കു​ട്ടി​ക​ളു​ടെ കു​റ​വ് പ​രി​ശോ​ധി​ക്കാ​ൻ സ്‌​കൂ​ളി​ലെ​ത്തി​യ ഉ​പ​ജി​ല്ല വി​ദ്യാ​ഭ്യാ​സ ഓ​ഫി​സ​റെ ബ​ന്ദി​യാ​ക്കി

കൊ​ണ്ടാ​ഴി: കു​ട്ടി​ക​ളു​ടെ കു​റ​വ് പ​രി​ശോ​ധി​ക്കാ​ൻ സ്‌​കൂ​ളി​ലെ​ത്തി​യ ഉ​പ​ജി​ല്ല വി​ദ്യാ​ഭ്യാ​സ ഓ​ഫി​സ​റെ മാ​നേ​ജ​രും പ്ര​ധാ​ന​ധ്യാ​പി​ക​യും മ​ക​നും ചേ​ർ​ന്ന് ബ​ന്ദി​യാ​ക്കി ആ​ക്ര​മി​ച്ച​താ​യി പ​രാ​തി. കൊ​ണ്ടാ​ഴി പ്ലാ​ന്റേ​ഷ​ൻ എ.​എ​ൽ.​പി സ്‌​കൂ​ളി​ലാ​ണ് തി​ങ്ക​ളാ​ഴ്ച ഉ​ച്ച​ക്ക് ഉ​പ​ജി​ല്ല വി​ദ്യാ​ഭ്യാ​സ ഓ​ഫി​സ​ർ എ. ​മൊ​യ്‌​തീ​നെ മാ​നേ​ജ​ർ പൗ​ലോ​സ്, ഇ​യാ​ളു​ടെ ഭാ​ര്യ​യും പ്ര​ധാ​ന അ​ധ്യാ​പി​ക​യും ആ​യ മി​നി പൗ​ലോ​സ്, മ​ക​നും അ​ധ്യാ​പ​ക​നു​മാ​യ പി​ന്റു പൗ​ലോ​സ് എ​ന്നി​വ​ർ ചേ​ർ​ന്ന് ത​ട​ഞ്ഞു​വെ​ച്ച് ഭീ​ഷ​ണി​പ്പെ​ടു​ത്തി​യ​ത്.

കു​ട്ടി​ക​ൾ കു​റ​വു​ള്ള​താ​യി നേ​ര​ത്തെ വി​ദ്യാ​ഭ്യാ​സ ഡ​യ​റ​ക്ട​ർ​ക്ക് പ​രാ​തി ല​ഭി​ച്ചി​രു​ന്നു. ഇ​തി​ന്റെ തു​ട​ര​ന്വേ​ഷ​ണ​ത്തി​ന്റെ ഭാ​ഗ​മാ​യാ​ണ് ഉ​ച്ച​ഭ​ക്ഷ​ണ ചു​മ​ത​ല​യു​ള്ള ഓ​ഫി​സ​ർ പു​ഷ്‌​പ വ​ർ​ഗീ​സ്, മ​റ്റു ര​ണ്ടു ഉ​ദ്യോ​ഗ​സ്ഥ​ർ എ​ന്നി​വ​ർ ചേ​ർ​ന്ന സം​ഘം സ്കൂ​ളി​ലെ​ത്തി​യ​ത്.

പ​രി​ശോ​ധ​ന​യി​ൽ 106 കു​ട്ടി​ക​ൾ കു​റ​വു​ള്ള​താ​യി ക​ണ്ടെ​ത്തി. ഇ​ക്കാ​ര്യം ഇ​ൻ​സ്‌​പെ​ക്ഷ​ൻ ഡ​യ​റി​യി​ൽ രേ​ഖ​പ്പെ​ടു​ത്താ​ൻ ഓ​ഫി​സി​ൽ ക​യ​റി​യ​പ്പോ​ഴാ​ണ് ഉ​പ​ജി​ല്ല വി​ദ്യാ​ഭ്യാ​സ ഓ​ഫി​സ​ർ എ. ​മൊ​യ്‌​തീ​നെ ത​ട​ഞ്ഞു​വെ​ച്ചു അ​സ​ഭ്യ വ​ർ​ഷം ന​ട​ത്തി​യ​ത്. ഒ​പ്പ​മു​ണ്ടാ​യി​രു​ന്ന ഉ​ദ്യോ​ഗ​സ്ഥ​രാ​ണ് ഇ​ദ്ദേ​ഹ​ത്തെ ര​ക്ഷി​ച്ച​ത്.

