കൊക്കർണിക്കുളം നാടിന് സമർപ്പിച്ചു

ആമ്പല്ലൂർ: കൊടകര ബ്ലോക്ക് പഞ്ചായത്തിന്‍റെ 'ജല സമൃദ്ധിക്കായ്​' എന്ന പദ്ധതിയിൽപ്പെടുത്തി നവീകരിച്ച പുതുക്കാട് പഞ്ചായത്തിലെ കൊക്കർണികുളം കെ.കെ. രാമചന്ദ്രൻ എം.എൽ.എ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് എം.ആർ. രഞ്ജിത്ത് അധ്യക്ഷത വഹിച്ചു. പുതുക്കാട് പഞ്ചായത്ത് പ്രസിഡന്റ് കെ.എം. ബാബുരാജ്, ബ്ലോക്ക് പഞ്ചായത്ത് വൈസ് പ്രസിഡന്റ് ഷീല ജോർജ്​ തുടങ്ങിയ ജനപ്രതിനിധികളും ബ്ലോക്ക് പഞ്ചായത്ത് ഉദ്യോഗസ്ഥരായ പി.ആർ. അജയഘോഷ്, ആന്റണി വട്ടോളി തുടങ്ങിയവരും പങ്കെടുത്തു. ബ്ലോക്ക് പഞ്ചായത്ത് ആണ്​ നവീകരണത്തിന്​ വേണ്ട 15 ലക്ഷം രൂപ വകയിരുത്തിയത്​.