തൃശൂരിൽ 3980 പേർ ദുരിതാശ്വാസ ക്യാമ്പുകളിൽ

തൃശൂർ: കനത്ത മഴയെ തുടർന്ന് തൃശൂർ ജില്ലയില്‍ ആറ് താലൂക്കുകളിലായി ഇതുവരെ 96 ദുരിതാശ്വാസ ക്യാമ്പുകള്‍ തുറന്നു. 1,292 കുടുംബങ്ങളിലെ 3,980 പേരാണ് ഇവയിൽ കഴിയുന്നത്. ഇതിൽ 1606 പുരുഷന്മാരും 1657 സ്ത്രീകളും 717 കുട്ടികളും ഉള്‍പ്പെടുന്നു.

ചാലക്കുടി- 27, മുകുന്ദപുരം- എട്ട്, തൃശൂര്‍- 32, തലപ്പിള്ളി - 21, കുന്നംകുളം - ഏഴ് എന്നിങ്ങനെയാണ് ക്യാമ്പുകളുടെ എണ്ണം. ചാലക്കുടി- 923 പേര്‍, മുകുന്ദപുരം-560 , തൃശൂര്‍- 1273, തലപ്പിള്ളി - 994, ചാവക്കാട്- 13, കുന്നംകുളം - 217 പേര്‍ എന്നിങ്ങനെയാണ് ക്യാമ്പുകളില്‍ കഴിയുന്നവരുടെ എണ്ണം.