കൈമാറ്റത്തിനുള്ള തടസ്സം നീങ്ങിയിട്ടും ലക്ഷ്യം കാണാതെ ആനക​ളെ എത്തിക്കൽ

തൃ​ശൂ​ർ: കൈ​മാ​റ്റ​ത്തി​നു​ള്ള വി​ല​ക്ക് നീ​ങ്ങി​യെ​ങ്കി​ലും മ​റ്റു സം​സ്ഥാ​ന​ങ്ങ​ളി​ൽ​നി​ന്ന് നാ​ട്ടാ​ന​ക​ളെ എ​ത്തി​ക്കാ​നു​ള്ള നീ​ക്കം ഇ​നി​യും ല​ക്ഷ്യ​ത്തി​ലെ​ത്തി​യി​ല്ല. അ​പേ​ക്ഷ​ക​ളി​ൽ ചീ​ഫ് വൈ​ൽ​ഡ് ലൈ​ഫ് വാ​ർ​ഡ​ൻ അ​നു​മ​തി ന​ൽ​കാ​ത്ത​തി​നാ​ലാ​ണ് ആ​ന​ക​ളെ എ​ത്തി​ക്കാ​നു​ള്ള ക്ഷേ​ത്ര​ങ്ങ​ളു​ടെ അ​ട​ക്കം നീ​ക്കം ഫ​ല​പ്രാ​പ്തി​യി​ലെ​ത്താ​ത്ത​ത്.

ക​ഴി​ഞ്ഞ മാ​ർ​ച്ച് 14നാ​ണ് ആ​ന​ക​ളു​ടെ കൈ​മാ​റ്റ​ത്തി​നു​ള്ള വി​ല​ക്ക് നീ​ക്കി കേ​ന്ദ്ര സ​ർ​ക്കാ​ർ ഉ​ത്ത​ര​വി​റ​ക്കി​യ​ത്. 16 വ​ർ​ഷ​മാ​യി നി​ല​നി​ന്ന വി​ല​ക്ക് നീ​ങ്ങി​യ​തോ​ടെ നാ​ട്ടാ​ന​ക​ളു​ടെ എ​ണ്ണ​ത്തി​ൽ കു​റ​വ് നേ​രി​ടു​ന്ന സം​സ്ഥാ​ന​ത്തി​ന് വ​ലി​യ പ്ര​തീ​ക്ഷ​യാ​ണ് ഉ​ണ്ടാ​യി​രു​ന്ന​ത്.

കൈ​മാ​റു​ന്ന സം​സ്ഥാ​ന​ത്തി​ന്റെ​യും കൊ​ണ്ടു​വ​രു​ന്ന സം​സ്ഥാ​ന​ത്തി​ന്റെ​യും നി​രാ​ക്ഷേ​പ​പ​ത്രം വേ​ണ​മെ​ന്ന വ്യ​വ​സ്ഥ പാ​ലി​ച്ചാ​ൽ ആ​ന​ക​ളെ എ​ത്തി​ക്കാ​ൻ ക​ഴി​യു​ന്ന​താ​ണ് കേ​ന്ദ്ര ഉ​ത്ത​ര​വ്. സം​സ്ഥാ​ന സ​ർ​ക്കാ​ർ വി​ഷ​യ​ത്തി​ൽ ന​യ​പ​ര​മാ​യി തീ​രു​മാ​ന​മെ​ടു​ത്താ​ൽ മാ​ത്ര​മേ ആ​ന​ക​ളെ എ​ത്തി​ക്ക​ൽ യാ​ഥാ​ർ​ഥ്യ​മാ​കൂ എ​ന്നാ​ണ് ഈ ​രം​ഗ​ത്ത് പ്ര​വ​ർ​ത്തി​ക്കു​ന്ന​വ​ർ ചൂ​ണ്ടി​ക്കാ​ട്ടു​ന്ന​ത്.

