അടിപ്പാത നിർമാണത്തിലെ അനാസ്ഥ: എൽ.ഡി.എഫ് സമരം സമാപിച്ചു

ചാലക്കുടി: ദേശീയപാതയിൽ ചാലക്കുടി നഗരസഭ ജങ്​ഷനിലെ അടിപ്പാത നിർമാണം ഇഴയുന്നതിൽ പ്രതിഷേധിച്ച് എൽ.ഡി.എഫ് നടത്തിയ സമരത്തിന് സമാപനം. അധികാരികൾ നടപടി സ്വീകരിച്ചില്ലെങ്കിൽ സമരത്തിന്‍റെ രണ്ടാംഘട്ടം വൈകാതെ ആരംഭിക്കുമെന്ന്​ നേതാക്കൾ മുന്നറിയിപ്പ്​ നൽകി. ഓരോ ദിവസവും ചാലക്കുടി മണ്ഡലത്തിലെ ഓരോ പഞ്ചായത്തുകളിലെയും ഇടതുമുന്നണി പ്രവർത്തകരാണ് സമരത്തിൽ പങ്കാളികളായത്. ജില്ല പഞ്ചായത്ത് പ്രസിഡന്‍റ്​ പി.കെ. ഡേവിസ്, ബി.ഡി. ദേവസി, ഡെന്നിസ് കെ. ആന്‍റണി, ജോസ് പൈനാടത്ത്, ഷോജൻ വിതയത്തിൽ, ടി.കെ. മുഹമ്മദ്കുട്ടി തുടങ്ങിയവർ സംസാരിച്ചു. TCMChdy - 2 എൽ.ഡി.എഫ് നടത്തിയ അടിപ്പാത സമരത്തിൽ ജില്ല പഞ്ചായത്ത് പ്രസിഡന്‍റ്​ പി.കെ. ഡേവിസ് സംസാരിക്കുന്നു