പോ​ട്ട സു​ന്ദ​രി​ക​വ​ല മു​ത​ൽ ആ​ശ്ര​മം ജ​ങ്ഷ​ൻ വ​രെ: സ​ർ​വി​സ് റോ​ഡ് വീ​തി​കൂ​ട്ടും

ചാ​ല​ക്കു​ടി: ദേ​ശീ​യ​പാ​ത നി​ർ​മാ​ണ​ത്തി​ന്‍റെ ഭാ​ഗ​മാ​യി ഇ​നി​യും നി​ർ​മാ​ണം പൂ​ർ​ത്തി​യാ​ക്കാ​ത്ത സ​ർ​വി​സ് റോ​ഡു​ക​ളു​ടെ പ്ര​വൃ​ത്തി ഉ​ട​ൻ പൂ​ർ​ത്തി​യാ​ക്കാ​ൻ ക​ല​ക്ട​റു​ടെ നേ​തൃ​ത്വ​ത്തി​ൽ ചേ​ർ​ന്ന യോ​ഗ​ത്തി​ൽ തീ​രു​മാ​നം. ആ​ദ്യ​ഘ​ട്ട​ത്തി​ൽ പോ​ട്ട സു​ന്ദ​രി​ക​വ​ല മു​ത​ൽ ആ​ശ്ര​മം ജ​ങ്ഷ​ൻ വ​രെ​യു​ള്ള സ​ർ​വി​സ് റോ​ഡ് വീ​തി കൂ​ട്ടും. ഇ​തി​ന്‍റെ പ്ര​വൃ​ത്തി വെ​ള്ളി​യാ​ഴ്ച തു​ട​ങ്ങും.

മ​തി​ലു​ക​ളും മ​റ്റും പൊ​ളി​ച്ചു​മാ​റ്റി താ​ൽ​ക്കാ​ലി​ക ഗ​താ​ഗ​ത​സൗ​ക​ര്യം ഒ​രു​ക്കും. വൈ​ദ്യു​തി തൂ​ണു​ക​ൾ ന​ഗ​ര​സ​ഭ​യു​ടെ ഉ​ത്ത​ര​വാ​ദി​ത്ത​ത്തി​ൽ മാ​റ്റി​സ്ഥാ​പി​ക്കും. റോ​ഡി​ന് ത​ട​സ്സ​മാ​യി നി​ൽ​ക്കു​ന്ന തേ​ക്കു​മ​ര​ങ്ങ​ൾ ന​ട​പ​ടി​ക്ര​മ​ങ്ങ​ൾ ഉ​ട​ൻ പൂ​ർ​ത്തീ​ക​രി​ച്ച് വെ​ട്ടി​മാ​റ്റും. ശ​ര​വ​ണ ഹോ​ട്ട​ൽ മു​ത​ൽ പ​ന​മ്പി​ള്ളി ജ​ങ്ഷ​ൻ​വ​രെ​യു​ള്ള ഭാ​ഗ​ത്തും ആ​ശാ​രി​പ്പാ​റ, പാ​പ്പാ​ളി ജ​ങ്ഷ​ൻ എ​ന്നി​വി​ട​ങ്ങ​ളി​ലും സ​ർ​വി​സ് റോ​ഡ് ഒ​രു​ക്കും. ഈ ​പ്ര​വൃ​ത്തി​ക​ൾ​ക്ക്​ ചെ​ല​വ് പ്ര​തീ​ക്ഷി​ക്കു​ന്ന 10 കോ​ടി രൂ​പ ദേ​ശീ​യ പാ​ത അ​തോ​റി​റ്റി അ​നു​വ​ദി​ക്കാ​നും യോ​ഗ​ത്തി​ൽ ധാ​ര​ണ​യാ​യി.

ചാ​ല​ക്കു​ടി മേ​ഖ​ല​യി​ൽ സൗ​ത്ത് ജ​ങ്ഷ​നി​ലെ വെ​ള്ള​ക്കെ​ട്ട് ഒ​ഴി​വാ​ക്കാ​ൻ ന​ട​പ​ടി സ്വീ​ക​രി​ക്കും. ഇ​തി​ന്​ വെ​ള്ളി​യാ​ഴ്ച എ​ൻ.​എ​ച്ച്.​എ.​ഐ ഉ​ദ്യോ​ഗ​സ്ഥ​ർ സ്ഥ​ലം സ​ന്ദ​ർ​ശി​ക്കും. ഇ​വി​ട​ത്തെ അ​ടി​പ്പാ​ത​യു​ടെ അ​ടി​ഭാ​ഗം വൃ​ത്തി​യാ​ക്കാ​നും ലൈ​റ്റു​ക​ൾ സ്ഥാ​പി​ക്കാ​നും യോ​ഗ​ത്തി​ൽ തീ​രു​മാ​ന​മാ​യി. ഈ ​പ്ര​വൃ​ത്തി​ക​ളു​ടെ മേ​ൽ​നോ​ട്ട​വും ന​ഗ​ര​സ​ഭ​ക്കാ​യി​രി​ക്കും. ക​ല​ക്ട​ർ വി.​ആ​ർ. കൃ​ഷ്ണ തേ​ജ, ന​ഗ​ര​സ​ഭ ചെ​യ​ർ​മാ​ൻ എ​ബി ജോ​ർ​ജ്, ഡി​വൈ.​എ​സ്.​പി ഇ.​എ​സ്. സി​നോ​ജ്, ത​ഹ​സി​ൽ​ദാ​ർ ഇ.​എ​ൻ. രാ​ജു, എ​ൻ.​എ​ച്ച്.​എ.​ഐ പ്രോ​ജ​ക്ട് ഡ​യ​റ​ക്ട​ർ ബി​ബി​ൻ മ​ധു, കൗ​ൺ​സി​ല​ർ വി.​ജെ. ജോ​ജി, സെ​ക്ര​ട്ട​റി കെ.​ബി. വി​ശ്വ​നാ​ഥ​ൻ എ​ന്നി​വ​ർ പ​ങ്കെ​ടു​ത്തു.