ഗതാഗതം നിരോധിച്ചു

അന്തിക്കാട്: നാട്ടിക നിയോജകമണ്ഡലത്തിലെ ചേർപ്പ്-തൃപ്രയാർ റോഡിൽ നിലവിലുള്ള ഹെർബെർട്ട് കനാൽ പാലം പൊളിച്ച് പുതുതായി നിർമിക്കുന്ന പ്രവൃത്തിയുമായി ബന്ധപ്പെട്ട് ഇതുവഴി വാഹനഗതാഗതം ശനിയാഴ്ച മുതൽ നിരോധിച്ചിരിക്കുന്നു. മാത്രമല്ല ഹെർബെർട്ട് കനാൽ പാലത്തിന് സമാന്തരമായി നിർമിച്ചിരിക്കുന്ന സർവിസ് റോഡിലൂടെ അമിത ഭാരവാഹനങ്ങൾ ഒഴികെയുള്ള വാഹനങ്ങൾക്ക്​ കടന്നുപോകാവുന്നതാണ്. അമിതഭാര വാഹനങ്ങൾ ഇതര വഴികളിലൂടെ ഗതാഗതം നടത്തേണ്ടതാണെന്ന് പൊതുമരാമത്ത് തൃശൂർ ബ്രിഡ്ജ് സെക്ഷൻ അസി. എൻജിനീയർ അറിയിച്ചു.