കോൺഗ്രസിന് ജില്ലയിൽ ഇന്ന് 2560 പുതിയ യൂനിറ്റ് കമ്മിറ്റികൾ നിലവിൽവരും

തൃശൂർ: ജില്ലയിൽ കോൺഗ്രസിന് പുതിയ 2560 യൂനിറ്റ് കമ്മിറ്റികൾ കൂടി ഞായറാഴ്ച നിലവിൽവരും. സി.യു.സികളുടെ രൂപവത്​കരണത്തി​ൻെറ രണ്ടാം ഘട്ടമാണ് ശിശുദിന നാളിൽ നടക്കുന്നത്. 26 മണ്ഡലങ്ങളിലെ 512 ബൂത്തുകളിലായിട്ടാണ് പുതിയ 2560 യൂനിറ്റുകൾ രൂപവത്​കരിക്കുന്നതെന്ന് ഡി.സി.സി പ്രസിഡൻറ്​ ജോസ് വള്ളൂർ അറിയിച്ചു. 27 മണ്ഡലം ശിൽപശാലകൾ ഇതുവരെ പൂർത്തിയാക്കിയിട്ടുണ്ട്. 83 മണ്ഡലങ്ങളിൽ കൂടി ഡിസംബർ 15ന് മുമ്പായി ശിൽപശാലകൾ പൂർത്തിയാകും. 110 മണ്ഡലങ്ങളിൽ നിന്നായി 2293 ബൂത്തുകളിലാണ് പുതിയ സി.യു.സികൾ നിലവിൽ വരുന്നത്. കോൺഗ്രസ് ജന്മദിനമായ ഡിസംബർ 28നാണ് മൂന്നാം ഘട്ടം സി.യു.സി രൂപവത്​കരണം നടക്കുന്നത്. ഇതുകൂടി പൂർത്തിയാകുമ്പോൾ ജില്ലയിൽ 14,000 കോൺഗ്രസ് യൂനിറ്റുകൾ പ്രവർത്തന സജ്ജമാകുമെന്ന് ജോസ് വള്ളൂർ പറഞ്ഞു.