൃ​ഷി ചെ​യ്ത​വ​ർ നി​രാ​ശ​യി​ലാ​ണ്.

വി​ള​വെ​ടു​പ്പ് സ​മ​യം ആ​കു​മ്പോ​ൾ കാ​ട്ടു​പ​ന്നി​ക​ൾ കൂ​ട്ട​ത്തോ​ടെ ഏ​ല​ക​ളി​ൽ ഇ​റ​ങ്ങി ച​വി​ട്ടി​മെ​തി​ച്ച് ഏ​ക്ക​ർ ക​ണ​ക്കി​നു​ള്ള കൃ​ഷി​യി​ട​ങ്ങ​ൾ ന​ശി​പ്പി​ക്കു​ന്നു. പ​രാ​തി അ​ധി​കൃ​ത​രെ അ​റി​യി​ച്ചെ​ങ്കി​ലും ന​ട​പ​ടി​യി​ല്ല. ക​ട​മ്പ​നാ​ട് പ​ഞ്ചാ​യ​ത്തി​ൽ ഏ​റ്റ​വും കൂ​ടു​ത​ൽ നെ​ൽ​കൃ​ഷി​യും വാ​ഴ, മ​ര​ച്ചീ​നി, ചേ​ന, ചേ​മ്പ്, കാ​ച്ചി​ൽ, ചീ​ര , പ​ച്ച​ക്ക​റി​ക​ൾ തു​ട​ങ്ങി​യ കൃ​ഷി​യു​ള്ള മ​ണ​ക​ണ്ടം, മ​ണി​ച്ചേ​രി, താ​ഴ​ത്തു​വ​യ​ൽ, മു​ട്ടു​വാ​തു​ക്ക​ൽ ഏ​ല​ക​ളി​ലെ​യും, ക​ന്നി​മ​ല, ഒ​ഴു​കു​പാ​റ, ദേ​ശ​ക്ക​ല്ലും​മൂ​ട്, ക​രി​മ്പി​യി​ൽ​പ്പ​ടി, പ​ള്ളീ​ന​ഴി​ക​ത്ത് പ​ടി, തോ​ണ്ട​ലി​ൽ​പ്പ​ടി,പു​ള്ളി​പ്പാ​റ, ചാ​മേ​കു​ന്നി​ൽ പ്ര​ദേ​ശ​ത്തെ ക​ര​കൃ​ഷി​ക്കാ​രു​മാ​ണ് കാ​ട്ടു​പ​ന്നി ഉ​ൾ​പ്പെ​ടെ വി​വി​ധ പ്ര​ശ്ന​ങ്ങ​ളി​ൽ വ​ല​യു​ന്ന​ത്.

പ്ര​തി​കൂ​ല കാ​ലാ​വ​സ്ഥ​യും വ​ർ​ധി​ച്ച കൂ​ലി​യും എ​ല്ലാം ക​ർ​ഷ​ക​രെ കൃ​ഷി​യി​ൽ നി​ന്നും പി​ന്തി​രി​പ്പി​ക്കു​ന്നു. ഏ​റ​ത്ത് പ​ഞ്ചാ​യ​ത്തി​നോ​ട് അ​തി​ർ​ത്തി​പ​ങ്കു​വ​യ്ക്കു​ന്ന ക​ന്നി​മ​ല, ഒ​ഴു​കു​പാ​റ പ്ര​ദേ​ശ​ങ്ങ​ളി​ലെ കാ​ടു​ക​യ​റി​യ സ്വ​കാ​ര്യ പു​ര​യി​ട​ങ്ങ​ൾ എ​ന്നി​വി​ട​ങ്ങ​ളി​ലാ​ണ് കാ​ട്ടു പ​ന്നി​ക​ൾ ത​മ്പ​ടി​ക്കു​ന്ന​ത്. പ​ഞ്ചാ​യ​ത്ത് വ​നം വ​കു​പ്പി​ന്‍റെ സ​ഹാ​യ​ത്തോ​ടെ കാ​ട്ടു​പ​ന്നി​യെ വെ​ടി​വ​ക്കാ​ൻ സം​വി​ധാ​ന​മൊ​രു​ക്ക​ണ​മെ​ന്ന് പ​ശ്ചി​മ​ഘ​ട്ട സം​ര​ക്ഷ​ണ സ​മി​തി ജി​ല്ല പ്ര​സി​ഡ​ന്‍റ്​ അ​വി​നാ​ഷ് പ​ള്ളീ​ന​ഴി​ക​ത്ത് ആ​വ​ശ്യ​പ്പെ​ട്ടു.