ചാലക്കുടി നഗരസഭ ശ്മശാനത്തിൽ പുകക്കുഴൽ പുനഃസ്ഥാപിക്കാൻ തിരക്കിട്ട ശ്രമം

ചാ​ല​ക്കു​ടി: പ്ര​തി​ഷേ​ധ​ങ്ങ​ൾ ശ​ക്ത​മാ​യ​തോ​ടെ ചാ​ല​ക്കു​ടി ന​ഗ​ര​സ​ഭ ശ്മശാനത്തി​ലെ പു​ക​ക്കു​ഴ​ൽ പു​നഃ​സ്ഥാ​പി​ക്കു​ന്ന​തി​ന് തി​ര​ക്കി​ട്ട ശ്ര​മം. ന​ഗ​ര​സ​ഭ ശ്മശാനത്തി​ന്റെ പു​ക​ക്കു​ഴ​ൽ ത​ക​ർ​ന്നു വീ​ണ​തി​നെ തു​ട​ർ​ന്ന് ഒ​രാ​ഴ്ച​യോ​ള​മാ​യി സം​സ്കാ​ര​ങ്ങ​ൾ നി​ർ​ത്തി​വെ​ച്ചി​രി​ക്കു​ക​യാ​ണ്.

സ​മ​യ​ത്തി​ന് അ​റ്റ​കു​റ്റ​പ്പ​ണി​ക​ൾ ന​ട​ത്താ​ത്ത ന​ഗ​ര​സ​ഭ​യു​ടെ അ​നാ​സ്ഥ​യി​ൽ വി​വി​ധ സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ പ്ര​തി​ഷേ​ധ പ​രി​പാ​ടി​ക​ൾ അ​ര​ങ്ങേ​റി കൊ​ണ്ടി​രി​ക്കു​ക​യാ​ണ്. ഇ​തി​നി​ട​യി​ൽ ആ​ലു​വ​യി​ലെ ഹൈ​ടെ​ക് എ​ന്ന സ്ഥാ​പ​ന​ത്തി​നെ പു​ക​ക്കു​ഴ​ൽ സ്ഥാ​പി​ക്കാ​നു​ള്ള പ്ര​വൃ​ത്തി ഏ​ൽ​പ്പി​ച്ചി​ട്ടു​ണ്ടെ​ന്ന് ന​ഗ​ര​സ​ഭ അ​ധി​കൃ​ത​ർ വ്യ​ക്ത​മാ​ക്കി. 12 ല​ക്ഷം രൂ​പ​യോ​ളം ചെ​ല​വ് വ​രു​ന്ന​താ​ണ് സം​സ്ഥാ​ന ശു​ചി​ത്വ മി​ഷ​ന്റെ നി​ർ​ദേ​ശ​പ്ര​കാ​രു​ള്ള പു​തി​യ പു​ക​ക്കു​ഴ​ൽ. 100 അ​ടി ഉ​യ​ര​മു​ള്ള പു​തി​യ പു​ക​ക്കു​ഴ​ലി​ന്റെ നി​ർ​മാ​ണം ക​രാ​ർ ഏ​റ്റെ​ടു​ത്ത ക​മ്പ​നി​യു​ടെ പ്ലാ​ന്റി​ലാ​ണ് ന​ട​ക്കു​ക. അ​നു​ബ​ന്ധ​മാ​യി ഇ​വി​ട​ത്തെ ശു​ദ്ധീ​ക​ര​ണ ടാ​ങ്കു​ക​ളു​ടെ ന​വീ​ക​ര​ണ​വും മ​റ്റ് പ്ര​വൃ​ത്തി​ക​ളും ഇ​തോ​ടൊ​പ്പം ന​ട​ക്കു​മെ​ന്ന് ന​ഗ​ര​സ​ഭ അ​ധി​കൃ​ത​ർ വ്യ​ക്ത​മാ​ക്കി.

