മൂന്നിടത്ത് ബൈക്കപകടം; നാല് പേർക്ക് പരിക്ക്

കേച്ചേരി: കേച്ചേരിയിലും പരിസരത്തുമായി മൂന്നിടത്തുണ്ടായ ബൈക്ക് അപകടങ്ങളിൽ നാല് പേർക്ക് പരിക്കേറ്റു. വടക്കാഞ്ചേരി റോഡിൽ പെരുമല കയറ്റത്തിന് സമീപം ബൈക്ക് നിയന്ത്രണം വിട്ട് മറിഞ്ഞ് കൈപ്പറമ്പ് സ്വദേശി അന്തിക്കാട് വീട്ടിൽ ഷിജോയുടെ മകൻ ഷാരോണാണ്​ (17)പരിക്കേറ്റത്. കൈപറമ്പ് സ്വകാര്യ ആശുപത്രിക്ക് സമീപം ബൈക്ക് നിയന്ത്രണം വിട്ട് മറിഞ്ഞ് ചാവക്കാട് ചെക്കേര വീട്ടിൽ അമീറിന്റെ മകൻ ഷാഫിറിനാണ്​ (34) പരിക്കേറ്റത്. ചൂണ്ടൽ പാലത്തിന് സമീപം ബൈക്കുകൾ കൂട്ടിയിടിച്ചുണ്ടായ അപകടത്തിൽ കോട്ടേക്കാട് സ്വദേശി ബ്രഹ്മകുളം വീട്ടിൽ ഫ്രാൻസിസിന്റെ മകൻ ഫെൽജോ (24), എരുമപ്പെട്ടി കൈലാസ് വീട്ടിൽ ജനാർദനന്റെ മകൻ ജിതിൻ (22) എന്നിവർക്കാണ് പരിക്കേറ്റത്. ഇരുവരെയും മുളങ്കുന്നത്‌കാവ് മെഡിക്കൽ കോളേജ് ആശുപത്രിയിലും ഷാരോൻ, ഷാഫിർ എന്നിവരെ അമല ആശുപത്രിയിലും പ്രവേശിപ്പിച്ചു. പരിക്കേറ്റവരെ ആക്ട്സ് പ്രവർത്തകരാണ് ആശുപത്രികളിലെത്തിച്ചത്.