എ​ന്നു​ തു​ട​ങ്ങും കു​റ്റി​ച്ചി​റ -​ചാ​യ്പ​ൻ​കു​ഴി റോ​ഡ് ടാ​റി​ങ്?

ചാ​ല​ക്കു​ടി: ശോ​ച്യാ​വ​സ്ഥ​യി​ലാ​യ കു​റ്റി​ച്ചി​റ-​ചാ​യ്പ​ൻ​കു​ഴി റോ​ഡ് ടാ​റി​ങ് ന​ട​ത്തു​മെ​ന്ന​റി​യി​ച്ചി​ട്ട്​ ഒ​രു​വ​ർ​ഷ​മാ​യി. ഒ​ടു​വി​ൽ ടാ​റി​ങ്ങി​നൊ​രു​ങ്ങി ക​രാ​റു​കാ​ര​നെ​ത്തി​യ​പ്പോ​ൾ മ​ഴ​യും തു​ട​ങ്ങി. മ​ഴ മാ​റു​ന്ന​തും കാ​ത്ത് ക​ഴി​യു​ക​യാ​ണ് ചാ​യ്പ​ൻ​കു​ഴി​ക്കാ​ർ. ക​ഴി​ഞ്ഞ ര​ണ്ടാ​ഴ്ച​യാ​യി മ​ഴ തു​ട​ർ​ന്നു​കൊ​ണ്ടി​രി​ക്കു​ന്ന​തി​നാ​ൽ കു​റ്റി​ച്ചി​റ-​ചാ​യ്പ​ൻ​കു​ഴി റോ​ഡ് ത​ക​ർ​ന്ന് കൂ​ടു​ത​ൽ കു​ണ്ടും കു​ഴി​യു​മാ​യി യാ​ത്ര​ദു​രി​തം ഇ​ര​ട്ടി​ച്ചി​ട്ടു​ണ്ട്. വാ​ഹ​ന​യാ​ത്ര​ക്കാ​ർ ഏ​റെ ബു​ദ്ധി​മു​ട്ടു​ന്നു​ണ്ട്.

ജി​ല്ല പ​ഞ്ചാ​യ​ത്തി​ന്റെ കീ​ഴി​ലെ ഈ ​റോ​ഡ് ന​വീ​ക​രി​ക്കു​ന്ന​തി​ന് ഫ​ണ്ട് അ​നു​വ​ദി​ച്ച​ത് ക​ഴി​ഞ്ഞ ജൂ​ണി​ലാ​ണ്. ര​ണ്ട് വ​ട്ടം ടെ​ൻ​ഡ​ർ ക്ഷ​ണി​ച്ചി​ട്ടും പ​ണി ഏ​റ്റെ​ടു​ക്കാ​ൻ ക​രാ​റു​കാ​ര​നു​ണ്ടാ​യി​രു​ന്നി​ല്ല. മൂ​ന്നാം​വ​ട്ട​മാ​ണ് മ​റ്റ​ത്തൂ​ർ ലേ​ബ​ർ സൊ​സൈ​റ്റി ക​രാ​ർ എ​ടു​ത്ത​ത്. ഒ​ടു​വി​ൽ ടാ​റി​ങ്ങി​ന് വേ​ണ്ട ടാ​ർ ശേ​ഖ​രി​ച്ചി​ട്ട് ര​ണ്ട​ര മാ​സ​മാ​യെ​ങ്കി​ലും മെ​റ്റ​ൽ കി​ട്ടാ​ൻ വൈ​കി​യ​തു​മൂ​ലം ടാ​റി​ങ് യ​ഥാ​സ​മ​യം തു​ട​ങ്ങാ​ൻ ക​ഴി​ഞ്ഞ​തു​മി​ല്ല. മെ​റ്റ​ൽ സ്റ്റോ​ക്ക് ചെ​യ്തി​ട്ട് ഒ​രു​മാ​സ​മാ​യി. സ്റ്റോ​ക്കെ​ടു​പ്പും വി​ജി​ല​ൻ​സ് റി​പ്പോ​ർ​ട്ടും ക​ഴി​ഞ്ഞ​പ്പോ​ൾ മ​ഴ തു​ട​ങ്ങി​യ​തി​നാ​ൽ ടാ​റി​ങ് ചെ​യ്യാ​ൻ പ​റ്റാ​ത്ത അ​വ​സ്ഥ​യാ​യി. ഇ​നി എ​ന്ന് റോ​ഡ് പ​ണി തു​ട​ങ്ങാ​നാ​കു​മെ​ന്ന​റി​യാ​തെ നാ​ട്ടു​കാ​രും ക​രാ​റു​കാ​ര​നും ആ​ശ​ങ്ക​യി​ലാ​ണ്.

ശോ​ച്യാ​വ​സ്ഥ​യി​ലാ​യ കു​റ്റി​ച്ചി​റ-​ചാ​യ്പ​ൻ​കു​ഴി റോ​ഡ്