മദ്യനയം: ബിഹാറിനെ മാതൃകയാക്കണം -കേരള മദ്യനിരോധന സമിതി

തൃശൂർ: മദ്യനയ കാര്യത്തിൽ കേരള സർക്കാർ ബീഹാറിനെ മാതൃകയാക്കണമെന്ന് കേരള മദ്യനിരോധന സമിതി സംസ്ഥാന ജനറൽ സെക്രട്ടറി സി.സി. സാജൻ. മദ്യനിരോധനം പ്രായോഗികമല്ലെന്ന പിണറായി സർക്കാറിനുള്ള മറുപടിയാണ് നിതീഷ് കുമാറി​ൻെറ നേതൃത്വത്തിലുള്ള സർക്കാർ. മദ്യവർജനത്തിലൂടെ മദ്യരഹിത കേരളം കെട്ടിപ്പടുക്കാമെന്ന വ്യാമോഹം അസ്ഥാനത്താണ്. മദ്യവ്യാപനത്തിലൂടെ സർക്കാറി​ൻെറ മദ്യവർജനം തനി തട്ടിപ്പാണെന്നും സാജൻ അഭിപ്രായപ്പെട്ടു. സമിതി ജില്ല കൺവെൻഷൻ ഉദ്ഘാടനം നിർവഹിക്കുകയായിരുന്നു അദ്ദേഹം. ജില്ല പ്രസിഡൻറ്​ എം.ഡി. ഗ്രേസ് അധ്യക്ഷത വഹിച്ചു. സെക്രട്ടറി ദേവൻ തറയിൽ, രവീന്ദ്രൻ ചിയാരത്ത്, കെ.എച്ച്. സിദ്ദീഖ്, സി. ദേവയാനി, ഫ്രാൻസീസ് പുലിക്കോട്ടിൽ എന്നിവർ സംസാരിച്ചു.