വാൽപാറയിൽ ഏറ്റുമുട്ടലിൽ ഒരു കാട്ടാന ​െചരിഞ്ഞു

അതിരപ്പിള്ളി: വാല്‍പാറയിൽ കാട്ടാനകൾ പരസ്പരം ആക്രമിച്ചതിനെ തുടർന്ന് ഒരു ആന ​െചരിഞ്ഞു. വാൽപാറയിലെ ആണ്ടിപ്പാറ വനത്തിൽ ചോലക്കുരുക്ക് ഭാഗത്താണ് ജഡം കണ്ടെത്തിയത്.

വാട്ടര്‍ഫാള്‍ എസ്​റ്റേറ്റിന് സമീപമാണ്​ രണ്ട് കൊമ്പനാനകള്‍ തമ്മിലുണ്ടായ ഏറ്റുമുട്ടലിൽ ഒന്ന്​ കുത്തേറ്റ് ​െചരിഞ്ഞത്. 35 വയസ്സ്​ വരുമെന്ന് വനപാലകർ പറഞ്ഞു.

കാട്ടാനകൾ ധാരാളം വിഹരിക്കുന്ന മേഖലയാണിത്. ഉപദ്രവവും കൂടുതലാണ്. കഴുത്തില്‍ ആഴത്തിലുള്ള മുറിവേറ്റതായി വനപാലകര്‍ വ്യക്തമാക്കി.വനപാലകരായ ജയചന്ദ്രന്‍, ശെല്‍വം, ഫോറസ്​റ്റര്‍ മുനിയാണ്ടി തുടങ്ങിയവരുടെ നേതൃത്വത്തില്‍ സ്ഥലത്തെത്തി നടപടി സ്വീകരിച്ചു. വെറ്ററിനറി ഡോക്ടർ പോസ്​റ്റ്​മോര്‍ട്ടം നടത്തി.