അപ്രതീക്ഷിത മഴ: ഉഴിഞ്ഞാൽപാടത്ത് വെള്ളം കയറി, 100 ഏക്കർ നെൽകൃഷി വെള്ളത്തിൽ

ആ​മ്പ​ല്ലൂ​ർ: വ്യാ​ഴാ​ഴ്ച രാ​ത്രി പെ​യ്ത ക​ന​ത്ത മ​ഴ​യി​ല്‍ പു​തു​ക്കാ​ട് പ​ഞ്ചാ​യ​ത്തി​ലെ ഉ​ഴി​ഞ്ഞാ​ല്‍പാ​ട​ത്ത് വെ​ള്ളം​ക​യ​റി. കു​റു​മാ​ലി പു​ഴ​യി​ല്‍ ജ​ല​നി​ര​പ്പ് ഉ​യ​ര്‍ന്നു​നി​ല്‍ക്കു​ന്ന​തി​നാ​ല്‍ പാ​ട​ത്തു​നി​ന്നും വെ​ള്ളം ഇ​റ​ങ്ങി​പോ​കാ​ത്ത സ്ഥി​തി​യാ​ണ്. 100 ഏ​ക്ക​ര്‍ നെ​ല്‍കൃ​ഷി വെ​ള്ള​ത്തി​ലാ​യ​തോ​ടെ ക​ര്‍ഷ​ക​ര്‍ ആ​ശ​ങ്ക​യി​ലാ​ണ്. ക​തി​ര് വ​ന്നു​തു​ട​ങ്ങി​യ നെ​ൽ​ച്ചെ​ടി​ക​ളാ​ണ് വെ​ള്ള​ത്തി​ല്‍ മു​ങ്ങി​യ​ത്.

മാ​ഞ്ഞാം​കു​ഴി റ​ഗു​ലേ​റ്റ​റി​ലെ ഷ​ട്ട​റു​ക​ള്‍ ഉ​യ​ര്‍ത്തി കു​റു​മാ​ലി പു​ഴ​യി​ലെ ജ​ല​നി​ര​പ്പ് താ​ഴ്ത്തി​യാ​ല്‍ മാ​ത്ര​മാ​ണ് വെ​ള്ളം ഒ​ഴു​കി​പോ​വു​ക​യു​ള്ളൂ​വെ​ന്ന് ക​ര്‍ഷ​ക​ര്‍ പ​റ​യു​ന്നു. ഇ​തി​നാ​യി അ​ധി​കൃ​ത​ര്‍ ശ​ക്ത​മാ​യി ഇ​ട​പെ​ട​ണ​മെ​ന്നും ക​ര്‍ഷ​ക​ര്‍ ആ​വ​ശ്യ​പ്പെ​ട്ടു. താ​ല്‍ക്കാ​ലി​ക​മാ​യി മോ​ട്ട​ര്‍ പ്ര​വ​ര്‍ത്തി​പ്പി​ച്ചാ​ണ് പാ​ട​ത്തു​നി​ന്നും വെ​ള്ളം പ​മ്പ് ചെ​യ്ത് ക​ള​യു​ന്ന​ത്. ഇ​പ്പോ​ഴ​ത്തെ സ്ഥി​തി​യി​ല്‍ വെ​ള്ളം പൂ​ര്‍ണ​മാ​യും പ​മ്പ് ചെ​യ്തു​ക​ള​യാ​ന്‍ ദി​വ​സ​ങ്ങ​ളോ​ളം വേ​ണ്ടി വ​രു​മെ​ന്നും അ​ത് കൃ​ഷി​നാ​ശ​ത്തി​ന് ഇ​ട​യാ​ക്കു​മെ​ന്നും ക​ര്‍ഷ​ക​ര്‍ പ​റ​ഞ്ഞു.

