തൊഴിലാളിയുടെ വീട് ജപ്തി ചെയ്യാൻ ശ്രമം; സി.പി.എം -ഡി.വൈ.എഫ്.ഐ പ്രവർത്തകർ തടഞ്ഞു

കാ​ഞ്ഞാ​ണി: അ​രി​മ്പൂ​രി​ൽ തൊ​ഴി​ലാ​ളി​യു​ടെ വീ​ട് ജ​പ്തി ചെ​യ്യാ​നു​ള്ള ശ്ര​മം സി.​പി.​എം -ഡി.​വൈ.​എ​ഫ്.​ഐ പ്ര​വ​ർ​ത്ത​ക​ർ ത​ട​ഞ്ഞു. 36 ല​ക്ഷം രൂ​പ വാ​യ്പ​യെ​ടു​ത്ത​തി​ൽ 32 ല​ക്ഷ​വും അ​ട​ച്ചി​ട്ടും കോ​വി​ഡി​ൽ പ്ര​തി​സ​ന്ധി​യി​ലാ​യ മാ​സ അ​ട​വ് മു​ട​ങ്ങി​യ​തു​മൂ​ലം 41 ല​ക്ഷം രൂ​പ അ​ട​ക്ക​ണ​മെ​ന്ന ആ​വ​ശ്യ​വു​മാ​യി സ്വ​കാ​ര്യ ബാ​ങ്ക് ജീ​വ​ന​ക്കാ​ർ കോ​ട​തി​യു​ടെ​യും പൊ​ലി​സി‍െൻറ​യും സ​ഹാ​യ​ത്തോ​ടെ മ​ന​ക്കൊ​ടി സ്വ​ദേ​ശി ക​ണ്ട​ൻ​കാ​വി​ൽ വി​നോ​ദി‍െൻറ (48) വീ​ട് ജ​പ്തി​ചെ​യ്യാ​നെ​ത്തി​യ​പ്പോ​ഴാ​ണ് ത​ട​ഞ്ഞ​ത്.

അ​ഞ്ചു വ​ർ​ഷം മു​മ്പാ​ണ് വാ​യ്പ എ​ടു​ത്ത​ത്. വീ​ട്ടി​ൽ വ​യോ​ധി​ക​യാ​യ അ​മ്മ മാ​ത്രം ഉ​ള്ള സ​മ​യ​ത്താ​ണ് കോ​ട​തി ഉ​ത്ത​ര​വു​മാ​യി ഉ​ദ്യോ​ഗ​സ്ഥ​ർ എ​ത്തി​യ​ത്. കാ​ളി​ങ് ബെ​ല്ല​ടി​ച്ച​പ്പോ​ൾ തു​റ​ന്നി​ല്ലെ​ന്ന കാ​ര​ണം പ​റ​ഞ്ഞ് വീ​ട് ച​വി​ട്ടി​പ്പൊ​ളി​ച്ച​തോ​ടെ​യാ​ണ് വി​വ​ര​മ​റി​ഞ്ഞ് വാ​ർ​ഡ് അം​ഗം കെ. ​രാ​ഗേ​ഷ്, ഡി.​വൈ.​എ​ഫ്.​ഐ മ​ണ​ലൂ​ർ ബ്ലോ​ക്ക് ക​മ്മി​റ്റി ജോ. ​സെ​ക്ര​ട്ട​റി​യും ജ​ന​പ്ര​തി​നി​ധി​യു​മാ​യ സി.​ജി. സ​ജീ​ഷ്, സി.​പി.​എം മ​ന​ക്കൊ​ടി ബ്രാ​ഞ്ച് സെ​ക്ര​ട്ട​റി ടി.​വി. വി​ദ്യാ​ധ​ര​ൻ, അ​രി​മ്പൂ​ർ ലോ​ക്ക​ൽ ക​മ്മി​റ്റി അം​ഗം പി.​ആ​ർ. ശ​ക്തി​ധ​ര​ൻ എ​ന്നി​വ​ർ സ്ഥ​ല​ത്തെ​ത്തി​യ​ത്.

ഇ​തി​നി​ടെ​യെ​ത്തി​യ വി​നോ​ദ​ൻ സി.​ജെ.​എം കോ​ട​തി​യു​ടെ ജ​പ്തി ഉ​ത്ത​ര​വ് സ്​​റ്റേ ചെ​യ്യു​ന്ന​തി​ന് വേ​ണ്ടി ഹൈ​കോ​ട​തി​യെ സ​മീ​പി​ച്ചി​ട്ടു​ണ്ടെ​ന്നും മു​ട​ങ്ങി​യ ത​വ​ണ​ക​ൾ അ​ട​ക്കാ​മെ​ന്നും ബ​ന്ധ​പ്പെ​ട്ട​വ​രോ​ട് പ​റ​ഞ്ഞു​വെ​ങ്കി​ലും ധി​ക്കാ​ര​പ​ര​മാ​യ പ്ര​തി​ക​ര​ണ​ങ്ങ​ളാ​ണ് അ​വ​രി​ൽ നി​ന്നു​ണ്ടാ​യ​ത​ത്രേ. വീ​ട് മ​റ്റൊ​രു പൂ​ട്ട് ഇ​ട്ട് അ​ട​ക്കാ​നും ശ്ര​മി​ച്ചു. സി.​പി.​എം, ഡി.​വൈ.​എ​ഫ്.​ഐ പ്ര​വ​ർ​ത്ത​ക​ർ ത​ട​ഞ്ഞ​തോ​ടെ​യാ​ണ് അ​ധി​കാ​രി​ക​ൾ പി​ന്തി​രി​ഞ്ഞ​ത്.