പെ​രി​ങ്ങ​ൽ​ക്കു​ത്ത് ഡാം ​തു​റ​ന്നു; ചാ​ല​ക്കു​ടി​യി​ൽ ആ​ശ​ങ്ക വേ​ണ്ട

ചാ​ല​ക്കു​ടി: മ​ഴ കു​റ​ഞ്ഞ​തി​നാ​ൽ ചാ​ല​ക്കു​ടി​പ്പു​ഴ​യി​ലെ ജ​ല​നി​ര​പ്പ് സാ​ധാ​ര​ണ നി​ല​യി​ൽ തു​ട​രു​ന്നു. പെ​രി​ങ്ങ​ൽ​ക്കു​ത്ത് തു​റ​ന്നെ​ങ്കി​ലും ചാ​ല​ക്കു​ടി​പ്പു​ഴ​യി​ൽ ജ​ല​നി​ര​പ്പി​ൽ കാ​ര്യ​മാ​യ ഉ​യ​ർ​ച്ച​യി​ല്ലാ​ത്ത​തി​നാ​ൽ ആ​ശ​ങ്ക​​പ്പെ​ടേ​ണ്ട കാ​ര്യ​മി​ല്ല. ചൊ​വ്വാ​ഴ്ച ഉ​ച്ച​തി​രി​ഞ്ഞ് പെ​രി​ങ്ങ​ൽ​ക്കു​ത്തി​ലെ അ​ഞ്ച് ഷ​ട്ട​ർ വ​രെ തു​റ​ന്നി​രു​ന്നു. തി​ങ്ക​ളാ​ഴ്ച മ​ഴ ശ​ക്ത​മാ​യ​തി​നാ​ൽ പെ​രി​ങ്ങ​ൽ​ക്കു​ത്ത് അ​തി​വേ​ഗം നി​റ​യു​ക​യാ​യി​രു​ന്നു. ചൊ​വ്വാ​ഴ്ച പു​ല​ർ​ച്ച​യോ​ടെ റെ​ഡ് അ​ല​ർ​ട്ടി​ലെ​ത്തി.

രാ​വി​ലെ 11ന് ​ശേ​ഷം ആ​ദ്യ​ത്തെ ര​ണ്ട് ഷ​ട്ട​റു​ക​ൾ തു​റ​ന്നു. പി​ന്നീ​ട് മൂ​ന്ന് ഷ​ട്ട​റു​ക​ൾ കൂ​ടി ഉ​യ​ർ​ത്തി. പെ​രി​ങ്ങ​ൽ​ക്കു​ത്ത് തു​റ​ന്ന​തി​ന്റെ പ്ര​തി​ഫ​ല​ന​മാ​യി ചൊ​വ്വാ​ഴ്ച രാ​ത്രി​യി​ൽ പ​ര​മാ​വ​ധി 2.65 മീ​റ്റ​ർ വ​രെ​യാ​ണ് ഉ​യ​ർ​ന്ന​ത്. എ​ന്നാ​ൽ ബു​ധ​നാ​ഴ്ച രാ​വി​ലെ ഒ​മ്പ​തു മ​ണി​യോ​ടെ 2.43 മീ​റ്റ​റി​ലേ​ക്ക് ജ​ല​നി​ര​പ്പ് താ​ഴു​ക​യാ​യി​രു​ന്നു. വൈ​കീ​ട്ട് മൂ​ന്ന് മ​ണി​യോ​ടെ 2.16 മീ​റ്റ​റി​ലേ​ക്ക് താ​ഴ്ന്ന ജ​ല​നി​ര​പ്പ് വൈ​കീ​ട്ട് ആ​റ് മ​ണി​യാ​യ​പ്പോ​ൾ വീ​ണ്ടും താ​ഴ്ന്ന് 1.975 മീ​റ്റ​റി​ലേ​ക്കെ​ത്തി.

പെ​രി​ങ്ങ​ൽ​ക്കു​ത്തി​ന് മു​ക​ളി​ൽ കേ​ര​ള ഷോ​ള​യാ​ർ ഇ​തു​വ​രെ​യും തു​റ​ന്നി​ട്ടി​ല്ല. എ​ന്നാ​ൽ ഷോ​ള​യാ​റി​ൽ ജ​ല​നി​ര​പ്പ് ഉ​യ​രു​ന്നു​ണ്ട്. 2630.4 അ​ടി​യി​ൽ പ​രം എ​ത്തി​യി​ട്ടു​ണ്ട്. 2663 അ​ടി​യാ​ണ് ഇ​തി​ന്റെ പൂ​ർ​ണ​മാ​യ സം​ഭ​ര​ണ ശേ​ഷി. 2661 അ​ടി​യി​ൽ എ​ത്തി​യാ​ൽ മാ​ത്ര​മേ ഇ​വി​ടെ റെ​ഡ് അ​ല​ർ​ട്ട് ഉ​ണ്ടാ​കൂ. സം​ഭ​ര​ണ​ശേ​ഷി​യു​ടെ 50.11 ശ​ത​മാ​നം വെ​ള്ള​മാ​ണ് ഇ​പ്പോ​ൾ ഷോ​ള​യാ​ർ ഡാ​മി​ൽ ഉ​ള്ള​ത്.

ക​ഴി​ഞ്ഞ​വ​ർ​ഷ​ത്തേ​ക്കാ​ൾ കു​റ​വ് വെ​ള്ള​മാ​ണ്. ക​ഴി​ഞ്ഞ​വ​ർ​ഷം ഈ ​ദി​വ​സം 78.02 ശ​ത​മാ​നം വെ​ള്ളം ഉ​ണ്ടാ​യി​രു​ന്നു. ഷോ​ള​യാ​റി​ൽ ക​ഴി​ഞ്ഞ​ദി​വ​സം 37 എം.​എം മ​ഴ​യാ​ണ് പെ​യ്ത​ത്. പെ​രി​ങ്ങ​ൽ​ക്കു​ത്തി​ൽ കാ​ര്യ​മാ​യ മ​ഴ​യി​ല്ല. അ​തി​ര​പ്പി​ള്ളി​യി​ൽ 37 എം.​എം, പ​രി​യാ​ര​ത്ത് 17 എം.​എം, ചാ​ല​ക്കു​ടി​യി​ൽ 18 എം.​എം, മേ​ലൂ​രി​ൽ 21 എം.​എം, കാ​ടു​കു​റ്റി​ൽ 30 എം.​എം എ​ന്നി​ങ്ങ​നെ​യാ​ണ് ക​ഴി​ഞ്ഞ ദി​വ​സം പെ​യ്ത മ​ഴ​യു​ടെ തോ​ത്.