പടിഞ്ഞാറൻമുറി മില്ലേനിയം റോഡ് നവീകരണത്തിന് നടപടി

മാ​ള: പ​ടി​ഞ്ഞാ​റ​ൻ​മു​റി മി​ല്ലേ​നി​യം റോ​ഡ് ന​വീ​ക​ര​ണ​ത്തി​ന് ന​ട​പ​ടി​യാ​വു​ന്നു. ത​ക​ർ​ന്ന റോ​ഡി​ലൂ​ടെ​യു​ള്ള യാ​ത്രാ​ക്ലേ​ശം ‘മാ​ധ്യ​മം’ റി​പ്പോ​ർ​ട്ട്​ ചെ​യ്തി​രു​ന്നു. വ​ലി​യ കു​ഴി​ക​ളി​ൽ വെ​ട്ടു​ക​ല്ലും ക​രി​ങ്ക​ല്ലു​മി​ട്ട്​ അ​ട​ച്ചാ​ണ്​ നാ​ട്ടു​കാ​ർ യാ​ത്ര ചെ​യ്തി​രു​ന്ന​ത്. പൊ​യ്യ പ​ഞ്ചാ​യ​ത്ത് ര​ണ്ടാം​വാ​ർ​ഡി​ലു​ള്ള റോ​ഡ്​ കൊ​ടു​ങ്ങ​ല്ലൂ​ർ-​മാ​ള റോ​ഡു​ക​ളെ ബ​ന്ധി​പ്പി​ക്കു​ന്ന​താ​ണ്. സ​ഞ്ചാ​ര​യോ​ഗ്യ​മ​ല്ലാ​താ​യ​തോ​ടെ ഓ​ട്ടോ​റി​ക്ഷ ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ൾ ഇ​തു​വ​ഴി ഓ​ടാ​താ​യി. നി​ര​വ​ധി സ്കൂ​ൾ ബ​സു​ക​ൾ ക​ട​ന്നു​പോ​കു​ന്നു​ണ്ട്. മാ​ള ടൗ​ണി​ലേ​ക്കു​ള്ള പ്ര​ധാ​ന റോ​ഡു​മാ​ണ്.

850 മീ​റ്റ​റാ​ണ് റോ​ഡി​ന്‍റെ ദൈ​ർ​ഘ്യം. പ​ടി​ഞ്ഞാ​റ​ൻ​മു​റി, ബി​ഷ​പ് കോ​ർ​ണ​ർ, ഇ​ല​ഞ്ഞി​ക്ക​ൽ ഫാം, ​ഫ​യ​ർ സ്റ്റേ​ഷ​ൻ എ​ന്നി​വി​ട​ങ്ങ​ളി​ലു​ള്ള റോ​ഡു​ക​ളും ഈ ​റോ​ഡി​ൽ വ​ന്നു​ചേ​രു​ന്നു​ണ്ട്. അ​ടി​യ​ന്ത​ര ഘ​ട്ട​ങ്ങ​ളി​ൽ ടാ​ക്സി വി​ളി​ച്ചാ​ൽ വ​രാ​ൻ മ​ടി​ക്കു​ന്ന​താ​യി നാ​ട്ടു​കാ​ർ പ​രാ​തി പ​റ​യു​ന്നു.

ത​ക​ർ​ന്ന റോ​ഡ് പു​ന​ർ​നി​ർ​മി​ക്കു​മെ​ന്ന് വാ​ക്ക്​ ന​ൽ​കി​യ ജ​ന​പ്ര​തി​നി​ധി​ക​ളാ​യ​വ​ർ പി​ന്നീ​ട്​ തി​രി​ഞ്ഞ്​ നോ​ക്കി​യി​ല്ലെ​ന്നും ആ​ക്ഷേ​പ​മു​ണ്ട്. പ​രി​സ​ര​ത്തെ താ​ണി​ക്കാ​ട് ത​ളി​ർ, ബി​ഷ​പ് കോ​ർ​ണ​ർ, ച​ർ​ച്ച് സെ​മി​ത്തേ​രി വ​ഴി എ​ന്നീ റോ​ഡു​ക​ൾ ക​ഴി​ഞ്ഞ ദി​വ​സ​ങ്ങ​ളി​ൽ പു​ന​ർ​നി​ർ​മി​ച്ചു. റോ​ഡ് അ​ടി​യ​ന്ത​ര​മാ​യി ടാ​ർ ചെ​യ്യ​ണ​മെ​ന്ന്​ നാ​ട്ടു​കാ​ർ ആ​വ​ശ്യ​പ്പെ​ട്ടി​രു​ന്നു.