ചാ​ല​ക്കു​ടി അ​ടി​പ്പാ​ത നി​ർ​മാ​ണം വീ​ണ്ടും സ​ജീ​വ​മാ​യി

ചാ​ല​ക്കു​ടി: പീ​ലാ​ർ​മു​ഴി​യി​ലെ മ​ണ്ണെ​ടു​പ്പി​നെ തു​ട​ർ​ന്ന് വി​വാ​ദ​ത്തി​ലാ​യ ദേ​ശീ​യ​പാ​ത​യി​ലെ അ​ടി​പ്പാ​ത നി​ർ​മാ​ണം വീ​ണ്ടും ഊ​ർ​ജി​ത​മാ​യി. മ​ഴ​യെ​ത്തും മു​ൻ​പ് പ​ണി​ക​ൾ ആ​വു​ന്ന​ത്ര പൂ​ർ​ത്തി​യാ​ക്കാ​ൻ ല​ക്ഷ്യ​മി​ട്ടാ​ണ് പ്ര​വൃ​ത്തി​ക​ൾ മു​ന്നേ​റു​ന്ന​ത്.

ചെ​റി​യ ടി​പ്പ​ർ ലോ​റി​ക​ളി​ൽ എ​ത്തു​ന്ന മ​ണ്ണ് റോ​ഡ് റോ​ള​റു​ക​ൾ ഉ​പ​യോ​ഗി​ച്ച് നി​ര​പ്പാ​ക്കു​ന്ന​ത് തു​ട​രു​ന്നു. അ​തോ​ടൊ​പ്പം അ​രി​ക് ഭി​ത്തി​ക​ളു​ടെ നി​ർ​മാ​ണ​വും ന​ട​ക്കു​ന്നു. ഇ​വ നി​റ​ക്കാ​ൻ ഇ​നി​യും ഏ​റെ മ​ണ്ണ് വേ​ണം. അ​ത് വേ​ന​ൽ​ക്കാ​ല​ത്ത് ത​ന്നെ എ​ടു​ക്കു​ന്ന​താ​ണ് സു​ര​ക്ഷി​തം.

വേ​ന​ൽ​മ​ഴ ശ​ക്ത​മാ​യി​ല്ലെ​ങ്കി​ൽ ജൂ​ണി​ന് മു​ൻ​പ് ഏ​ക​ദേ​ശം പ​ണി​ക​ൾ പൂ​ർ​ത്തി​യാ​ക്കാ​നാ​കും. മ​ഴ​ക്കാ​ല​മെ​ത്തി​യാ​ൽ പ്ര​തി​സ​ന്ധി​ക​ൾ ഉ​ണ്ടാ​വും. പീ​ലാ​ർ​മു​ഴി​യി​ൽ നി​ന്ന് ത​ന്നെ​യാ​ണ് ഇ​പ്പോ​ഴും മ​ണ്ണെ​ത്തു​ന്ന​ത്. ടോ​റ​സ് ലോ​റി​ക​ൾ മ​ണ്ണെ​ടു​ക്കാ​നെ​ത്തു​ന്നി​ല്ല. 10 ട​ണ്ണി​ൽ കൂ​ടു​ത​ൽ ഭാ​ര​മു​ള്ള ലോ​റി​ക​ൾ പ​ഞ്ചാ​യ​ത്ത് നി​ര​ത്തി​ലൂ​ടെ ക​ട​ന്നു പോ​വു​ന്ന​ത് പ​രി​യാ​രം പ​ഞ്ചാ​യ​ത്ത് ക​ർ​ശ​ന​മാ​യി ത​ട​ഞ്ഞ​തോ​ടെ​യാ​ണ് മ​ണ്ണെ​ടു​പ്പ് ഒ​രാ​ഴ്ച​യി​ല​ധി​കം നി​ല​ച്ച​ത്.

ഉ​രു​ൾ​പ്പൊ​ട്ട​ൽ ഉ​ണ്ടാ​യ പീ​ലാ​ർ​മു​ഴി കോ​ട്ടാ​മ​ല​യി​ൽ നി​ന്ന് മ​ണ്ണെ​ടു​ക്കു​ന്ന​ത് ഗു​രു​ത​ര പാ​രി​സ്ഥി​തി​ക പ്ര​ശ്നം ഉ​ണ്ടാ​ക്കു​മെ​ന്ന് ചൂ​ണ്ടി​ക്കാ​ട്ടി എ​ൽ.​ജെ.​ഡി നേ​തൃ​ത്വ​ത്തി​ൽ സ​മ​രം ആ​രം​ഭി​ക്കു​ക​യും ചെ​യ്തി​രു​ന്നു. മ​ണ്ണെ​ടു​പ്പ് നി​ർ​ത്തി​യ​തോ​ടെ സ​മ​ര​വും നി​ർ​ത്തി​യി​രു​ന്നു. എ​ന്നാ​ൽ മ​ണ്ണെ​ടു​പ്പ് ആ​രം​ഭി​ച്ച​തി​നെ തു​ട​ർ​ന്ന് സ​മ​രം വീ​ണ്ടും ആ​രം​ഭി​ക്കു​മോ​യെ​ന്ന ആ​ശ​ങ്ക നി​ല​നി​ൽ​ക്കു​ന്നു.

അ​ങ്ങ​നെ വ​ന്നാ​ൽ ബ​ദ​ൽ മാ​ർ​ഗ​ങ്ങ​ൾ ആ​ലോ​ചി​ക്കു​ന്നു​ണ്ട്. മ​ണ്ണെ​ടു​ക്കു​ന്ന​തി​ന് നി​ര​വ​ധി പേ​ർ ജി​യോ​ള​ജി വി​ഭാ​ഗ​ത്തി​ൽ അ​പേ​ക്ഷ ന​ൽ​കി​യി​ട്ടു​ണ്ട്. എ​ന്നാ​ൽ വി​വി​ധ നി​യ​മ നൂ​ലാ​മാ​ല​ക​ൾ ചൂ​ണ്ടി​ക്കാ​ട്ടി അ​വ​ർ​ക്ക് അ​ധി​കൃ​ത​ർ അ​നു​മ​തി ന​ൽ​കു​ന്നി​ല്ലെ​ന്ന പ​രാ​തി​യും നി​ല​നി​ൽ​ക്കു​ന്നു.