സം​സ്ഥാ​ന​ത്ത് ഉ​ത്സ​വ​ങ്ങ​ളി​ൽ ഒ​ഴി​ച്ചു​കൂ​ടാ​നാ​വാ​ത്ത ഘ​ട​ക​മാ​ണ് ആ​ന​ക​ൾ. നൂ​റി​ലേ​റെ ആ​ന​ക​ൾ വ​രെ അ​ണി​നി​ര​ക്കു​ന്ന എ​ഴു​ന്ന​ള്ള​ത്തു​ക​ൾ സം​സ്ഥാ​ന​ത്തു​ണ്ട്. നി​ല​വി​ൽ 450ൽ ​താ​ഴെ നാ​ട്ടാ​ന​ക​ൾ മാ​ത്ര​മാ​ണ് സം​സ്ഥാ​ന​ത്തു​ള്ള​ത്. പ​ല ക്ഷേ​ത്രോ​ത്സ​വ​ങ്ങ​ളും ഒ​രേ തീ​യ​തി​ക​ളി​ലാ​വും ന​ട​ക്കു​ന്ന​ത്.

ഇ​തു​മൂ​ലം ആ​ന​യെ ല​ഭി​ക്കാ​തെ പ്ര​തി​സ​ന്ധി നേ​രി​ടു​ന്ന സാ​ഹ​ച​ര്യം നി​ല​വി​ലു​ണ്ട്. ആ​ന​ക​ളു​ടെ എ​ണ്ണം കു​റ​ച്ചാ​ണ് പ​ല​രും ഈ ​പ്ര​തി​സ​ന്ധി ത​ര​ണം​ചെ​യ്യു​ന്ന​ത്. എ​ന്നാ​ൽ​പോ​ലും വ​ൻ​തു​ക പാ​ട്ട​മാ​യി ആ​ന​ക​ൾ​ക്ക് ന​ൽ​കേ​ണ്ടി​വ​രും. മ​ദ​പ്പാ​ട് അ​ട​ക്കം പ​ല കാ​ര​ണ​ങ്ങ​ളാ​ൽ എ​ല്ലാ ആ​ന​ക​ളെ​യും ഉ​ത്സ​വ​ത്തി​ന് എ​ഴു​ന്ന​ള്ളി​ക്കാ​നും ക​ഴി​യാ​റി​ല്ല. പ​ല ക്ഷേ​ത്ര​ങ്ങ​ളും സ്വ​ന്ത​മാ​യി ആ​ന​ക​ളെ പ​രി​പാ​ലി​ക്കു​ന്ന​വ​രാ​ണ്.

എ​ന്നാ​ൽ, ചെ​രി​ഞ്ഞ ആ​ന​ക​ൾ​ക്ക് പ​ക​ര​ക്കാ​രി​ല്ലാ​ത്ത​ത് ഇ​വ​ർ​ക്കും പ്ര​തി​സ​ന്ധി ഉ​യ​ർ​ത്തു​ന്നു​ണ്ട്. പ​ല ക്ഷേ​ത്ര​ങ്ങ​ളു​ടെ​യും സം​ഘ​ട​ന​ക​ളു​ടെ​യും നേ​തൃ​ത്വ​ത്തി​ൽ ആ​ന​ക്കൈ​മാ​റ്റ​ത്തി​നു​ള്ള ത​ട​സ്സം നീ​ക്കാ​ൻ സ​ർ​ക്കാ​റി​ൽ സ​മ്മ​ർ​ദം ചെ​ലു​ത്തി​വ​രു​ക​യാ​യി​രു​ന്നു. തു​ട​ർ​ന്നാ​ണ് 1972ലെ ​വ​ന്യ​ജീ​വി സം​ര​​​ക്ഷ​ണ നി​യ​മ​ത്തി​ൽ ഭേ​ദ​ഗ​തി​ കൊ​ണ്ടു​വ​ന്ന​ത്.

2022ൽ ​കൊ​ണ്ടു​വ​ന്ന ഭേ​ദ​ഗ​തി​ക്ക് ച​ട്ട​ങ്ങ​ളാ​യ​ത് ക​ഴി​ഞ്ഞ മാ​ർ​ച്ചി​ലാ​ണ്. അ​സം, ബി​ഹാ​ർ സം​സ്ഥാ​ന​ങ്ങ​ളി​ൽ​നി​ന്നാ​ണ് പ്ര​ധാ​ന​മാ​യും ആ​ന​ക​ളെ എ​ത്തി​ക്കു​ക. നി​ല​വി​ൽ കേ​ര​ള​ത്തി​ലെ ത​ല​യെ​ടു​പ്പു​ള്ള നാ​ട്ടാ​ന​ക​ളി​ൽ പ​ല​തും ബി​ഹാ​റി​ൽ​നി​ന്ന് എ​ത്തി​ച്ചി​ട്ടു​ള്ള​വ​യാ​ണ്.