ട്രാം​വെ മ്യൂ​സി​യ​ത്തോ​ടൊ​പ്പം ചാ​ല​ക്കു​ടി​ക്ക് വേ​ണം ആ​ർ​ട് ഗ്യാ​ല​റി​

ചാ​ല​ക്കു​ടി: നി​ർ​മാ​ണം ന​ട​ക്കു​ന്ന ട്രാം​വെ മ്യൂ​സി​യ​ത്തോ​ടൊ​പ്പം ചാ​ല​ക്കു​ടി​യി​ൽ ആ​ർ​ട് ഗ്യാ​ല​റി​യും വേ​ണ​മെ​ന്ന ആ​വ​ശ്യം ശ​ക്ത​മാ​കു​ന്നു. ല​ളി​ത​ക​ലാ അ​ക്കാ​ദ​മി​യു​ടെ ഉ​പ​കേ​ന്ദ്ര​ങ്ങ​ളി​ലൊ​ന്നാ​യി ഗ്യാ​ല​റി വ​ന്നാ​ൽ ഏ​റെ പ്ര​യോ​ജ​ന​ക​ര​മാ​വും.

ക​ലാ​കാ​ര​ന്മാ​രു​ടെ സൃ​ഷ്ടി​ക​ൾ പ്ര​ദ​ർ​ശി​പ്പി​ക്കാ​ൻ ഗ്യാ​ല​റി ഉ​ണ്ടാ​യാ​ൽ പ്ര​യോ​ജ​ന​ക​ര​മാ​കും. കു​റ​ഞ്ഞ വാ​ട​ക​യി​ൽ ചി​ത്ര​പ്ര​ദ​ർ​ശ​നം ന​ട​ത്താ​ൻ ക​ലാ​കാ​ര​ന്മാ​ർ തൃ​ശൂ​ർ, എ​റ​ണാ​കു​ളം ന​ഗ​ര​ങ്ങ​ളി​ലേ​ക്കാ​ണ് പ​ല​പ്പോ​ഴും പോ​കു​ന്ന​ത്. ചെ​റി​യ സാം​സ്കാ​രി​ക പ​രി​പാ​ടി​ക​ൾ ന​ട​ത്താ​ൻ ന​ഗ​ര​ത്തി​ൽ സ്ഥ​ലം കി​ട്ടാ​ത്ത ബു​ദ്ധി​മു​ട്ടും ഇ​തു​വ​ഴി പ​രി​ഹ​രി​ക്ക​പ്പെ​ടും. ഇ​വി​ടെ ല​ളി​ത​ക​ലാ അ​ക്കാ​ദ​മി ഉ​പ​കേ​ന്ദ്ര​മാ​യാ​ൽ തൃ​ശൂ​രി​നും എ​റ​ണാ​കു​ള​ത്തി​നു​മി​ട​യി​ൽ ചി​ത്ര​ക​ലാ​സ്വാ​ദ​ക​രു​ടെ പ്ര​ധാ​ന കേ​ന്ദ്ര​മാ​യി വ​ള​രു​ക​യും ചെ​യ്യും.

റെ​യി​ൽ​വേ സ്റ്റേ​ഷ​ൻ റോ​ഡി​ൽ ചാ​ല​ക്കു​ടി ഐ.​ടി.​ഐ​ക്ക് സ​മീ​പ​ത്തെ പി.​ഡ​ബ്ല്യു.​ഡി മെ​ക്കാ​നി​ക്ക​ൽ എ​ൻ​ജി​നീ​യ​റി​ങ് വ​ർ​ക്ക് ഷോ​പ്പി​ലാ​ണ് ട്രാം​വെ ച​രി​ത്ര മ്യൂ​സി​യ​ത്തി​ന്‍റെ നി​ർ​മാ​ണം ന​ട​ക്കു​ന്ന​ത്. 50 സെ​ന്‍റ് സ്ഥ​ല​മാ​ണ് മ്യൂ​സി​യം നി​ർ​മാ​ണ​ത്തി​ന് സ​ർ​ക്കാ​ർ അ​നു​വ​ദി​ച്ച​ത്. 2021ൽ ​മ​ന്ത്രി ക​ട​ന്ന​പ്പി​ള്ളി രാ​മ​ച​ന്ദ്ര​ൻ മ്യൂ​സി​യം നി​ർ​മാ​ണോ​ദ്ഘാ​ട​നം ന​ട​ത്തി​യി​രു​ന്നു. മ്യൂ​സി​യം ഒ​രു​ക്കു​ന്ന ന​ട​പ​ടി​ക​ൾ വേ​ഗ​ത്തി​ലാ​യി​ട്ടു​ണ്ട്. ട്രാം​വെ​യു​ടെ ഭാ​ഗ​മാ​യ മൂ​ന്ന് കെ​ട്ടി​ട​ങ്ങ​ൾ ന​വീ​ക​രി​ക്കു​ക​യാ​ണ് ചെ​യ്യു​ന്ന​ത്. ഇ​തി​ൽ ഒ​രു കെ​ട്ടി​ടം വി​ട്ടു​കൊ​ടു​ത്താ​ൽ ആ​ർ​ട് ഗ്യാ​ല​റി ഒ​രു​ക്കാ​ൻ ക​ഴി​യും.