പൈപ്പിടാൻ റോഡ് കുത്തിപ്പൊളിക്കൽ: വാട്ടർ അതോറിറ്റിക്ക് സ്റ്റോപ്പ് മെമ്മോ

ചാ​ല​ക്കു​ടി: മേ​ലൂ​ർ പ​ഞ്ചാ​യ​ത്തി​ൽ പൈ​പ്പി​ടാ​നാ​യി റോ​ഡ് കു​ത്തി​പ്പൊ​ളി​ക്കു​ന്ന​ത് നി​ർ​ത്തി​വെ​ക്കാ​നും പൂ​ർ​വ​സ്ഥി​തി​യി​ലാ​ക്കാ​നും വാ​ട്ട​ർ അ​തോ​റി​റ്റി​ക്ക് പി.​ഡ​ബ്ല്യു.​ഡി അ​സി. എ​ൻ​ജി​നീ​യ​റു​ടെ ഉ​ത്ത​ര​വ്. പൈ​പ്പ് സ്ഥാ​പി​ക്ക​ലി​ന്റെ പേ​രി​ൽ മേ​ലൂ​ർ - പു​ഷ്പ​ഗി​രി - അ​ടി​ച്ചി​ലി റോ​ഡി​ൽ ന​ട​ന്നു​വ​ന്നി​രു​ന്ന കു​ത്തി​പ്പൊ​ളി​ക്ക​ൽ നി​ർ​ത്താ​നും കു​ത്തി​പ്പൊ​ളി​ച്ച ഭാ​ഗം പൂ​ർ​വ​സ്ഥി​തി​യി​ലാ​ക്കാ​നു​മാ​ണ് നി​ർ​ദേ​ശം. ഇ​തോ​ടെ പൈ​പ്പ് സ്ഥാ​പി​ക്കു​ന്ന പ്ര​വൃ​ത്തി ജ​ൽ​ജീ​വ​ൻ മി​ഷ​ൻ നി​ർ​ത്തി​വെ​ച്ചു.

ബി.​എം-​ബി.​സി നി​ല​വാ​ര​ത്തി​ൽ നി​ർ​മി​ച്ച റോ​ഡി​ന​ടി​യി​ലൂ​ടെ പൈ​പ്പു​ക​ൾ സ്ഥാ​പി​ക്കാ​ൻ കു​ത്തി​പ്പൊ​ളി​ക്കു​ന്ന​തി​നെ​തി​രെ നാ​ട്ടു​കാ​ർ രം​ഗ​ത്തു​വ​ന്നി​രു​ന്നു. പൊ​തു​പ്ര​വ​ർ​ത്ത​ക​ൻ അ​നി​ൽ വേ​ലാ​യു​ധ​ൻ ന​ൽ​കി​യ പ​രാ​തി​യെ തു​ട​ർ​ന്നാ​ണ് പൊ​തു​മ​രാ​മ​ത്ത് വി​ഭാ​ഗം തൃ​ശൂ​ർ അ​സി. എ​ക്സി​ക്യൂ​ട്ടി​വ് എ​ൻ​ജി​നീ​യ​ർ ഉ​ത്ത​ര​വ് പു​റ​പ്പെ​ടു​വി​ച്ച​ത്.

ഏ​ഴ് കി​ലോ മീ​റ്റ​റി​ല​ധി​കം ദൂ​ര​മു​ള്ള പു​ഷ്പ​ഗി​രി - അ​ടി​ച്ചി​ലി റോ​ഡ് 6.5 കോ​ടി രൂ​പ​യി​ൽ 2021 ഏ​പ്രി​ൽ 30നാ​ണ് നി​ർ​മാ​ണം പൂ​ർ​ത്തീ​ക​രി​ച്ച​ത്. കോ​ടി​ക​ൾ ചെ​ല​വി​ട്ട് നി​ർ​മി​ച്ച റോ​ഡ് യാ​തൊ​രു പ​രി​ഗ​ണ​ന​യും ഇ​ല്ലാ​തെ പൈ​പ്പ് സ്ഥാ​പി​ക്കാ​നാ​യി വീ​ണ്ടും പൊ​ളി​ക്കു​ന്ന​തി​നെ​തി​രെ വ്യാ​പ​ക പ്ര​തി​ഷേ​ധം ഉ​യ​ർ​ന്നി​രു​ന്നു.

പു​ഷ്പ​ഗി​രി - അ​ടി​ച്ചി​ലി റോ​ഡി​ൽ പി.​ഡ​ബ്ല്യു.​ഡി 20 ല​ക്ഷം മു​ട​ക്കി സ​ർ​വേ ന​ട​പ​ടി പൂ​ർ​ത്തീ​ക​രി​ച്ച് പു​റ​മ്പോ​ക്ക് ഭൂ​മി ഏ​റ്റെ​ടു​ക്കാ​ൻ ടെ​ൻ​ഡ​ർ ന​ട​പ​ടി പൂ​ർ​ത്തീ​ക​രി​ച്ചി​ട്ടു​ണ്ട്. ഈ ​സാ​ഹ​ച​ര്യ​ത്തി​ൽ പു​റ​മ്പോ​ക്കി​ലൂ​ടെ ജ​ൽ ജീ​വ​ൻ മി​ഷ​ന്റെ പൈ​പ്പു​ക​ൾ സ്ഥാ​പി​ക്കാ​വു​ന്ന​തേ​യു​ള്ളൂ​വെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. ഇ​തി​ന് പ​ക​രം ബി.​എം-​ബി.​സി ടാ​റി​ങ് ചെ​യ്ത റോ​ഡ് കു​ത്തി​പ്പൊ​ളി​ക്ക​രു​തെ​ന്നും ഇ​വ​ർ ചൂ​ണ്ടി​ക്കാ​ട്ടു​ന്നു.