ഗുണ്ടകളുടെ വിരുന്ന്; പൊലീസിന് ഗുരുതര വീഴ്ച

തൃ​ശൂ​ർ: ജി​ല്ല​യി​ലെ ഗു​ണ്ട​ക​ൾ വിരുന്ന് സം​ഘ​ടി​പ്പി​ച്ച സം​ഭ​വ​ത്തി​ൽ പൊ​ലീ​സി​ന് ഗു​രു​ത​ര വീ​ഴ്ച സം​ഭ​വി​ച്ച​താ​യി വി​ല​യി​രു​ത്ത​ൽ. ജ​യി​ലി​ൽ നി​ന്നി​റ​ങ്ങി​യ കൊ​ല​ക്കേ​സ് പ്ര​തി​യാ​ണ് ല​ഹ​രി​യ​ട​ക്കം വി​ള​മ്പി വിരുന്ന് സം​ഘ​ടി​പ്പി​ച്ച​ത്. സം​ഭ​വ സ​മ​യം സ്ഥ​ല​ത്ത് എ​ത്തി​യ പൊ​ലീ​സ് ഗു​ണ്ട​ക​ളു​ടെ വി​ശ​ദീ​ക​ര​ണം കേ​ട്ട് മ​ട​ങ്ങി​യ​തും സ്​​പെ​ഷ​ൽ ബ്രാ​ഞ്ച് കാ​ര്യ​ങ്ങ​ൾ യ​ഥാ​സ​മ​യം ഉ​ന്ന​ത ഉ​ദ്യോ​ഗ​സ്ഥ​രെ അ​റി​യി​ക്കാ​തി​രു​ന്ന​തും ഗു​രു​ത​ര വീ​ഴ്ച​യാ​യാ​ണ് വി​ല​യി​രു​ത്തു​ന്ന​ത്. വിരുന്നിൽ പ​​ങ്കെ​ടു​ത്ത ഒ​രു ഗു​ണ്ടാ നേ​താ​വി​ന്റെ അ​റ​സ്റ്റ് പൊ​ലീ​സ് രേ​ഖ​പ്പെ​ടു​ത്തി​യ​താ​യും പ​റ​യു​ന്നു​ണ്ട്.

ഏ​താ​നും വ​ർ​ഷം മു​മ്പു​വ​രെ ജി​ല്ല ഗു​ണ്ട​ക​ളു​ടെ വി​ഹാ​ര​കേ​ന്ദ്ര​മാ​യി​രു​ന്നു. എ​ന്നാ​ൽ, ചി​ല ഉ​ദ്യോ​ഗ​സ്ഥ​ർ ക​ർ​ശ​ന ന​ട​പ​ടി​യു​മാ​യി രം​ഗ​ത്തെ​ത്തി​യ​തോ​ടെ പ​ല​രും പ​ത്തി​മ​ട​ക്കി. ചി​ല​ർ പ്ര​വ​ർ​ത്ത​നം മ​തി​യാ​ക്കി​യ​പ്പോ​ൾ ചി​ല​രെ​ല്ലാം പ്ര​വ​ർ​ത്ത​ന​കേ​ന്ദ്രം മാ​റ്റി. ജി​ല്ല​യി​ൽ പ​തി​വി​ലേ​റെ സ​മാ​ധാ​നം​ കൈ​വ​രു​ക​യും ചെ​യ്തു. എ​ന്നാ​ൽ, ഏ​താ​നും നാ​ളു​ക​ളാ​യി ജി​ല്ല​യി​ൽ ഗു​ണ്ട​ക​ളു​ടെ മ​ട​ങ്ങി​വ​ര​വാ​ണ് കാ​ണു​ന്ന​ത്. ഏ​താ​നും മാ​സ​ങ്ങ​ൾ​ക്കി​ടെ നി​ര​വ​ധി കൊ​ല​പാ​ത​ക​ങ്ങ​ളാ​ണ് ജി​ല്ല​യി​ൽ അ​ര​ങ്ങേ​റി​യ​ത്. പൊ​ലീ​സ് ത​ല​പ്പ​ത്തു​ള്ള​വ​ർ ഗു​ണ്ട​ക​ളെ അ​മ​ർ​ച്ച ചെ​യ്യാ​ൻ കാ​ര്യ​മാ​യ താ​ൽ​പ​ര്യം കാ​ട്ടാ​ത്ത​തി​നാ​ൽ താ​ഴെ ത​ല​ത്തി​ലും ന​ട​പ​ടി​ക​ൾ കാ​ര്യ​മാ​യി മു​ന്നേ​റി​യി​ല്ല.

പ്രാ​യ​പൂ​ർ​ത്തി​യാ​കാ​ത്ത പ​ല​രും ഗു​ണ്ടാ​സം​ഘ​ങ്ങ​ളു​ടെ ഭാ​ഗ​മാ​യി​ട്ടു​പോ​ലും പൊ​ലീ​സ് ഗൗ​ര​വ​പൂ​ർ​വ​മാ​യ സ​മീ​പ​നം കൈ​ക്കൊ​ണ്ടി​ല്ലെ​ന്ന് ആ​ക്ഷേ​പ​മു​ണ്ട്. പൊ​ലീ​സി​ലെ പ​ല​രും ഗു​ണ്ട​ക​ളു​മാ​യി ച​ങ്ങാ​ത്തം പു​ല​ർ​ത്തു​ന്ന​താ​യും സ്ഥി​രീ​ക​രി​ച്ചി​ട്ടു​ണ്ട്. രാ​ഷ്ട്രീ​യ നേ​തൃ​ത്വ​ത്തി​ന്റെ പി​ന്തു​ണ​യും ഗു​ണ്ട​ക​ൾ​ക്ക് സ​ഹാ​യ​മാ​കു​ന്നു​ണ്ട്.