മാലിന്യ ശേഖരണ കേന്ദ്രവുമായി ഇരിങ്ങാലക്കുട നഗരസഭ

ഇരിങ്ങാലക്കുട: നഗരസഭ പരിധിയിലെ 41 വാർഡുകളിൽനിന്ന് ഹരിത കർമസേന ശേഖരിക്കുന്ന മാലിന്യം സൂക്ഷിക്കാൻ നാല് 'മിനി മെറ്റീരിയൽ കലക്ഷൻ ​ഫെസിലിറ്റി'കൾ സ്ഥാപിക്കും. 20, 27, 34, 35 വാർഡുകളിലാണ്​ ഇവ ഒരുക്കുന്നത്​. ചെയർപേഴ്സൻ സോണിയ ഗിരി ഉദ്ഘാടനം നിർവഹിച്ചു. വൈസ് ചെയർമാൻ ടി.വി. ചാർലി അധ്യക്ഷത വഹിച്ചു. സ്ഥിര സമിത അധ്യക്ഷരായ സുജ സഞ്ജീവ്കുമാർ, അംബിക പള്ളിപ്പുറത്ത്, സി.സി. ഷിബിൻ, ജയ്സൻ പാറേക്കാടൻ, അഡ്വ. ജിഷ ജോബി, കൗൺസിലർമാരായ പി.ടി. ജോർജ്​, അൽഫോൻസ തോമസ്, സന്തോഷ് ബോബൻ, സി.ഡി.എസ് ചെയർപേഴ്സൻ പി.കെ. പുഷ്പാവതി, എ.ഇ വി.എസ്. പ്രസാദ്, ഹെൽത്ത് സൂപ്പർവൈസർ കെ.എം. സൈനുദ്ദീൻ എന്നിവർ സംസാരിച്ചു. വാർഡ് കൗൺസിലർ അഡ്വ. കെ.ആർ. വിജയ സ്വാഗതവും സെക്രട്ടറി കെ.എം. മുഹമ്മദ് അനസ് നന്ദിയും പറഞ്ഞു.