പൗലോസ് താക്കോൽക്കാരൻ അനുസ്മരണവും പുരസ്കാര വിതരണവും

പൗലോസ് താക്കോൽക്കാരൻ അനുസ്മരണവും പുരസ്കാര വിതരണവും ചാലക്കുടി: പൗലോസ് താക്കോൽക്കാരൻ അനുസ്മരണവും പുരസ്കാര സമർപ്പണവും നടത്തി. പൗലോസ് താക്കോൽക്കാരൻ ഫൗണ്ടേഷന്റെ നേതൃത്വത്തിൽ ചാലക്കുടി ഡ്രീംസ് പ്ലാസയിൽ നടന്ന ചടങ്ങിൽ ഉന്നത വിദ്യാഭ്യാസ മന്ത്രി ഡോ. ആർ. ബിന്ദു സമ്മേളന ഉദ്​ഘാടനവും പുരസ്കാര സമർപ്പണവും നിർവഹിച്ചു. കൊരട്ടി പൊലീസ് എസ്.എച്ച്.ഒ ബി.കെ. അരുണിനാണ് പുരസ്കാരം നൽകിയത്. സനീഷ് കുമാർ ജോസഫ് എം.എൽ.എ അധ്യക്ഷതവഹിച്ചു. ചാലക്കുടി നഗരസഭ അധ്യക്ഷൻ വി.ഒ. പൈലപ്പൻ മുഖ്യ അനുസ്മരണം നടത്തി. ബി.ഡി. ദേവസി, നഗരസഭ അംഗം സി.എസ്. സുരേഷ്, ക്രൈംബ്രാഞ്ച് എസ്.പി കെ.എസ്. സുദർശനൻ, അഡ്വ. സി.ടി. സാബു, യു.എസ്. അജയകുമാർ, സുനിൽ സരോവരം, എ.കെ. ചന്ദ്രൻ എന്നിവർ സംസാരിച്ചു. താക്കോൽക്കാരൻ ഫൗണ്ടേഷൻ നേതൃത്വത്തിൽ നടപ്പാക്കുന്ന ഭവനപദ്ധതിയിലെ മൂന്നു ഭവനങ്ങളുടെ താക്കോൽ ദാനവും വിദ്യാഭ്യാസ ധനസഹായ സമർപ്പണവും ചടങ്ങിൽ നിർവഹിച്ചു. TC MChdy - 2 പൗലോസ് താക്കോൽക്കാരൻ പുരസ്കാരം മന്ത്രി ബിന്ദു കൊരട്ടി സി.ഐ ബി.കെ. അരുണിന് നൽകുന്നു