ചാ​ത്ത​ൻ​ചാ​ലി​നെ​ക്കു​റി​ച്ചു മാ​ത്രം ചോ​ദി​ക്ക​രു​ത്

ചാ​ല​ക്കു​ടി: കാ​ടു​കു​റ്റി പ​ഞ്ചാ​യ​ത്തി​ലെ അ​നി​ശ്ചി​ത​മാ​യി നീ​ളു​ന്ന ചാ​ത്ത​ൻ​ചാ​ൽ ന​വീ​ക​ര​ണ പ​ദ്ധ​തി​യു​ടെ പ്ര​വൃ​ത്തി​ക​ൾ എ​ന്ന് ആ​രം​ഭി​ക്കു​മെ​ന്ന ക​ർ​ഷ​ക​രു​ടെ ചോ​ദ്യ​ത്തി​ന് പ​ഞ്ചാ​യ​ത്ത് അ​ധി​കാ​രി​ക​ൾ​ക്ക് ഉ​ത്ത​ര​മി​ല്ല. കാ​ടു​കു​റ്റി പ​ഞ്ചാ​യ​ത്തി​ലെ ക​ർ​ഷ​ക​ർ​ക്ക് ഏ​റെ പ്ര​യോ​ജ​ന​ക​ര​മാ​യ പ​ദ്ധ​തി​യു​ടെ നി​ർ​മാ​ണ പ്ര​വ​ർ​ത്ത​നം അ​ധി​കാ​രി​ക​ളു​ടെ അ​നാ​സ്ഥ​മൂ​ലം മു​ട​ങ്ങി​ക്കി​ട​ക്കു​ക​യാ​ണ്.

ക​രാ​റു​കാ​ർ പ​ല​വ​ട്ടം ഇ​ട്ടെ​റി​ഞ്ഞു​പോ​കു​ന്ന​തി​നാ​ൽ ടെ​ൻ​ഡ​ർ ന​ട​പ​ടി​ക​ൾ പ​ല​വ​ട്ടം ന​ട​ന്നു. എ​ന്നി​ട്ടും എ​വി​ടെ​യു​മെ​ത്തി​യി​ട്ടി​ല്ല. അ​ന്വേ​ഷി​ക്കു​ന്ന​വ​രോ​ട് പ്ര​വൃ​ത്തി പു​രോ​ഗ​മി​ച്ചു​കൊ​ണ്ടി​രി​ക്കു​ക​യാ​ണെ​ന്നും അ​ടു​ത്ത ആ​ഴ്ച മു​ത​ൽ ആ​രം​ഭി​ക്കു​മെ​ന്നും പ​റ​ഞ്ഞ് ത​ൽ​ക്കാ​ലം ത​ടി​ത​പ്പു​ന്ന ന​യം പ​ഞ്ചാ​യ​ത്ത് അ​ധി​കൃ​ത​ർ തു​ട​രു​ക​യാ​ണ്. എ​ന്നാ​ൽ, ചാ​ത്ത​ൻ​ചാ​ലി​ന്റെ പ​ണി​ക​ൾ അ​നി​ശ്ചി​ത​മാ​യി നീ​ളു​ന്ന​ത് പ്ര​ദേ​ശ​ത്തെ ക​ർ​ഷ​ക​ർ വേ​ദ​ന​യോ​ടെ​യാ​ണ് കാ​ണു​ന്ന​ത്.

ജി​ല്ല​യി​ലെ​ത്ത​ന്നെ വ​ലി​യ കാ​ർ​ഷി​ക പ​ദ്ധ​തി​യാ​യ ഇ​ത് കെ.​എ​ൽ.​ഡി.​സി​യു​ടെ നേ​തൃ​ത്വ​ത്തി​ലാ​ണ് ന​ട​ത്തു​ന്ന​ത്. ഇ​തി​നാ​യി 627 ല​ക്ഷം രൂ​പ സ​ർ​ക്കാ​ർ അ​നു​വ​ദി​ച്ചി​ട്ടു​ണ്ട്. കാ​ടു​കു​റ്റി​യി​ലെ ചാ​ത്ത​ൻ​ചാ​ലും അ​തി​നു​സ​മീ​പ​ത്തെ പെ​രു​ന്തോ​ടും കെ​ട്ടി സം​ര​ക്ഷി​ക്കാ​നു​ള്ള പ​ദ്ധ​തി പ്ര​ദേ​ശ​ത്തെ നി​ര​വ​ധി ക​ർ​ഷ​ക​ർ​ക്കാ​ണ് പ്ര​യോ​ജ​ന​ക​ര​മാ​വു​ക. ചാ​ത്ത​ൻ​ചാ​ൽ പാ​ട​ശേ​ഖ​ര​മ​ട​ക്കം ഏ​ക്ക​ർ ക​ണ​ക്കി​ന് നെ​ൽ​കൃ​ഷി​ക്ക് ഉ​പ​കാ​ര​പ്ര​ദ​മാ​കും.

