കലാഭവൻ മണിയുടെ ഓർമയിൽ പാട്ടുപുര

ചാ​ല​ക്കു​ടി: അ​തു​ല്യ ക​ലാ​കാ​ര​ൻ ക​ലാ​ഭ​വ​ൻ മ​ണി​യു​ടെ ഓ​ർ​മ​ക​ളി​ൽ സം​ഗീ​ത സാ​ന്ദ്ര​മാ​വു​ക​യാ​ണ് ചാ​ല​ക്കു​ടി​യി​ലെ ക​ലാ​ഭ​വ​ൻ മ​ണി പാ​ർ​ക്കി​ലെ പാ​ട്ടു​പു​ര. പാ​ട്ടു​പു​ര​യി​ലെ ഗാ​യ​ക​രു​ടെ കൂ​ട്ടാ​യ്മ​ക്ക് നാ​ല് വ​ർ​ഷം പൂ​ർ​ത്തി​യാ​വു​ക​യാ​ണ്. ഇ​തി​ന​കം ഇ​വി​ടെ വ​ന്ന് പാ​ട്ടു​പാ​ടി​യ അ​റി​യ​പ്പെ​ടു​ന്ന​വ​രും അ​റി​യ​പ്പെ​ടാ​ത്ത​വ​രു​മാ​യ ഗാ​യ​ക​ർ ഏ​റെ. മ​ണി​യു​ടെ പേ​രി​ലു​ള്ള ചാ​ല​ക്കു​ടി ന​ഗ​ര​സ​ഭ പാ​ർ​ക്കി​ന്‍റെ കോ​ണി​ലാ​ണ് പ്ര​ദേ​ശ​ത്തെ ഗാ​യ​ക​രെ പ്രോ​ത്സാ​ഹി​പ്പി​ക്കാ​ൻ ന​ഗ​ര​സ​ഭ അ​ധി​കാ​രി​ക​ൾ ഇ​ത്ത​ര​മൊ​രു സൗ​ക​ര്യം ഒ​രു​ക്കി കൊ​ടു​ത്ത​ത്. ഇ​വി​ടെ വ​ന്ന് ആ​ർ​ക്കും പാ​ടാം. സം​ഗീ​ത രം​ഗ​ത്ത് വ​ള​ർ​ന്നു വ​രു​ന്ന​വ​ർ​ക്കും പാ​ടി തെ​ളി​ഞ്ഞ​വ​ർ​ക്കു​മെ​ല്ലാം. സാ​യാ​ഹ്ന​ത്തി​ലാ​ണ് പാ​ട്ടു​പു​ര സ​ജീ​വ​മാ​കു​ക.

ച​ല​ച്ചി​ത്ര ഗാ​ന​വും ല​ളി​ത​ഗാ​ന​വും ശാ​സ്ത്രീ​യ സം​ഗീ​ത​വു​മൊ​ക്കെ സൗ​ക​ര്യം പോ​ലെ പാ​ടാം. അ​തു​പോ​ലെ ആ​സ്വ​ദി​ക്കാ​നെ​ത്തു​ന്ന​വ​ർ​ക്ക് ഇ​രി​പ്പി​ട​ങ്ങ​ളും ഒ​രു​ക്കി​യി​ട്ടു​ണ്ട്. മി​ക്ക​വാ​റും ക​രോ​ക്കെ വ​ച്ചാ​ണ് പാ​ട്ട്. ഉ​യ​ർ​ന്ന ഗു​ണ​നി​ല​വാ​ര​മു​ള്ള മ്യൂ​സി​ക് സി​സ്റ്റ​വും ഇ​തി​നാ​യി സ്ഥി​രം ഏ​ർ​പ്പാ​ടാ​ക്കി​യി​ട്ടു​ണ്ട്. ചി​ല​പ്പോ​ൾ പാ​ടാ​നാ​യി അ​തി​ഥി​ക​ളെ​ത്തും. വൈ​ക്കം വി​ജ​യ​ല​ക്ഷ്മി​യും പ​ന്ത​ളം ബാ​ല​നു​മൊ​ക്കെ ഇ​വി​ടെ പാ​ടാ​നെ​ത്തി​യ അ​തി​ഥി​ക​ളാ​ണ്. പാ​ട്ട് പാ​ടാ​ൻ വേ​ണ്ടി ഇ​തു പോ​ലെ​യൊ​രു സ്ഥി​രം പ്ര​സ്ഥാ​നം മ​റ്റെ​വി​ടെ​യു​മി​ല്ലെ​ന്ന​താ​ണ് ചാ​ല​ക്കു​ടി​യി​ലെ ക​ലാ​ഭ​വ​ൻ മ​ണി പാ​ട്ടു​പു​ര​യു​ടെ സ​വി​ശേ​ഷ​ത.