കാർ തലകീഴായി കാനയിലേക്ക്​ മറിഞ്ഞു

കണ്ടശ്ശാംകടവ്: താന പാടത്തുള്ള കാനയിലേക്ക് കാർ തലകീഴായി മറിഞ്ഞു. യാത്രക്കാർ പരിക്കില്ലാതെ രക്ഷപ്പെട്ടു. പാലത്തിന്‍റെ കൈവരികൾ തകർത്താണ് കാർ മറിഞ്ഞത്. മണ്ണുത്തിയിലേക്ക് പോകുമ്പോഴാണ് ചൊവ്വാഴ്ച രാവിലെ​ അപകടമുണ്ടായത്​. കാറിൽ രണ്ട്​ സ്ത്രീകളും ഡ്രൈവറുമാണ് ഉണ്ടായിരുന്നത്. അമിതവേഗത്തിൽ വന്ന രണ്ട്​ ബൈക്കുകൾക്ക് സൈഡ് കൊടുക്കുന്നതിനിടയിലാണ്​ കാറിന്​ നിയന്ത്രണം നഷ്ടപ്പെട്ടതെന്ന്​ ഡ്രൈവറും ഉടമയുമായ ഭരതൻ പറഞ്ഞു. മൂന്ന് ​പേരും മണ്ണുത്തി സ്വദേശികളാണ്.