പുതിയകാവ് വെസ്റ്റിൽ കുടിവെള്ള വിതരണം നിലച്ചിട്ട് മൂന്ന് മാസം

മ​തി​ല​കം: കു​ടി​വെ​ള്ള വി​ത​ര​ണം നി​ല​ച്ചി​ട്ട് മൂ​ന്ന് മാസമായിട്ടും പരിഹാരമില്ല. നാ​ട്ടു​കാ​ർ ഒ​ടു​വി​ൽ പ്ര​തി​ഷേ​ധ​വു​മാ​യി വാ​ട്ട​ർ അ​തോ​റി​റ്റി ഓ​ഫി​സി​ലെ​ത്തി. കേ​ര​ള വാ​ട്ട​ർ അ​തോ​റി​റ്റി മ​തി​ല​കം സെ​ക്ഷ​ൻ ഓ​ഫി​സി​ലാ​ണ് പ്ര​തി​ഷേ​ധം അ​ര​ങ്ങേ​റി​യ​ത്. മു​ദ്രാ​വാ​ക്യം വി​ളി​ക​ളും പ്ര​സം​ഗ​വും മ​റ്റു സ​മ​ര​മു​റ​ക​ൾ ഒ​ന്നു​മി​ല്ലാ​തെ​യാ​യി​രു​ന്നു പ്ര​തി​ഷേ​ധം. കു​ടി​വെ​ള്ളം കി​ട്ടാ​തെ ത​ങ്ങ​ൾ അ​നു​ഭ​വി​ക്കു​ന്ന വി​ഷ​മാ​വ​സ്ഥ ശാ​ന്ത​മാ​യി പ്ര​ക​ടി​പ്പി​ക്കു​ക​യാ​യി​രു​ന്നു അ​വ​ർ. പ​ഞ്ചാ​യ​ത്തി​ലെ നാ​ലാം വാ​ർ​ഡി​ൽ പു​തി​യ​കാ​വ് പൗ​ര റ​സി​ഡ​ൻ​സ് അ​സോ​സി​യേ​ഷ​ൻ പ്ര​ദേ​ശ​ത്താ​ണ് രൂ​ക്ഷ​മാ​യ കു​ടി​വെ​ള്ള ക്ഷാ​മം അ​നു​ഭ​വ​പ്പെ​ടു​ന്ന​ത്. മൂ​ന്നു മാ​സ​മാ​യി ദു​രി​തം തു​ട​രു​ക​യാ​ണ്.

വാ​ട്ട​ർ അ​തോ​റി​റ്റി​യു​ടെ ശു​ദ്ധ​ജ​ല വി​ത​ര​ണ​ത്തെ ആ​ശ്ര​യി​ക്കു​ന്ന ഇ​രു​​നൂ​റോ​ളം കു​ടും​ബ​ങ്ങ​ളാ​ണ് ന​ട്ടം തി​രി​യു​ന്ന​ത്. ഇ​വ​രെ​ല്ലാ​വ​രും ഗാ​ർ​ഹി​ക ഉ​പ​ഭോ​ക്താ​ക്ക​ളാ​ണ്. പ​ല​വ​ട്ടം അ​ധി​കൃ​ത​രെ വി​വ​രം അ​റി​യി​ച്ചി​ട്ടും ന​ട​പ​ടി ഉ​ണ്ടാ​യി​ല്ല. ഈ ​സാ​ഹ​ച​ര്യ​ത്തി​ലാ​ണ് പ്ര​തി​ഷേ​ധ​വു​മാ​യി ഓ​ഫി​സി​ലെ​ത്തി​യ​തെ​ന്ന് ഭാ​ര​വാ​ഹി​ക​ൾ പ​റ​ഞ്ഞു. വാ​ർ​ഡ് അം​ഗം സം​സാ​ബി സ​ലീം, ‘പൗ​ര’ ഭാ​ര​വാ​ഹി​ക​ളാ​യ ഡോ. ​മു​ഹ​മ്മ​ദ് അ​ൻ​സാ​ർ, ടി.​കെ. ഷാ​ഫി, ആ​ർ.​എം. ജ​ലീ​ൽ തു​ട​ങ്ങി​യ​വ​ർ നേ​തൃ​ത്വം ന​ൽ​കി. പ്ര​ശ്നം പ​രി​ഹ​രി​ക്കാ​ൻ ന​ട​പ​ടി സ്വീ​ക​രി​ക്കു​മെ​ന്ന് അ​ധി​കൃ​ത​ർ പ​റ​ഞ്ഞു.