വാഗ ബോണ്ട്സ് വാർഷികം

തൃപ്രയാർ: പെരിങ്ങോട്ടുകര വാഗ ബോണ്ട്സ് ക്രിക്കറ്റ് ക്ലബിൻെറ വാർഷിക ആഘോഷത്തോടനുബന്ധിച്ച് ശനിയാഴ്ച രാവിലെ എട്ടിന് നാട്ടിക എസ്.എൻ കോളജ് മൈതാനത്ത് ടി 20 മത്സരം നടക്കുമെന്ന്​ ഭാരവാഹികൾ വാർത്ത​സമ്മേളനത്തിൽ അറിയിച്ചു. വൈകീട്ട്​ 5.30ന്​ തൃപ്രയാർ ലയൺസ് ക്ലബിൽ കുടുംബ സംഗമവും വിദ്യാഭ്യാസ അവാർഡ് വിതരണവും സി.സി. മുകുന്ദൻ എം.എൽ.എ ഉദ്ഘാടനം ചെയ്യും. സംവിധായകൻ സിദ്ദീഖ്​ പങ്കെടുക്കും. അർജുൻ വേണുഗോപാൽ, അനശ്വര സന്തോഷ്, വൈഷ്ണ ജയവർധനൻ എന്നിവർക്ക് പുരസ്കാരങ്ങൾ സമ്മാനിക്കും. വാർത്തസമ്മേളനത്തിൽ പി.എ. സലാവുദ്ദീൻ, കെ.എസ്. ബിനു, ഇ.എം. ബഷീർ, കെ.എൻ. വേണുഗോപാൽ എന്നിവർ പങ്കെടുത്തു.