കലാഭവൻ മണി സ്മാരകം; കൂട്ടിച്ചേർക്കേണ്ട ഭൂമിയുടെ അളവ് നൽകണമെന്ന് സാംസ്കാരിക വകുപ്പ്

ചാ​ല​ക്കു​ടി: ചാ​ല​ക്കു​ടി​യി​ൽ ക​ലാ​ഭ​വ​ൻ മ​ണി സ്മാ​ര​കം നി​ർ​മി​ക്കാ​ൻ റ​വ​ന്യൂ വ​കു​പ്പ് അ​നു​വ​ദി​ച്ച ഭൂ​മി​യോ​ട് കൂ​ട്ടി​ച്ചേ​ർ​ക്കാ​ൻ ന​ഗ​ര​സ​ഭ വി​ട്ടു​കൊ​ടു​ക്കു​ന്ന സ്ഥ​ല​ത്തി​ന്‍റെ അ​ള​വും മ​റ്റ് വി​ശ​ദാം​ശ​ങ്ങ​ളും ന​ൽ​കാ​ൻ സാം​സ്കാ​രി​ക വ​കു​പ്പ് ക​ല​ക്ട​റോ​ട് ആ​വ​ശ്യ​പ്പെ​ട്ടു.

ക​ലാ​ഭ​വ​ൻ മ​ണി​യു​ടെ സ്മാ​ര​ക​വും ഫോ​ക് ലോ​ർ അ​ക്കാ​ദ​മി ഉ​പ​കേ​ന്ദ്ര​വും സൗ​ക​ര്യ​ത്തോ​ടെ നി​ർ​മി​ക്കാ​ൻ നേ​ര​ത്തെ ദേ​ശീ​യ​പാ​ത​യോ​ര​ത്ത് അ​നു​വ​ദി​ച്ച സ്ഥ​ല​ത്തി​ന് പു​റ​മേ കൂ​ടു​ത​ൽ സ്ഥ​ലം വേ​ണ​മെ​ന്ന് മാ​സ​ങ്ങ​ൾ​ക്ക് മു​മ്പ് സ്ഥ​ലം സ​ന്ദ​ർ​ശി​ച്ച സാം​സ്കാ​രി​ക മ​ന്ത്രി ന​ഗ​ര​സ​ഭ​യോ​ട് ആ​വ​ശ്യ​പ്പെ​ട്ടി​രു​ന്നു.

തു​ട​ർ​ന്ന് ന​ഗ​ര​സ​ഭ കൗ​ൺ​സി​ൽ പ​ഴ​യ ഹൈ​സ്കൂ​ൾ ഗ്രൗ​ണ്ടി​നോ​ട് ചേ​ർ​ന്ന സ്ഥ​ലം അ​നു​വ​ദി​ക്കാ​ൻ സ​ന്ന​ദ്ധ​ത അ​റി​യി​ച്ചി​രു​ന്നു. കൂ​ട്ടി​ച്ചേ​ർ​ക്കു​ന്ന ഭൂ​മി​യു​ടെ അ​ള​വും മ​റ്റ്​ വി​ശ​ദാം​ശ​ങ്ങ​ളും ല​ഭ്യ​മാ​ക്കാ​ൻ ക​ല​ക്ട​റോ​ട് സാം​സ്കാ​രി​ക വ​കു​പ്പ് ഡ​യ​റ​ക്ട​ർ ആ​വ​ശ്യ​പ്പെ​ട്ടി​ട്ടു​ണ്ടെ​ന്ന് വ​കു​പ്പ് മ​ന്ത്രി വി.​എ​ൻ. വാ​സ​വ​ൻ നി​യ​മ​സ​ഭ​യെ രേ​ഖാ​മൂ​ലം അ​റി​യി​ച്ചു. സ​നീ​ഷ്‌​കു​മാ​ർ ജോ​സ​ഫ് എം.​എ​ൽ.​എ​യു​ടെ ചോ​ദ്യ​ത്തി​ന് മ​റു​പ​ടി ന​ൽ​കു​ക​യാ​യി​രു​ന്നു അ​ദ്ദേ​ഹം.

പൊ​തു​വി​ദ്യാ​ഭ്യാ​സ വ​കു​പ്പി​ൽ​നി​ന്ന് 15 സെ​ന്‍റ്​ സ്ഥ​ലം വി​ട്ടു​കി​ട്ടാ​നാ​വ​ശ്യ​മാ​യ പ്ര​പ്പോ​സ​ൽ വ്യ​ക്ത​മാ​യ ശി​പാ​ർ​ശ​യോ​ടെ സ​മ​ർ​പ്പി​ക്കാ​ൻ ഫോ​ക് ലോ​ർ അ​ക്കാ​ദ​മി സെ​ക്ര​ട്ട​റി​ക്ക് നി​ർ​ദേ​ശം ന​ൽ​കാ​നും തീ​രു​മാ​നി​ച്ചു.

ല​ഭ്യ​മാ​കു​ന്ന സ്ഥ​ല​ത്ത് നി​ർ​മി​ക്കാ​ൻ സാ​ധി​ക്കു​ന്ന കെ​ട്ടി​ടം സം​ബ​ന്ധി​ച്ച് പൊ​തു​മ​രാ​മ​ത്ത് ചീ​ഫ് എ​ൻ​ജി​നീ​യ​റു​ടെ റി​പ്പോ​ർ​ട്ട് ആ​വ​ശ്യ​പ്പെ​ടാ​നും തീ​രു​മാ​നി​ച്ച​താ​യി മ​ന്ത്രി വ്യ​ക്ത​മാ​ക്കി.