അതിരപ്പിള്ളിയിലും ചാലക്കുടിയിലും അതിതീവ്ര മഴ

ചാ​ല​ക്കു​ടി: ചാ​ല​ക്കു​ടി മേ​ഖ​ല​യി​ൽ ഒ​രൊ​റ്റ രാ​ത്രി പെ​യ്ത​ത് ക​ന​ത്ത മ​ഴ. അ​തി​ര​പ്പി​ള്ളി പ​ഞ്ചാ​യ​ത്തി​ൽ 200 മി​ല്ലി മീ​റ്റ​റി​ന് അ​ടു​ത്ത​പ്പോ​ൾ ചാ​ല​ക്കു​ടി ന​ഗ​ര​സ​ഭ പ്ര​ദേ​ശ​ത്ത് മ​ഴ​യു​ടെ അ​ള​വ് 100 എം.​എം. ക​ട​ന്നു. ചാ​ല​ക്കു​ടി​പ്പു​ഴ​യി​ൽ നേ​രി​യ തോ​തി​ൽ ജ​ല​നി​ര​പ്പ് ഉ​യ​ർ​ന്നു. അ​തി​ര​പ്പി​ള്ളി​യി​ൽ 187 എം.​എം പെ​യ്ത​പ്പോ​ൾ സ​മീ​പ​പ്ര​ദേ​ശ​മാ​യ വെ​റ്റി​ല​പ്പാ​റ​യി​ൽ 133 എം.​എം. മ​ഴ പെ​യ്തു. 12 മ​ണി​ക്കൂ​ർ നേ​രം കൊ​ണ്ടാ​ണ് ഇ​ത്ര​യും ഉ​യ​ർ​ന്ന നി​ര​ക്ക് രേ​ഖ​പ്പെ​ടു​ത്ത​പ്പെ​ട്ട​ത്. പ്ര​ള​യ​കാ​ല​ത്തെ ഓ​ർ​മ​പ്പെ​ടു​ത്തും വി​ധ​മാ​യി​രു​ന്നു അ​തി​ര​പ്പി​ള്ളി​യി​ലെ മ​ഴ. എ​ന്നാ​ൽ പെ​രി​ങ്ങ​ൽ​ക്കു​ത്ത്, ഷോ​ള​യാ​ർ ഡാ​മു​ക​ളി​ലെ ജ​ല​നി​ര​പ്പി​ൽ കാ​ര്യ​മാ​യ വ്യ​തി​യാ​നം ഉ​ണ്ടാ​യി​ട്ടി​ല്ല.

ഉ​ച്ച​തി​രി​ഞ്ഞ് ചെ​റു​താ​യി ചാ​റി​യ മ​ഴ അ​തി​ര​പ്പി​ള്ളി​യി​ൽ സാ​യാ​ഹ്ന​ത്തി​ൽ ശ​ക്ത​മാ​കു​ക​യാ​യി​രു​ന്നു. മ​ഴ​യു​ടെ വ​ര​വ് അ​പ്ര​തീ​ക്ഷി​ത​മാ​യ​തി​നാ​ൽ സ​ന്ദ​ർ​ശ​ക​ർ ഭൂ​രി​ഭാ​ഗ​വും ന​ന​ഞ്ഞു. മ​ഞ്ഞി​ന്‍റെ​യും മ​ഴ​യു​ടെ​യും മൂ​ട​ലി​ൽ വാ​ഹ​ന​ങ്ങ​ൾ മു​ന്നോ​ട്ട് നീ​ങ്ങാ​ൻ പ്ര​യാ​സ​പ്പെ​ട്ടു. അ​തി​ര​പ്പി​ള്ളി ക​ഴി​ഞ്ഞാ​ൽ ചാ​ല​ക്കു​ടി ന​ഗ​ര​പ്ര​ദേ​ശ​ത്തും മ​ഴ ത​ക​ർ​ത്തു പെ​യ്തു. കൂ​ട​പ്പു​ഴ​യി​ൽ 127.2 എം.​എം മ​ഴ പെ​യ്തു. പോ​ട്ട​യി​ൽ 143 എം.​എം, ചാ​ല​ക്കു​ടി സൗ​ത്ത് 96 എം.​എം. മ​ഴ​യും രേ​ഖ​പ്പെ​ടു​ത്തി. പ​രി​യാ​രം പ​ഞ്ചാ​യ​ത്തി​ൽ 94 എം.​എം, മേ​ലൂ​ർ പ​ഞ്ചാ​യ​ത്തി​ൽ 70 എം.​എം, കാ​ടു​കു​റ്റി​യി​ൽ 84 എം.​എം എ​ന്നി​ങ്ങ​നെ​യാ​ണ് ക​ഴി​ഞ്ഞ രാ​ത്രി പെ​യ്ത മ​ഴ​യു​ടെ തോ​ത്.