മേലൂരിൽ ഫുട്ബാൾ ആരവത്തിന് തുടക്കം

ചാലക്കുടി: മേലൂർ പഞ്ചായത്ത് സ്പോർട്സ്​ അക്കാദമി സംഘടിപ്പിക്കുന്ന അഖില കേരള സെവൻസ് ഫുട്ബാൾ ടൂർണമെന്‍റിന് തുടക്കമായി. ആദ്യ മത്സരത്തിൽ യൂനിവേഴ്സൽ ബിൽഡേഴ്സ് കളമശ്ശേരി എതിരില്ലാത്ത രണ്ട് ഗോളുകൾക്ക് പോത്തൻസ് തൃശൂരിനെ പരാജയപ്പെടുത്തി. മേലൂർ സെന്റ് ജോസഫ്സ് ഹയർ സെക്കൻഡറി സ്കൂൾ ഫ്ലഡ്​ലിറ്റ് മൈതാനിയിൽ നടക്കുന്ന മത്സരത്തിൽ കേരളത്തിലെ എട്ട് പ്രമുഖ ടീമുകളാണ് മാറ്റുരക്കുന്നത്. തിങ്കളാഴ്ച വൈകീട്ട് ഏഴിന് സഫ എടപ്പാളും ലെമൺ ജെന്റ്സ് അന്നമനടയും ഏറ്റുമുട്ടും. മത്സരത്തിനു ശേഷം സന്തോഷ് ട്രോഫി ഫൈനൽ മത്സരം ബിഗ്​ സ്ക്രീനിൽ പ്രദർശിപ്പിക്കും.