വെള്ളക്കെട്ട് ഒഴിവാക്കാൻ നഗരസഭയുടെ തീവ്ര ശ്രമം

ചാ​ല​ക്കു​ടി: സൗ​ത്ത് ജ​ങ്ഷ​നി​ലെ​യും ഹൗ​സി​ങ് ബോ​ർ​ഡ് കോ​ള​നി​യി​ലെ​യും മ​ഴ​ക്കാ​ല​ത്തെ വെ​ള്ള​ക്കെ​ട്ട് ഒ​ഴി​വാ​ക്കു​ന്ന​തി​ന് ന​ഗ​ര​സ​ഭ​യു​ടെ പ​രി​ശ്ര​മം തു​ട​രു​ന്നു. കെ.​എ​സ്.​ആ​ർ.​ടി.​സി കോ​മ്പൗ​ണ്ടി​ലൂ​ടെ പ​ള്ളി തോ​ട്ടി​ലേ​ക്ക് എ​ത്തി​ച്ചേ​രു​ന്ന തോ​ട്ടി​ലെ ത​ട​സ്സ​ങ്ങ​ൾ നീ​ക്കി​യു​ള്ള ശു​ചീ​ക​ര​ണ​മാ​ണ് ന​ഗ​ര​സ​ഭ ന​ട​ത്തി​ക്കൊ​ണ്ടി​രി​ക്കു​ന്ന​ത്.

കെ​ട്ടു​ക​ൾ ഇ​ടി​ഞ്ഞും മ​ര​ങ്ങ​ൾ വ​ള​ർ​ന്നും വെ​ള്ളം ഒ​ഴു​കി പോ​കാ​ത്ത അ​വ​സ്ഥ​യി​ലാ​യി​രു​ന്ന തോ​ട് മ​ണ്ണു​മ​ന്തി യ​ന്ത്രം ഉ​പ​യോ​ഗി​ച്ച് താ​ഴ്ത്തി ത​ട​സ്സ​ങ്ങ​ൾ നീ​ക്കം ചെ​യ്യു​ക​യാ​ണ്. കെ.​എ​സ്.​ആ​ർ.​ടി.​സി വ​ള​പ്പി​ലെ വെ​ള്ള​ക്കെ​ട്ട് ഒ​ഴി​വാ​ക്കാ​നും ഇ​ത് വ​ഴി സാ​ധി​ക്കു​മെ​ന്നാ​ണ് ക​രു​തു​ന്ന​ത്. കെ.​എ​സ്.​ആ​ർ.​ടി.​സി കോ​മ്പൗ​ണ്ടി​ന് താ​ഴെ പ​ള്ളി​ത്തോ​ട് വ​രെ​യു​ള്ള ഭാ​ഗം ന​ഗ​ര​സ​ഭ നേ​ര​ത്തേ ശു​ചീ​ക​രി​ച്ചി​രു​ന്നു. യ​ന്ത്ര​മി​റ​ക്കി ശു​ചീ​ക​ര​ണം ന​ട​ത്താ​ൻ സാ​ധി​ക്കാ​തി​രു​ന്ന

ഇ​ടി​ക്കൂ​ട് തോ​ട്, കു​ട്ടാ​ടം​പാ​ടം തോ​ട്, അ​ട്ടാ​ത്തോ​ട് ആ​ര്യ​ങ്കാ​ല തോ​ട്, എ​ന്നി​വി​ട​ങ്ങ​ളി​ൽ തൊ​ഴി​ലാ​ളി​ക​ളെ ഉ​പ​യോ​ഗി​ച്ചാ​ണ് ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ തു​ട​രു​ന്ന​ത്. പ​റ​യ​ൻ തോ​ട്ടി​ലെ ദേ​ശീ​യ​പാ​ത മു​ത​ൽ റെ​യി​ൽ​വേ ലൈ​ൻ വ​രെ​യു​ള്ള ഭാ​ഗ​ത്തെ ശു​ചീ​ക​ര​ണം ജ​ങ്കാ​റും മ​ണ്ണു​മ​ന്തി യ​ന്ത്രം ഉ​പ​യോ​ഗി​ച്ചു​ള്ള ശു​ചീ​ക​ര​ണം പൂ​ർ​ത്തി​യാ​വു​ന്നു.

കാ​ര​ക്കു​ള​ത്തു നാ​ട് ഭാ​ഗ​ത്തെ പ​റ​യ​ൻ തോ​ട് ശു​ചീ​ക​ര​ണം തു​ട​രും. ഒ​ന്നാം വാ​ർ​ഡി​ൽ ദേ​ശീ​യ​പാ​ത​യോ​ട് ചേ​ർ​ന്നും സി​ത്താ​ര ന​ഗ​റി​ലും മോ​ന​പ്പി​ള്ളി റോ​ഡി​ലും വെ​ള്ള​ക്കെ​ട്ട് ഒ​ഴി​വാ​ക്കാ​നു​ള്ള പ്ര​വ​ർ​ത്ത​ന​ങ്ങ​ളും അ​ടി​യ​ന്ത​ര​മാ​യി പൂ​ർ​ത്തി​യാ​ക്കി​യി​ട്ടു​ള്ള​താ​യി ന​ഗ​ര​സ​ഭ അ​ധി​കൃ​ത​ർ വ്യ​ക്ത​മാ​ക്കി.