പ്രതിഷേധ പ്രകടനം

ഇരിങ്ങാലക്കുട: രഞ്ജിത്ത് ശ്രീനിവാസ​ൻെറ കൊലപാതകത്തിൽ പ്രതിഷേധിച്ച് നഗരത്തിൽ സംഘ്​പരിവാർ നേതൃത്വത്തിൽ പ്രകടനം നടത്തി. കൂടൽമാണിക്യം ക്ഷേത്രപരിസരത്തുനിന്നാണ്​ പ്രകടനം ആരംഭിച്ചത്​. ബസ്​സ്​റ്റാൻഡിൽ നടന്ന പ്രതിഷേധ യോഗത്തിൽ ബി.ജെ.പി മണ്ഡലം പ്രസിഡൻറ്​ കൃപേഷ് ചെമ്മണ്ട, ആർ.എസ്​.എസ്​ ഖണ്ഡ് സഹകാര്യവാഹ് കണ്ണൻ, ഹിന്ദു ഐക്യവേദി ജില്ല രക്ഷാധികാരി രവീന്ദ്രൻ കളരിക്കൽ എന്നിവർ സംസാരിച്ചു. വിശ്വഹിന്ദു പരിഷത്ത് ജില്ല ജോ. സെക്രട്ടറി ശിവജി, ബി.ജെ.പി ജില്ല വൈസ് പ്രസിഡൻറ്​ കവിത ബിജു, ഹിന്ദു ഐക്യവേദി സംഘടന സെക്രട്ടറി രാജീവ് ചാത്തംപിള്ളി, ബി.ജെ.പി ഇരിങ്ങാലക്കുട മണ്ഡലം ജന. സെക്രട്ടറി രതീഷ് കുറുമാത്ത്, ബി.ജെ.പി ആളൂർ മണ്ഡലം ജന. സെക്രട്ടറി അഖിലാഷ് വിശ്വനാഥൻ തുടങ്ങിയവർ നേതൃത്വം നൽകി.