ബൈക്കും സ്കൂട്ടറും കൂട്ടിയിടിച്ച് വീട്ടമ്മയുൾപ്പെടെ മൂന്നുപേർക്ക് പരിക്ക്

ചാവക്കാട്: ദേശീയപാതയിൽ ബൈക്കും സ്കൂട്ടറും കൂട്ടിയിടിച്ച് വീട്ടമ്മ ഉൾപ്പെടെ മൂന്ന് പേർക്ക് പരിക്കേറ്റു. മകനോടൊപ്പം സ്കൂട്ടറിൽ യാത്ര ചെയ്യുകയായിരുന്ന വടക്കേക്കാട് ചെറുവത്തൂർ വീട്ടിൽ സീന (47), ബൈക്ക് യാത്രക്കാരായ മുത്തമ്മാവ് പാറാട്ട് വീട്ടിൽ സുഹൈൽ (19), പാലയൂർ സഫ്​വാൻ (20) എന്നിവർക്കാണ് പരിക്കേറ്റത്. ഞായറാഴ്ച വൈകുന്നേരം 4.30ഓടെ ഒരുമനയൂർ മാങ്ങോട്ട് സ്കൂളിനു സമീപമാണ് അപകടമുണ്ടായത്. തലക്ക് പരിക്കേറ്റ സീനയെ ചാവക്കാട് ഹയാത്ത് ആശുപത്രിയിലും മറ്റു രണ്ടുപേരെ ചാവക്കാട് മുതുവട്ടൂർ രാജ ആശുപത്രിയിലും പ്രവേശിപ്പിച്ചു.