ജയിലിലെ കുഞ്ഞൻ പുസ്തകത്തിന് വമ്പൻ ഡിമാൻഡ്

തൃ​ശൂ​ർ: ത​ട​വു​കാ​രു​ടെ ക​ഥ​യ​റി​യാ​ൻ കു​ഞ്ഞ​ൻ പു​സ്ത​കം അ​ന്വേ​ഷി​ച്ച് ജ​യി​ലി​ലേ​ക്ക് വി​ളി​ക​ൾ. വി​യ്യൂ​ർ ജി​ല്ല ജ​യി​ലി​ൽ​നി​ന്ന് പ്ര​സി​ദ്ധീ​ക​രി​ച്ച ‘ചു​വ​രു​ക​ളും സം​സാ​രി​ക്കും’ എ​ന്ന മി​നി​യേ​ച്ച​ർ പു​സ്ത​ക​ത്തി​നാ​ണ് ആ​വ​ശ്യ​ക്കാ​രേ​റി​യ​ത്. ക​റ​ക്ഷ​ന​ൽ രം​ഗ​ത്ത് അ​ക്ഷ​ര ചി​കി​ത്സ എ​ന്ന രീ​തി​യി​ൽ അ​വ​ത​രി​പ്പി​ച്ച സ​ദ്ഗ​മ​യ സാ​ഹി​ത്യ​ര​ച​ന ക്യാ​മ്പും മി​നി​യേ​ച്ച​ർ പു​സ്ത​ക​വും പ​ത്ര​വാ​ർ​ത്ത​ക​ളി​ലൂ​ടെ ശ്ര​ദ്ധ നേ​ടി​യ​താ​ണ് കു​ഞ്ഞ​ൻ പു​സ്ത​ക​ത്തെ ആ​ക​ർ​ഷ​ക​മാ​ക്കി​യ​ത്.

എ​ന്നാ​ൽ, പു​സ്ത​ക വി​ൽ​പ​ന​യും ക​ണ​ക്കു സൂ​ക്ഷി​പ്പും നൂ​ലാ​മാ​ല​ക​ളാ​യ​തി​നാ​ൽ ജ​യി​ൽ ലൈ​ബ്ര​റി​യി​ലേ​ക്ക് ര​ണ്ടോ മൂ​ന്നോ പു​സ്ത​ക​ങ്ങ​ൾ സം​ഭാ​വ​ന ചെ​യ്യു​ന്ന​വ​ർ​ക്ക് മി​നി​യേ​ച്ച​ർ പു​സ്ത​കം അ​യ​ച്ചു​ന​ൽ​കാ​നാ​ണ് ഇ​പ്പോ​ൾ ജി​ല്ല ജ​യി​ൽ ആ​ലോ​ചി​ക്കു​ന്ന​ത്.

സ്വ​ന്തം മേ​ൽ​വി​ലാ​സ​മെ​ഴു​തി​യ 10 രൂ​പ സ്റ്റാ​മ്പൊ​ട്ടി​ച്ച ക​വ​ർ സ​ഹി​തം സൂ​പ്ര​ണ്ട്, ജി​ല്ല ജ​യി​ൽ, വി​യ്യൂ​ർ, തൃ​ശൂ​ർ ജി​ല്ല എ​ന്ന വി​ലാ​സ​ത്തി​ൽ അ​യ​ച്ച് ന​ൽ​കി​യാ​ൽ കു​ഞ്ഞ​ൻ പു​സ്ത​കം അ​യ​ച്ച് ന​ൽ​കും. പു​തി​യ​തോ പ​ഴ​യ​തോ ആ​യ മ​ല​യാ​ളം, ഇം​ഗ്ലീ​ഷ്, ത​മി​ഴ്, ഹി​ന്ദി ഭാ​ഷ​ക​ളി​ലു​ള്ള പു​സ്ത​ക​ങ്ങ​ൾ സം​ഭാ​വ​ന ന​ൽ​കാം.

ലൈ​ബ്ര​റി​യു​ടെ വി​ള​ർ​ച്ച​രോ​ഗ​ത്തി​നു​ത​ന്നെ​യാ​വ​ട്ടെ ‘അ​ക്ഷ​ര ചി​കി​ത്സ’ എ​ന്നാ​ണ് സൂ​പ്ര​ണ്ട് കെ. ​അ​നി​ൽ​കു​മാ​റി​ന്റെ അ​ഭി​പ്രാ​യം. ജ​യി​ലി​ലെ ത​ട​വു​കാ​രു​ടെ ക​ല -സാ​ഹി​ത്യ സൃ​ഷ്ടി​ക​ൾ ഉ​ൾ​പ്പെ​ടു​ത്തി​യ​താ​ണ് ചു​വ​രു​ക​ളും സം​സാ​രി​ക്കു​മെ​ന്ന കു​ഞ്ഞ​ൻ പു​സ്ത​കം. ആ​റ് സെ​ന്റി​മീ​റ്റ​ർ നീ​ള​വും നാ​ല് സെ​ന്റി​മീ​റ്റ​ർ വീ​തി​യും മാ​ത്ര​മു​ള്ള​താ​ണ് പു​സ്ത​കം.

ജ​യി​ലി​ന​ക​ത്ത് സം​ഘ​ടി​പ്പി​ച്ച സ​ദ്ഗ​മ​യ ക​ല സാ​ഹി​ത്യ ക്യാ​മ്പി​ൽ പ​ങ്കെ​ടു​ത്ത നൂ​റി​ൽ​പ​രം ത​ട​വു​കാ​രി​ൽ​നി​ന്ന് ക​വി​ത​ക​ൾ എ​ഴു​താ​ൻ ക​ഴി​യു​ന്ന​വ​രെ​ക്കൊ​ണ്ട് എ​ഴു​തി​ച്ച 18 ര​ച​ന​ക​ളാ​ണ് പു​സ്ത​ക​ത്തി​ലു​ള്ള​ത്. എ​ഴു​ത്തു​കാ​ര​ൻ ഗി​ന്ന​സ് സ​ത്താ​ർ ആ​ദൂ​ർ എ​ഡി​റ്റി​ങ് നി​ർ​വ​ഹി​ച്ച 40 പേ​ജി​ൽ ബ​ഹു​വ​ർ​ണ നി​റ​ത്തി​ലു​ള്ള​താ​ണ് ക​വി​ത​സ​മാ​ഹാ​രം.