വിജ്ഞാൻ സാഗറിൽ ശാസ്ത്ര രചനാ ക്യാമ്പ്

തൃശൂർ: ജില്ല പഞ്ചായത്തിന്​ കീഴിൽ തൃശൂർ രാമവർമപുരത്ത് പ്രവർത്തിക്കുന്ന വിജ്ഞാൻ സാഗറും പ്രഫ. സി.ജെ. ശിവശങ്കരൻ സ്മാരക ട്രസ്​റ്റും കേരള ശാസ്ത്രസാഹിത്യ പരിഷത്തും സംയുക്തമായി ഹൈസ്‌കൂൾ വിദ്യാർഥികൾക്കായി ഡിസംബർ 27 മുതൽ 30 വരെ ശാസ്ത്ര രചന ക്യാമ്പ് സംഘടിപ്പിക്കുന്നു. തെരഞ്ഞെടുക്കുന്ന 50 കുട്ടികൾക്കാണ് പ്രവേശനം. എട്ട്, ഒമ്പത്‌, പത്ത് ക്ലാസുകളിൽ പഠിക്കുന്ന കുട്ടികൾ 'ശാസ്ത്ര രചനാക്യാമ്പിൽ ഞാൻ എന്ത് കൊണ്ട് പങ്കെടുക്കാൻ താത്പര്യപ്പെടുന്നു' വിഷയത്തിൽ എ ഫോർ കടലാസിൽ ഒരു പുറത്തിൽ കവിയാതെ മലയാളത്തിൽ എഴുതി, പേരും പഠിക്കുന്ന ക്ലാസും സ്‌കൂൾ വിലാസവും ബന്ധപ്പെടേണ്ട ഫോൺ നമ്പറും സഹിതം 93490 13048 എന്ന വാട്ട്​സ്​ആപ്​​ നമ്പറിലേക്കോ vijnansagar@gmail.com ഈ-മെയിലിലേക്കോ വിജ്ഞാൻ സാഗറിൽ നേരിട്ടോ ഡിസംബർ എട്ടിനകം അപേക്ഷിക്കണം.