വീട്ടമ്മയെ ആക്രമിച്ച് സ്വർണമാല കവർന്ന പ്രതി പിടിയിൽ

ചാലക്കുടി: വി.ആർ പുരത്ത് വീട്ടമ്മയെ ആക്രമിച്ച് പരിക്കേൽപിച്ച് മാല കവർന്ന കേസിലെ പ്രതിയെ പിടികൂടി. അയൽവാസിയായ വി.ആർ പുരം മാളിയേക്കൽ ബിനോയിയാണ്​ (38) പിടിയിലായത്. കഴിഞ്ഞ വെള്ളിയാഴ്ച രാവിലെയാണ് സംഭവം.

ഓമങ്കലത്ത് സുനിലി‍െൻറ ഭാര്യയായ സിനി (36) വീട്ടിൽ വസ്ത്രം അലക്കുമ്പോൾ തലയ്ക്ക് കല്ലുകൊണ്ടിടിച്ച് മൂന്നര പവ‍​െൻറ മാല കവർന്ന് രക്ഷപ്പെടുകയായിരുന്നു ഇയാൾ. വെറ്റിലപ്പാറയിൽ ഇയാൾ ജോലിചെയ്യുന്ന സ്ഥലത്ത് പറമ്പിൽ കുഴിച്ചിട്ട സ്വർണമാല പൊലീസ് കണ്ടെടുത്തു. നിരവധി കേസുകളിലെ പ്രതിയാണ് ഇയാൾ.