നഗരസഭ ഓഫിസിലേക്ക് എൽ.ഡി.എഫ്​ മാർച്ച്

ചാ​ല​ക്കു​ടി: പു​ക​ക്കു​ഴ​ൽ ത​ക​ർ​ന്നു​വീ​ണ ന​ഗ​ര​സ​ഭ ശ്മശാനത്തി​ന്റെ അ​റ്റ​കു​റ്റ​പ്പ​ണി ന​ട​ത്താ​തെ അ​നാ​സ്ഥ കാ​ണി​ക്കു​ന്ന ന​ഗ​ര​സ​ഭ ഭ​ര​ണ​സ​മി​തി​ക്കെ​തി​രെ എ​ൽ.​ഡി.​എ​ഫ് മു​നി​സി​പ്പ​ൽ ക​മ്മി​റ്റി​യു​ടെ നേ​തൃ​ത്വ​ത്തി​ൽ പ്ര​തി​ഷേ​ധ മാ​ർ​ച്ചും ധ​ർ​ണ​യും സം​ഘ​ടി​പ്പി​ച്ചു.

ത​ക​രാ​റി​ലാ​യ ശ്മശാനത്തി​ന്റെ അ​റ്റ​കു​റ്റ​പ്പ​ണി​ക​ൾ എ​ത്ര​യും വേ​ഗം ന​ട​ത്തി സം​സ്‌​കാ​ര​ത്തി​നാ​യി തു​റ​ന്നു​കൊ​ടു​ക്കു​ക, ചാ​ല​ക്കു​ടി​യി​ലെ​യും സ​മീ​പ പ​ഞ്ചാ​യ​ത്തു​ക​ളി​ലെ​യും ഹൈ​ന്ദ​വ സ​ഹോ​ദ​ര​ങ്ങ​ൾ​ക്ക് മ​ര​ണ​ശേ​ഷം വി​ശ്വാ​സ​പൂ​ർ​വം മൃ​ത​ദേ​ഹം സം​സ്‌​ക​രി​ക്കാ​നു​ള്ള അ​വ​കാ​ശം ന​ട​പ്പാ​ക്കു​ക തു​ട​ങ്ങി​യ ആ​വ​ശ്യ​ങ്ങ​ളു​ന്ന​യി​ച്ചാ​ണ് ന​ഗ​ര​സ​ഭ ഓ​ഫി​സി​ലേ​ക്ക് പ്ര​തി​ഷേ​ധ മാ​ർ​ച്ച് ന​ട​ത്തി​യ​ത്. കേ​ര​ള കോ​ൺ​ഗ്ര​സ് (എം) ​സം​സ്ഥാ​ന സ്റ്റി​യ​റി​ങ് ക​മ്മി​റ്റി അം​ഗം ഡെ​ന്നി​സ് കെ. ​ആ​ൻ​റ​ണി ധ​ർ​ണ ഉ​ദ്ഘാ​ട​നം ചെ​യ്തു. സി.​പി.​ഐ ലോ​ക്ക​ൽ സെ​ക്ര​ട്ട​റി അ​നി​ൽ ക​ദ​ളി​ക്കാ​ട​ൻ അ​ധ്യ​ക്ഷ​ത വ​ഹി​ച്ചു. സി.​പി.​എം ഏ​രി​യ സെ​ക്ര​ട്ട​റി കെ.​എ​സ്. അ​ശോ​ക​ൻ, എ​ൽ.​ഡി.​എ​ഫ് ക​ൺ​വീ​ന​ർ ടി.​പി. ജോ​ണി, എം.​എ​ൻ. ശ​ശി​ധ​ര​ൻ, ഉ​ഷ പ​ര​മേ​ശ്വ​ര​ൻ, ജ​യ​ന്തി പ്ര​വീ​ൺ കു​മാ​ർ, ന​ഗ​ര​സ​ഭ കൗ​ൺ​സി​ല​ർ​മാ​രാ​യ ബി​ജി സ​ദാ​ന​ന്ദ​ൻ, ഷൈ​ജ സു​നി​ൽ, ബി​ന്ദു ശ​ശി​കു​മാ​ർ, ലി​ല്ലി ജോ​സ്, ടി.​ഡി. എ​ലി​സ​ബ​ത്ത്, സി.​പി.​എം ഏ​രി​യ ക​മ്മി​റ്റി അം​ഗ​ങ്ങ​ളാ​യ കെ.​ഐ. അ​ജി​ത​ൻ, ജി​ൽ ആ​ൻ​റ​ണി, സി.​പി.​ഐ മ​ണ്ഡ​ലം ക​മ്മി​റ്റി അം​ഗം മ​ധു ചി​റ​ക്ക​ൽ, എ.​എം. ഗോ​പി, പി.​ഒ. ബി​നു, ബീ​ന ഡേ​വി​സ് എ​ന്നി​വ​ർ സം​സാ​രി​ച്ചു.