ലാപ്​ടോപ്പുകൾ വിതരണം ചെയ്തു

ചാലക്കുടി: നഗരസഭ വാർഷിക പദ്ധതിയിൽ ഉൾപ്പെടുത്തി നടപ്പാക്കുന്ന പട്ടികജാതി വിദ്യാർഥികൾക്കുള്ള ലാപ് ടോപ്പും ഫർണിച്ചറുകളും വിതരണം ചെയ്തു. 25 വിദ്യാർഥികൾക്ക് ലാപ് ടോപ്പും 50 വിദ്യാർഥികൾക്ക് ഫർണിച്ചറുകളുമാണ് വിതരണം ചെയ്തത്. പത്ത്​ ലക്ഷം രൂപയാണ് ഇതിനായി വാർഷിക പദ്ധതിയിൽ നഗരസഭ പദ്ധതിക്കായി ചെലവഴിച്ചത്. ചെയർമാൻ വി.ഒ. പൈലപ്പൻ വിതരണോദ്​ഘാടനം നിർവഹിച്ചു. വൈസ് ചെയർപേഴ്സൻ സിന്ധു ലോജു അധ്യക്ഷത വഹിച്ചു. സ്റ്റാൻഡിങ്​ കമ്മിറ്റി ചെയർമാൻമാരായ ബിജു എസ്. ചിറയത്ത്, നിത പോൾ, കെ.വി. പോൾ, സി. ശ്രീദേവി, എം.എം. അനിൽകുമാർ, പാർലിമെന്‍ററി പാർട്ടി ലീഡർമാരായ ഷിബു വാലപ്പൻ, സി.എസ്. സുരേഷ്, ഹെഡ്മിസ്ട്രസ് പുഷ്പവല്ലി ടീച്ചർ, ജാതവേദൻ എന്നിവർ സംസാരിച്ചു.