വ​ർ​ഷ​ക്കാ​ല​ത്ത് പാ​ട​ശേ​ഖ​ര​ത്തി​ലേ​ക്ക് വെ​ള്ളം ക​യ​റാ​തി​രി​ക്കാ​നും വേ​ന​ലി​ൽ കൃ​ഷി​ക്ക് ആ​വ​ശ്യ​മാ​യ വെ​ള്ളം ല​ഭി​ക്കാ​നും ഉ​പ​ക​രി​ക്കും. അ​ന്ന​നാ​ട് ഭാ​ഗ​ത്തെ തോ​ടി​ന്റെ വി​ശാ​ല​മാ​യ ഭാ​ഗ​ത്തെ സ​മൃ​ദ്ധ​മാ​യ മ​ത്സ്യ​സ​മ്പ​ത്ത് പ​ഞ്ചാ​യ​ത്തി​ന് വ​രു​മാ​നം ന​ൽ​കു​ന്നു​ണ്ട്.

ക​ഴി​ഞ്ഞ​ത​വ​ണ പ്ര​വൃ​ത്തി​യു​ടെ ടെ​ൻ​ഡ​ർ പൂ​ർ​ത്തി​യാ​യെ​ങ്കി​ലും പ്ര​ധാ​ന ക​രാ​റു​കാ​ര​നും ഉ​പ​ക​രാ​റു​കാ​ര​നും ത​മ്മി​ലു​ള്ള ത​ർ​ക്കം​മൂ​ലം പ​ണി​ക​ൾ മു​ട​ങ്ങി. പ​ദ്ധ​തി ആ​രം​ഭി​ച്ച​ശേ​ഷം പ്ര​ഹ​സ​ന​മെ​ന്ന പോ​ലെ അ​ന്ന് ഒ​രു​മാ​സ​ത്തോ​ള​മേ പ​ണി​ക​ൾ ന​ട​ന്നി​ട്ടു​ള്ളൂ. പ​ദ്ധ​തി​യു​ടെ ഭാ​ഗ​മാ​യി ചാ​ത്ത​ൻ​ചാ​ലി​ലെ കു​റ​ച്ചു​ഭാ​ഗം മ​ണ്ണ് നീ​ക്കം​ചെ​യ്ത് പേ​രി​ന് ആ​ഴം കൂ​ട്ടി.

ഒ​രു​വ​ശ​ത്തെ പ​ഴ​യ ഭി​ത്തി പൊ​ളി​ക്കു​ക​യും അ​തി​ന്റെ ക​ല്ലെ​ടു​ത്ത് മ​റു​വ​ശ​ത്ത് ഭി​ത്തി നി​ർ​മി​ക്കു​ക​യും ചെ​യ്തി​രു​ന്നു. പെ​രു​ന്തോ​ട്ടി​ലേ​ക്ക് പോ​കു​ന്ന ഭാ​ഗ​ത്ത് കാ​ല​ങ്ങ​ളാ​യി അ​ടി​ഞ്ഞു​കൂ​ടി​യ മ​ണ്ണും ച​ണ്ടി​യും മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച് നീ​ക്കം​ചെ​യ്താ​ണ് പ​ണി​ക​ൾ​ക്ക് പ്രാ​രം​ഭം കു​റി​ച്ചി​രു​ന്ന​ത്.

പ​ണി​ക​ൾ ഏ​റെ​ക്കാ​ല​മാ​യി നി​ല​ച്ചി​ട്ടും കാ​ടു​കു​റ്റി പ​ഞ്ചാ​യ​ത്ത് അ​ധി​കൃ​ത​ർ പ​റ​യു​ന്ന​ത് ചാ​ത്ത​ൻ​ചാ​ലി​ന്റെ പ്ര​വൃ​ത്തി​ക​ൾ ന​ട​ക്കു​ന്നു​ണ്ടെ​ന്നാ​ണ്. പ​ണി​ക​ൾ​ക്കാ​യി കൊ​ണ്ടു​വ​ന്ന ക​രി​ങ്ക​ല്ലും സാ​മ​ഗ്രി​ക​ളും നീ​ക്കം​ചെ​യ്തി​ട്ടി​ല്ലെ​ന്നും അ​വി​ടെ​ത്ത​ന്നെ​യു​ണ്ടെ​ന്നു​മാ​ണ് അ​വ​രു​ടെ ന്യാ​യ​വാ​ദം.