പാചകവാതകം തുറന്നുവിട്ട് അപായപ്പെടുത്താന്‍ ശ്രമമെന്ന്​

നെല്ലായി: പറപ്പൂക്കര പഞ്ചായത്തിലെ ആലത്തൂരില്‍ വീടി​െൻറ അടുക്കളയില്‍ കയറി അതിക്രമം കാണിച്ച സാമൂഹിക വിരുദ്ധര്‍ പാചക വാതകം തുറന്നുവിട്ട് വീട്ടുകാരെ അപായപ്പെടുത്താന്‍ ശ്രമിച്ചതായി പരാതി. ആലത്തൂര്‍ വടാശേരി ചന്ദ്രശേഖര​െൻറ വീട്ടിലാണ് ചൊവ്വാഴ്ച ഉച്ചകഴിഞ്ഞ് അതിക്രമം നടന്നത്.

വീട്ടില്‍ ആളില്ലാതിരുന്ന സമയത്താണ് സംഭവം. ഗൃഹനാഥന്‍ ചന്ദ്രശേഖരന്‍ പുറത്തുപോയി തിരിച്ചെത്തിയപ്പോഴാണ് അടുക്കളയിലെ പാത്രങ്ങളും ഗ്യാസ് സ്​റ്റൗവും തകര്‍ത്ത നിലയില്‍ കണ്ടതെന്ന്​ പറയുന്നു. പാചകവാതകം തുറന്നുവിട്ട നിലയിലായിരുന്നു. രണ്ടുമുറികള്‍ മാത്രമുള്ള വീടി​െൻറ അടുക്കളക്ക് അടച്ചുറപ്പുള്ള വാതിലില്ല. പരാതിയുടെ അടിസ്ഥാനത്തില്‍ കൊടകര പൊലീസ് സ്ഥലത്തെത്തി അന്വേഷണം നടത്തി.