ഓഹരി വിൽപന: എൽ.ഐ.സിയിൽ ഇറങ്ങിപ്പോക്ക്​ സമരം നടത്തി

തൃശൂർ: എൽ.ഐ.സിയുടെ ഓഹരി വിൽപന തുറക്കുന്ന ദിവസമായ ബുധനാഴ്ച ജീവനക്കാരും ഏജന്‍റുമാരും പെൻഷൻകാരും എൽ.ഐ.സി സംരക്ഷണ സമിതിയുടെ ആഭിമുഖ്യത്തിൽ ഇറങ്ങിപ്പോക്ക് സമരവും ധർണയും നടത്തി. തൃശൂർ ശക്തൻ നഗർ ശാഖക്ക്​ മുന്നിൽ സേവ്യർ ചിറ്റിലപ്പിള്ളി എം.എൽ.എ ഉദ്ഘാടനം ചെയ്തു. എൽ.ഐ.സി പെൻഷനേഴ്സ് അസോസിയേഷൻ ഡിവിഷനൽ പ്രസിഡന്‍റ്​ കെ. ഉണ്ണികൃഷ്ണൻ അധ്യക്ഷത വഹിച്ചു. എൽ.ഐ.സി എംപ്ലോയീസ് യൂനിയൻ ഡിവിഷനൽ ജനറൽ സെക്രട്ടറി ദീപക് വിശ്വനാഥ് വിശദീകരണം നടത്തി. ബെഫി ജില്ല സെക്രട്ടറി ബി. സ്വർണകുമാർ, കെ.എം.എസ്​.ആർ.എ സംസ്ഥാന കമ്മിറ്റി അംഗം അനുരൂപ് രാജ, ബെഫി മുൻ സംസ്ഥാന പ്രസിഡന്‍റ്​ ടി. നരേന്ദ്രൻ എന്നിവർ സംസാരിച്ചു. ബാബു ജോസഫ് സ്വാഗതവും കെ.ആർ. ആൻഡ്രൂസ് നന്ദിയും പറഞ്ഞു. ​TCR PMN3 -LIC strike എൽ.ഐ.സി ഓഹരി വിൽപനക്കെതിരെ തൃശൂരിൽ നടത്തിയ ഇറങ്ങിപ്പോക്ക്​ സമരം സേവ്യർ ചിറ്റിലപ്പിള്ളി എം.എൽ.എ ഉദ്​ഘാടനം ചെയ്യുന്നു