ചാ​ല​ക്കു​ടി റെ​യി​ൽ​വേ സ്റ്റേ​ഷ​ൻ വി​ക​സ​നം ക​ട​ലാ​സി​ൽ

ചാ​ല​ക്കു​ടി: അ​മൃ​ത് സ്റ്റേ​ഷ​ന്റെ പേ​രി​ൽ ചാ​ല​ക്കു​ടി റെ​യി​ൽ​വേ സ്റ്റേ​ഷ​നി​ൽ ന​ട​ക്കു​ന്ന​ത് നാ​മ​മാ​ത്ര വി​ക​സ​ന പ്ര​വ​ർ​ത്ത​ന​ങ്ങ​ളെ​ന്ന് പ​രാ​തി. മ​റ്റി​ട​ങ്ങ​ളി​ൽ വ​ൻ വി​ക​സ​ന പ്ര​വ​ർ​ത്ത​ന​ങ്ങ​ൾ ന​ട​ക്കു​മ്പോ​ൾ ചാ​ല​ക്കു​ടി റെ​യി​ൽ​വേ സ്റ്റേ​ഷ​നി​ൽ ഇ​ത് മു​റ്റം മി​നു​ക്ക​ലി​ൽ ഒ​തു​ങ്ങു​ന്നു.

സ്റ്റേ​ഷ​ന് വ​ട​ക്കു​ഭാ​ഗ​ത്ത് പ​ഴ​യ ക്വാ​ർ​ട്ടേ​ഴ്സി​ന്റെ പാ​ർ​ക്കി​ങ് സൗ​ക​ര്യം ന​വീ​ക​രി​ച്ച​തും സ്റ്റേ​ഷ​ൻ മു​റ്റം കോ​ൺ​ക്രീ​റ്റ് ചെ​യ്യു​ന്ന​തും പു​തി​യ ഗേ​റ്റ് നി​ർ​മി​ക്കു​ന്ന​തും ഒ​ന്നാം ന​മ്പ​ർ പ്ലാ​റ്റ് ഫോ​മി​ന്റെ കു​റ​ച്ചു ഭാ​ഗ​ത്ത് സീ​ലി​ങ്ങ് ചെ​യ്യു​ന്ന​തും മാ​റ്റി നി​ർ​ത്തി​യാ​ൽ ചാ​ല​ക്കു​ടി റെ​യി​ൽ​വേ സ്റ്റേ​ഷ​നി​ൽ അ​ടി​സ്ഥാ​ന​പ​ര​മാ​യ ഒ​രു വി​ക​സ​ന പ്ര​വ​ർ​ത്ത​ന​വു​മി​ല്ല. യാ​ത്ര​ക്കാ​ർ കാ​ല​ങ്ങ​ളാ​യി ആ​വ​ശ്യ​പ്പെ​ടു​ന്ന പ​ല സൗ​ക​ര്യ​ങ്ങ​ളും ഇ​പ്പോ​ഴും കാ​ണാ​മ​റ​യ​ത്താ​ണ്.

റെ​യി​ൽ​വേ സ്റ്റേ​ഷ​ൻ കെ​ട്ടി​ട​ത്തി​ന് കാ​ലോ​ചി​ത​മാ​യ ഒ​രു മാ​റ്റ​വു​മി​ല്ല. ടി​ക്ക​റ്റ് കൗ​ണ്ട​റു​ക​ളും യാ​ത്ര​ക്കാ​രു​ടെ വി​ശ്ര​മ​മു​റി​ക​ളും അ​സൗ​ക​ര്യ​ങ്ങ​ളി​ൽ തു​ട​രു​ക​യാ​ണെ​ന്ന​താ​ണ് പ്ര​ധാ​ന കാ​ര്യം. കാ​ല​ങ്ങ​ളാ​യി പ്ലാ​റ്റ് ഫോം ​ഉ​യ​ർ​ത്ത​ൽ ന​ട​ക്കു​ന്നു​ണ്ടെ​ങ്കി​ലും അ​തി​ന​നു​സ​രി​ച്ച് പ്ര​ധാ​ന കെ​ട്ടി​ടം ഉ​യ​ർ​ത്താ​റി​ല്ല. ഇ​പ്പോ​ൾ മു​റ്റം കോ​ൺ​ക്രീ​റ്റ് ചെ​യ്തും ടൈ​ൽ​സി​ട്ടും ഉ​യ​ർ​ത്തു​മ്പോ​ൾ കെ​ട്ടി​ടം കു​ഴി​യി​ലാ​യ പ്ര​തീ​തി​യു​ണ്ട്. സാ​ധ്യ​ത​ക​ൾ ഏ​റെ​യു​ണ്ടെ​ങ്കി​ലും ക​മേ​ഴ്സ്യ​ൽ കോം​പ്ല​ക്സ് നി​ർ​മാ​ണം ന​ട​ക്കു​ന്ന ല​ക്ഷ​ണ​മി​ല്ല.

പു​തു​താ​യി ഒ​രു സ​ർ​വി​സ് പോ​ലും ചാ​ല​ക്കു​ടി റെ​യി​ൽ​വേ സ്റ്റേ​ഷ​ന് അ​നു​വ​ദി​ക്ക​പ്പെ​ട്ടി​ട്ടി​ല്ല. തൃ​ശൂ​ർ ക​ഴി​ഞ്ഞാ​ൽ ജി​ല്ല​യി​ലെ പ്ര​ധാ​ന​പ്പെ​ട്ട റെ​യി​ൽ​വേ സ്റ്റേ​ഷ​നാ​ണി​ത്.

എ​ന്നി​ട്ടും യാ​ത്ര​ക്കാ​ർ കാ​ല​ങ്ങ​ളാ​യി ആ​വ​ശ്യ​പ്പെ​ടു​ന്ന സ​ർ​വി​സു​ക​ൾ​ക്കൊ​ന്നും ഇ​വി​ടെ സ്റ്റോ​പ്പി​ല്ലെ​ന്ന​തും നി​രാ​ശാ​ജ​ന​ക​മാ​ണ്. ദേ​ശീ​യ ശ്ര​ദ്ധ​യാ​ക​ർ​ഷി​ക്കു​ന്ന വി​നോ​ദ സ​ഞ്ചാ​ര കേ​ന്ദ്ര​മാ​യ അ​തി​ര​പ്പി​ള്ളി​യി​ലേ​ക്ക് യാ​ത്ര​ക്കാ​രെ​ത്തു​ന്ന സ്റ്റേ​ഷ​ൻ എ​ന്ന നി​ല​യി​ൽ ചാ​ല​ക്കു​ടി​ക്ക് ഒ​രു സൗ​ക​ര്യ​വും എ​ർ​പ്പെ​ടു​ത്തി​യി​ട്ടി​ല്ലെ​ന്നാ​ണ് പ​രാ​തി.