പി​ന്നീ​ട് വാ​ഹ​ന​ത്തി​ൽ ക​യ​റി​യ​പ്പോ​ൾ കു​ട്ടി​ക​ളെ വാ​ഹ​ന​ത്തി​നു ചു​റ്റും നി​ർ​ത്തി ത​ട​യാ​നും ശ്ര​മി​ച്ചു. ഒ​ടു​വി​ൽ ര​ക്ഷ​പ്പെ​ട്ട ഇ​വ​ർ പ​ഴ​യ​ന്നൂ​ർ പൊ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു.

മു​മ്പ് ന​ട​ത്തി​യ പ​രി​ശോ​ധ​ന​യി​ൽ 64 കു​ട്ടി​ക​ൾ സ്ഥി​ര​മാ​യി കു​റ​വു​ള്ള​താ​യി ക​ണ്ടെ​ത്തി​യി​രു​ന്നു. ഇ​തി​ന്റെ ഭാ​ഗ​മാ​യി ഏ​താ​നും ഡി​വി​ഷ​ൻ കു​റ​വ് വ​രു​ത്താ​ൻ നോ​ട്ടീ​സ് ന​ൽ​കി​യി​രു​ന്നു. എ​ന്നാ​ൽ ക​ഴി​ഞ്ഞ ജൂ​ൺ മു​ത​ൽ ഇ​ല്ലാ​ത്ത കു​ട്ടി​ക​ളു​ടെ പേ​രി​ൽ ഉ​ച്ച​ഭ​ക്ഷ​ണ​ത്തി​നു​ള്ള തു​ക സ്‌​കൂ​ൾ കൈ​പ്പ​റ്റി​യി​രു​ന്നു.

മി​നി​സ്റ്റീ​രി​യ​ൽ സ്റ്റാ​ഫ് യൂ​നി​യ​ൻ പ്രതിഷേധിച്ചു

തൃ​ശൂ​ർ: വ​ട​ക്കാ​ഞ്ചേ​രി ഉ​പ​ജി​ല്ല​യി​ലെ കൊ​ണ്ടാ​ഴി പ്ലാ​ന്റേ​ഷ​ൻ എ.​എ​ൽ.​പി സ്കൂ​ൾ അ​ധി​കൃ​ത​രു​ടെ ക്ര​മ​ക്കേ​ട് അ​ന്വേ​ഷി​ക്കാ​നെ​ത്തി​യ വ​ട​ക്കാ​ഞ്ചേ​രി ഉ​പ​ജി​ല്ല വി​ദ്യാ​ഭ്യാ​സ ഓ​ഫി​സ​റെ​യും നൂ​ൺ​മീ​ൽ ഓ​ഫി​സ​റെ​യും ക്ല​ർ​ക്കു​മാ​രെ​യും കൈ​യേ​റ്റം ചെ​യ്യു​ക​യും ഔ​ദ്യോ​ഗി​ക കൃ​ത്യ​നി​ർ​വ​ഹ​ണ​ത്തി​ന് ത​ട​സ്സം നി​ൽ​ക്കു​ക​യും ചെ​യ്ത സം​ഭ​വ​ത്തി​ൽ കേ​ര​ള വി​ദ്യാ​ഭ്യാ​സ വ​കു​പ്പ് മി​നി​സ്റ്റീ​രി​യ​ൽ സ്റ്റാ​ഫ് യൂ​നി​യ​ൻ (കെ.​ഇ.​ഡി.​എം.​എ​സ്.​യു) പ്ര​തി​ഷേ​ധി​ച്ചു.

സം​ഭ​വ​ത്തി​ന് ഉ​ത്ത​ര​വാ​ദി​ക​ളാ​യ മാ​നേ​ജ​ർ​ക്കെ​തി​രെ​യും സ്കൂ​ൾ പ്ര​ധാ​നാ​ധ്യാ​പി​ക​ക്കെ​തി​രെ​യും അ​വ​രു​ടെ മ​ക​നാ​യ അ​ധ്യാ​പ​ക​നെ​തി​രെ​യും ന​ട​പ​ടി​യെ​ടു​ക്ക​ണ​മെ​ന്നാ​വ​ശ്യ​പ്പെ​ട്ട് സം​സ്ഥാ​ന ക​മ്മി​റ്റി മു​ഖേ​ന പൊ​തു വി​ദ്യാ​ഭ്യാ​സ ഡ​യ​റ​ക്ട​ർ​ക്ക് പ​രാ​തി ന​ൽ​കി​യ​താ​യി ജി​ല്ല പ്ര​സി​ഡ​ന്‍റ്​ എ​ൻ.​ജി. ബാ​ബു​കു​മാ​ർ, സെ​ക്ര​ട്ട​റി എ​ൻ.​എ​സ്. ദി​ലീ​പ്​ കു​മാ​ർ എ​ന്നി​വ​ർ അ​റി​യി​ച്ചു.