മണലി പുഴ കരകവിഞ്ഞു; നിരവധി വീടുകളിൽ വെള്ളം കയറി

ആമ്പല്ലൂർ: മണലി പുഴയിൽ ജലനിരപ്പ് ഉയർന്നതോടെ നെന്മണിക്കര പഞ്ചായത്തിലെ വിവിധ പ്രദേശങ്ങളിൽ നിരവധി വീടുകളിലേക്ക് വെള്ളം കയറി. നെന്മണിക്കര ചിറ്റിശേരി മേമ്പുള്ളി പാടത്ത് പതിനേഴ് വീടുകളിലേക്കും മണലി പുലക്കാട്ടുകരയിൽ പതിമൂന്ന് വീടുകളിലേക്കുമാണ് വെള്ളം കയറിയത്.

ഈ കുടുംബങ്ങളെ ബന്ധുവീടുകളിലേക്ക് മാറ്റി പാർപ്പിച്ചതായി പഞ്ചായത്ത് പ്രസിഡൻ്റ് ടി.എസ്. ബൈജു പറഞ്ഞു.